Skip to main content

APRENDIZAXE BASEADO EN PROXECTOS

Vivamos como cedeireses! #Cedeira #ABP #ALFIN #AMI #bibliotecacreativa #Axenda2030 #ODS #bibliotecainclusiva #bescolaresgal #bescolaresgalabertas

Os nenos e nenas de 1º ciclo saíron á Serra da Capela e a San Andrés de Teixido para visitar o seu patrimonio e pasar un bo rato todos xuntos!

 

 

 

O MUNDO POLAR - EXPERIMENTANDO #BibliotecaCreativa #bibliotecainclusiva #STEAM #bescolaresgal #bescolaresgalabertas

O alumnado de tres anos emprendeu un proxecto sobre

"O mundo polar" e unha das súas actividades de experimentación

tivo a auga como fío conductor. A colleron e fase líquida e a converteron

a sólida, posteriormente a pintaron e conversaron sobre que pasaba

ao manexala e pasar o tempo. Pequenos procesos de investigación e reflexión.

 

 

 

 

 

 

PROXECTO "MÚSICA, MAESTRO!" - CANCIÓNS DA INFANCIA #Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas

Estimadas familias e diferentes axentes sociais,

desexamos que compartades connosco aquelas cancións da

infancia, coas que saltabas á corda, xogabas coas palmas, facías a roda...

Podedes mandalas escritas na ficha e ensinárllelas ao teu peque e,

aínda mellor, podes vir á escola e ensinárnolas.

 

Anexamos a ficha para a recollida da documentación. Gracias por participar!

 

 

 

 

 

 

ESTAMOS DE PARABÉNS! PREMIO PROXECTO "NATURALmente, APRENDENDO!" #PDI #ALFIN #AMI #ciencia #FamiliasnaBE #bibliotecacreativa #bibliotecainclusiva #LIA #bescolaresgal

Orgullo das nosas xentes, da nosa flora, fauna, paisaxes!

Gracias a todas e todos os que sementastes neste proxecto,

moita xente pasou pola biblioteca, pola escola, polos roteiros...

unha vila ollou a natureza, escoitouna, mimouna, observouna.

Grandes e pequenos, todos xuntos aprendemos a mirar.

Hoxe estamos de parabéns! Saimos premiados no

IX Concurso de Traballo por Proxectos coordinados

ou co apoio da biblioteca escolar.

 

 

Recordade seguir observando. Deixamos unha entrada do blog

"Ao Noroeste, do Noroeste" de Rafael López Loureiro, de seguro vos vai gustar.

 

 

 

PROXECTO VERTEBRADOS E INVERTEBRADOS #ABP #ALFIN #AMI #bibliotecacreativa #Axenda2030 #ODS #bescolaresgal #bescolaresgalabertas

 

Os animais vertebrados e invertebrados foron tema de investigación,

o alumnado creou un libro de lapelas para concentrar a información.

Durante o proxecto recibiron a visita de Algodón, un coelliño a mar de doce.

 

 

 

 

 

 

PROXECTO "MÚSICA, MAESTRO!" #Nadal#Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas

Esta semana avoas e avós do Taller de memoria achegáronse ata o cole,

despois de diversas reunións e ensaios para amosarnos tradición oral.

Somexirdos nun mar de contacontos e cancións da vila gozamos de

intres fermosos acariñados polas verbas do saber. Avoas e avós de

moitos de nós espallaron un legado oral que agora temos que protexer

con sumo coidado. Temos que protexelo do esquecemento e un bo xeito

e contando e cantando. Esta entrada irá medrando co paso dos días,

pois é moito o material que nos ofreceron. O mellor de todo e que floreceron

lazos e esta non será a última vez que coincidiremos.

Realizaremos diversas reunións ao seu carón, pois é tanto

o que saben que moito dubidamos que un ano chegue para contalo.

Gracias avoas e avós!

 

 

 

 

 

 

MARES DE CEDEIRA MUSEO #PDI #MesDaCienciaEnGalego #ALFIN #AMI #ciencia #bescolaresgal #bescolaresgalabertas

Máis de cincuenta pequenas e pequenos inundaron Mares de Cedeira Museo,

o venres 17, con ollos curiosos e cheos de preguntas.

Alí puideron gozar de dúas visitas:

 

1º-. Unha exposición artística a cargo de Francisco Pérez Alonso,

pintor zamorano. Na que a rapazada tivo o pracer

de escoitar ao autor explicando as súas obras de artes:

- diversos instrumentos musicais tocados e acompañados cos seus cantos.

- pinturas cinéticas de edificios emblemáticos de Ferrol, nos que a obras adquiren

movemento e que cada unha ten unhas centro cincuenta horas de traballo.

- e figuras con moito contido talladas en madeira.

 

2º-. E por suposto, o noso museo do mar, cheo de barcos onde explorar o oficio do

carpinteiro de ribeira, ver o paso do tempo a través das fábricas conserveiras,

ollar anzós e artes de pesca, unha inmensa exposición de cunchas,

crustáceos e rematar cunha historia de viaxes en botella.

Recomendamos a visita e se ides, escoitade a historia!

 

 

 

 

CONCELLO DE CEDEIRA SAÍDA DIDÁCTICA #AprenderaPensarnaBE #bescolaresgal #bescolaresgalabertas

O alumnado de segundo de primaria remata a unidade sobre

o Concello e os servizos públicos cunha visita ao mesmo

Concello de Cedeira. Alí tiveron a oportunidade de coñecer a

diferentes traballadores, saber das súas profesións, ollar os

diversos espazos de reunións, conversar con varios conselleir@s

e co alcalde Pablo Moreda. Incluso entraron ver o Pazo de Moscoso reformado,

onde se aloxará Policia Local e Servizos Sociais. Por suposto, falaron, contaron e

opinaron da vida na escola e na vila! Gracias a todos o que fixeron posible esta visita.

 

 

 

 

 

MUSEOS CORUÑA #MesDaCienciaEnGalego #Ciencia #bescolaresgal #bescolaresgalabertas

O alumnado de 5º escolleu o mes das Ciencias para realizar

unha saída didáctica a tres museo da Coruña.

No Domus visionaron temática da alimentación, nutrición,

a evolución dende os primeiros homínidos e realizaron xogos

interactivos de olores, neurons, actividades sobre xenética e adn.

Na Casa das Ciencias gozaron unha manchea co péndulo de Foucault

ata aplaudiron ao caer o pivote, encantoulles! Posteriormente, traballaron

de xeito interactivo péndulos, gravidade e no planetario (que tiveron o

privilexio de ollar os dous, un recén estrenado!) disfrutaron do anoitece e

amancer no ceo, mentres escoitaban explicacións sobre os astros, os puntos cardinais...

Por último, no acuario Finisterrae, coñeceron a Gastón, o tiburón touro

que vive alíe entre outras especies típicas de Galicia. Conversaron sobre a

reprodución sexual e asesual dos seres vivos. Viron os ajolotes que están

en perigo de extinción e os deixaron namorados!

Aprenderon unha manchea de curiosidades. E ollaron diferentes

adornos realizados cos materiais que desbota o mar.

 

 

 

 

 

 

PROXECTO DOCUMENTAL "MÚSICA, MAESTRO!" #Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas

Como vén sendo habitual ano a ano, a biblioteca da escola embárcase

nun proxecto de traballo no que a colaboración de toda a comunidade

educativa é condición indispensable para arribar en bo porto.

Basearemos coma sempre as nosas investigacións no currículo

cedeirés e así propoñemos este curso un tema que forma

parte esencial da existencia da nosa vila A MÚSICA.

 

 

 

Cedeira...unha vila que non se entende sen o compoñente musical.

Foron, son e serán moitos os músicos e agrupacións que manteñen

viva a nosa tradición musical. A música é parte da vida cotiá:

cantamos cando xogamos, cando contamos contos ,

despois dun xantar compartido e mesmo cando traballamos,

forma parte das nosas vidas e da nosa historia como pobo.

 

Non entenderemos pois o currículo cedeirés sen o compoñente musical.

Queremos achegar aos nosos nenos e nenas a nosa tradición máis sonora,

queremos facelo dende a escola, dende a biblioteca

e coa axuda inestimable de todos vosoutros.


Ao estar en vésperas do Tempo de Nadal e coa intención de ir preparando

os cantares de aguinaldo iniciamos este proxecto. Se conservades na vosa

memoria ou na dos vosos avós algún cantar tradicional, cubride o seguinte

cuestionario que vos enviamos ou solicitade un na biblioteca ou en secretaría.

 

 

 

https://www.facebook.com/bibliotecacarloslabranha/
@beCarlosLabrana
biblio.nicolas.del.rio@gmail.com

 

 

CADERNO DE CAMPO - 5º PRIMARIA #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal

O alumando de 5º de primaria preséntanos o seu caderno

de campo de Castro Sarridal, un traballo que comezaron

documentándose na biblioteca escolar, con saída incluída. Primeiro recolleron

datos en sucio e posteriormente, corrixiron e pasaron a limpo.

Un produto final fermoso para compartir con toda a familia.

Parabéns chicas e chicos!

 

 

 

 

 

CADERNO DE CAMPO - 3 ANOS #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal

O alumnado de 3 anos remata o seu caderno de campo,

un dos produtos finais do noso proxecto documental

integrado, sobre a flora e a fauna da nosa contorna.

Parabéns a estes pequenos naturalistas!

 

 

 

 

 

 

PROXECTO CASTELOS - 4 ANOS #arte #bibliotecacreativa #bibliotecainclusiva #LIA #bescolaresgal #bescolaresgalabertas

Este trimestre o alumnado de catro anos

estivo inmerso nun proxecto sobre os castelos,

este é o seu produto final, un fermoso libro de lapelas!

 

 

 

 

CAMBIANDO CROMOS #PDI #ALFIN #AMI #ciencia #FamiliasnaBE #bibliotecacreativa #bibliotecainclusiva #LIA #bescolaresgal

O alumnado de 5º e 6º recibe outro sobre de cromos e

cambia os repetidos. Intres para compartir información,ampliar,

investigar, conversar sobre a flora e a fauna da nosa contorna.

Agradecer a colaboración de Rafael López Loureiro (aportando

as fotografía e documentación sempre que se necesitou), o

Concello de Cedeira e de todos e cada un dos axentes sociais implicados.

 

 

 

 

 

XINCANA COAS FAMILIAS PRAIA DA MAGDALENA #FamiliasnaBE #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal

A piques de rematar o curso gozamos dunha xincana sobre o noso PDI,

pola praia e coas familias. En grupos de 3 ou 4 nenas e nenos, cun adulto

responsable, reunímonos na biblioteca para explicar as probas do padlet.

Unha aplicación coa que queremos experimentar. Os adultos levaban un

móbil e, compartida a ligazón, obtiñan as 13 probas propostas. Probas de busca,

de creacion con cunchas, identificación, escoita de sons, escritura, xogo, mapas,

baño, recollida de lixo e invasoras... Dende o móbil, gravaban sons ou fotografaban

as actividadades. Para ser o noso primeiro intento, todos o fixeron moi ben.

Quen non foi quen de mandalo ao padlet o fixo por medio dun Whatsapp.

O mellor foi a convivencia, o respecto, o pasar unha mañá xuntos.

Amosamos o resultado no PADLET.

 

Se non o ves ben, podes acceder clicando aquí! 

 

E animarte a facela xincana.

 

 
 
 
 
 
 
Feito con Padlet

CADERNO DE LAPELAS PDI #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal

Os Vagalumes de 1ºC concentran o traballo realizado para o proxecto

"Aprendendo, naturalmente!" nun caderno de lapelas a modo de maletín.

Nel recollen varios ciclos, a costura dunha folla, un caderno de campo,

a paisaxe da costeira da nosa contorna, a flora e fauna que a rodea,

o álbum cos cromos realizado pola biblioteca (fotografía de

Rafael López Loureiro e subvencionado polo Concello de Cedeira)

e as fichas do trimestre, moitas delas versan sobre a flora e a fauna.

Libro convertido en xogo que de seguro será mirado e remirado durante o verán.

Un recordo bonito e moi educativo dun curso escolar.

Agradecer a colaboración de Carmen Lorenzo e

@mestraCris en algunha das pezas.

 

 

 

 

 

DE EIRUGA A BOLBORETA #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal

Xa as temos aquí, o ciclo está na súa fase final.

Moitas delas xa puxeron os ovos e outras están a punto.

 

 

 

 

 

 

SAÍDA DIDÁCTICA AQUARIO E MUSEO DAS CIENCIAS #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal

O alumnado de 1º realiza unha saída na que recollen

información para o PDI, sobre a fauna dos nosos mares.

 

 

 

 

 

ESTREANDO O CADERNO DE CAMPO #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal

Despois de rematar a creación do caderno de campo,

na aplicación Canva, o alumnado de sexto fai

unha saída á Praia da Magdalena e o estrea!

 

 

 

 

 

 

ÁLBUM E CROMOS 5 ANOS #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal

O álbum e os cromos son un verdadeiro xoguete/producto final
para investigar. Hoxe o alumnado de 5 anos, recibe outro sobre e
intercambian cromos. Ollan as fotografías e coa axuda da súa profe,
len a información. Conversan sobre o que saben, o que non sabían,
xorden novas preguntas que hai que resolver nos libros,
na biblioteca, indagando para aprender.
Agradecer a colaboración de Rafael López Loureiro
(aportando as fotografía e documentación sempre que se necesitou),
o Concello de Cedeira e de todos e cada un dos axentes sociais implicados.
 
Distribuir contido