Skip to main content

STEAM

Bodyplanet. Aprendendo sobre o corpo humano

Xa empeza a encherse a biblio de alumnado de novo... Nesta ocasión, a clase de 2º de Primaria empregou o Bodyplanet que forma parte da Biblioteca creativa para traballar sobre o corpo humano dun forma moi amena a través da realidade aumentada! O pasaron en grande!

 

 

 

FANZINE - PROXECTO DE ESCRITURA #euquedonacasa #bescolaresgalabertas

 

Durante o confinamento, o alumnado fixo diversas actividades na casa.

A escritura ten un peso importante e era necesario que pequenas e pequenos seguiran escribindo,

imaxinando, cohesionando os textos, cinguíndoos a unha ortografía e gramática precisa.

 

Pero todo isto, tiña que partir dos seus intereses, da súa imaxinación, das cousas da vida que para nada son impostas.

Así, os Vagalumes, decidiron realizar Fanzines, publicacións curtas, libres, persoais e moi, moi creativas.

 

A través de esta imaxen interactiva, poderedes ver pequenos retazos dos seus traballos e quen se anime facer o seu, quen sabe...

A imaxinación non ten límites, hai que deixala voar!

 

TEATRO KAHOOT E ILUSTRACIÓNS #euquedonacasa #bescolaresgalabertas

O teatro é un arte que nos permite ser e sentir como outra persoa durante ese tempo de xogo.

Permite poñerte no lugar de outro e experimentar a ledicia, a dor, a tristreza, o amor...

 

Un bosque... moreas de animais. Unha historia de valores.

Cae un meteoro ou unha estrela? Importa moito?

 

Se estivestes atentos á obra de teatro Estrela... fugaz? de Carlos Labraña,

interpretada polos Vagalumes, propoñémosvos achegarvos ao seu contido de dous xeitos diferentes:

 

. Un kahoot para xogar

 

 

- Os debuxos do ilustrador Diego Cheda para colorear

 

 

 

III XORNADAS DE TEATRO ESCOLAR - PROCESO #euquedonacasa #bescolaresgalabertas

Os Vagalumes xa teñen algunhas táboas cando falamos de teatro,

pero este ano rompeu os esquemas de toda unha humanidade.

Realizaron os seus comezos, coma sempre, na Biblioteca Carlos Labraña.

 

Recibiron a visita do autor da obra escollida: Carlos Labraña. Un grande.

Tiveron o privilexio de recibir unhas clases de expresión por parte de Quique Vázquez.

Inmenso Quique!

Ensaiaron a obra e xa tiñan decidido o atrezzo e a caracterización da compañía cando

unha pandemia azoutou o mundo enteiro e mandounos a todos para casa.

 

 

 

Na protección do fogar e da familia, idearon, pensaron e tomaron unha decisión:

seguir adiante co seu soño, transformalo e facer RADIO TEATRO!

 


 

Unha das grandes preocupacións era a parte artística da obra.

Non dera tempo a facer a caracterización das personaxes a través do debuxo, como outros anos.

Así, acudiron ao mellor ilustrador que podiamos ter:

Diego Cheda, quen dá forma e caracteriza a cada unha das personaxes.

Gracias, Diego, por tanto!

Posteriormente, nenas e nenos coas súas familias crean a caracterización dos actores e actrices.

Os Vagalumes deseñan fondos, árbores, carretillas... de atrezzo.

Xa por último, e usando varios programas como: Audacity, Imovie, Canva,

Remobe-bg, Cut past photo... créase o Radio Teatro Estrela... fugaz?

 

Este é o tríptico, ese que repartirían para

que todos tivesen constancia do seu proceso.

 

 

 

PARABÉNS VAGALUMES!!

 

 

 

 

III XORNADAS DE TEATRO ESCOLAR - ESTRELA... FUGAZ? #euquedonacasa #bescolaresgalabertas

 

 

"Creo que se nace escritor, pintor ou músico. Nácese coa vocación e en moitos casos coas condicións físicas para a danza e o teatro, e cun talento propicio para o xornalismo escrito, entendido como un xénero literario, e para o cinema, entendido como unha síntese da ficción e a plástica. Nese sentido son un platónico: aprender é lembrar. Isto quere dicir que cando un neno chega á escola primaria pode ir xa predisposto pola natureza para algún deses oficios, aínda que aínda non o saiba. E tal vez non o saiba nunca, pero o seu destino pode ser mellor se alguén o axuda a descubrilo.

Non para forzalo en ningún sentido, senón para crearlle condicións favorables e alentalo a gozar sen temores do seu xoguete preferido. Creo, cunha seriedade absoluta, que facer sempre o que a un lle gusta, e só iso, é a fórmula maxistral para unha vida longa e feliz.”

Gabriel García Márquez

 

 A Convención dos dereitos do neno, no seu artigo 29, recolle como obxectivo da educación o desenvolver as capacidades de cada un dos pequenos e pequenas, ata o máximo das súas posibilidades.

Gabriel García Márquez fala do seu xoguete, ese xoguete é a excelencia que cada unha das rapazas e rapaces posúen.

A escola é a encargada de descubrila e desenvolvela.

 

https://www.facebook.com/bibliotecacarloslabranha/
@beCarlosLabrana
biblio.nicolas.del.rio@gmail.com

 

 

 

 

III XORNADAS DE TEATRO ESCOLAR - CARTAZ E INVITACIÓN #euquedonacasa #bescolaresgalabertas

III XORNADAS DE TEATRO ESCOLAR

 

Os Vagalumes de 4º A teñen o pracer de convidarvos á representación da obra de teatro Estrela... fugaz?

de Carlos Labraña, o vindeiro martes, 8 de xuño, ás 20:00 h.

 

Será o resultado do traballo dun curso escolar, un ano diferente e inesperado,

 no que o alumnado, mestra e familias souberon adaptarse ás circunstancias e cooperar na distancia.

Nesta representación teatral os Vagalumes serán capaces de transmitirnos o mellor de si mesmos

e serán quen de trasladarnos a outro mundo a través das artes plásticas, a imaxinación e as palabras.

Veredes como solucionan problemas, traballan en equipo e ao mesmo tempo poderedes comprobar

como este curso medraron en autoestima e confianza en si mesmos.

 

 

Preparade un sitio no sofá e unhas pombiñas de millo!

Non volo podedes perder!

 

 

 

 

 

 

CADERNO DE CAMPO VAGALUMES #euquedonacasa #bescolaresgalabertas

 

Os vagalumes presentan o seu caderno de campo interactivo.

 

Esta actividade nace dentro do proxecto intercentros sobre o patrimonio inmaterial, no que participan Os Vagalumes e o alumnado de 1º de Bacharelato do IES Punta Candieira.

Con anterioridade realizaron documentación e saída con Andrés Toxeiro.

O traballo continuou dentro da aula cun caderno de campo e consolidouse nas casas coas achegas e vivencias diarias do alumnado de 4º.

 

Preme na man para localizar e usar os elementos interactivos.

 

 

  

EXPERIMENTOS NA CASA #euquedonacasa #bescolaresgalabertas

 

 

As nenas e nenos de 4 anos experimentan nas súas casas.

Pasade.

 

 

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

 

 

 

 

A NOVA VIAXE DE PERCEBIÑO #euquedonacasa #bescolaresgalabertas

A introducción da actividade de hoxe semella un novo capítulo do conto recén publicado. Pois a decir verdade, viaxe o que se dí viaxe entendido como o movemento dun lugar a outro podería ser. E todo isto por arte de maxia da nosa biblioteca escolar e a vosa axuda, por suposto. Entre todos imos facer que Percebiño viaxe por todos os sitios que se vos ocurran. 

Preguntarédesvos como. Aquí vai a explicación da proposta de hoxe:

 

1. O primeiro que temos que facer é proporcionarlle ao noso percebe favorito un medio de transporte, que polo que podemos supoñer, no que máis lle presta viaxar pode ser un barco.

Xa temos o primeiro paso: construír un barco de papel.

 

2. Cando teñamos o barco feito, metemos nel a Percebiño, e facémoslle unha foto. 

 

3. O último paso pode ser o máis complicado: decidir onde imos mandar a Percebiño.

Premede na imaxe para comezar a tarefa. Se precisades axuda, podedes acceder ao vídeo titorial que atoparedes un pouco máis abaixo.

Ao entrar dádelle a EDITAR.

 

 

 TITORIAL GOOGLE MY MAPS:

 

 

Compartide as vosas creacións:

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

Día das Artes Galegas, 1 de abril #EuQuedoNaCasa #bescolaresgalAbertas

Queremos celebrar o Día das Artes agradecendo a Diego Cheda Bustabad outro dos seus deseños.

Nesta ocasión Percebín nos traslada unha mensaxe positiva cara a situación que estamos a vivir.

Para celebrar este día dende a Biblioteca Carlos Labraña propoñemos a realización

de mándalas con obxectos que teñamos no fogar (procurade non usar comida).

Aquí deixamos unha idea e unha entrada dunha actividade con mándalas do curso pasado.


Agradecemos enviedes fotos ou vídeos coas vosas creacións aos seguintes enderezos:

https://facebook.com/bibliotecacarloslabranha/…

@beCarlosLabrana

biblio.nicolas.del.rio@gmail.com

 Engadimos a proposta da Asesoría de Bibliotecas Escolares para afondar no coñecemento de Domingo de Andrade.

Cidade da Cultura

 

 

Eu experimento na casa. #EuQuedoNaCasa #bescolaresgalAbertas

Como facer que o metal flote na auga?

 

Obradoiro de manualidades! En mans da rapazada! #EuQuedoNaCasa #bescolaresgalAbertas

Un mércores calquera na hora do recreo isto estaría a acontecer...

E isto voltará a suceder, pero polo momento, imos facer unhas propostas para reciclar, facendo manualidades dende a casa.

 1º- Quebracabezas con vasos ou tapas: Dálles cor ás tapas, rolos de papel hixiénico,

vasos de iogur ou outro material de refugallo, monta 2 taboleiros coas 3 cores que escollas… e toca enredar un pouco. 

É unha proposta de Olga Patiño Abeixón.

2º "Orig Melra" Poesía e origami da man de Victor Rodríguez.

No tempo de botar o liño,
agachado na silveira,
canta o melro melriño
a vida da Primaveira.

Se chove, chove amodiño
sobor da flor das cerdeiras.
¡E o melro, melro, melriño
canta de moitas maneiras!

Poema de: Manuel María (Terra Chá, 1954)

Música: “Brincadeira” de Begoña Riobó e Xosé Liz

Ambas publicacións de Aulas Galegas.

Podedes compartir as vosas creacións a través de:

https://facebook.com/bibliotecacarloslabranha/…

@beCarlosLabrana

biblio.nicolas.del.rio@gmail.com

 

Voluntariado Obradoiro de manualidades - #euquedonacasa

Hoxe, na hora do recreo, tocaba Obradoiro de manualidades con reciclados, da man de:

Lucía, Lara, Aloe, Carol, Lucía Rodríguez e Alex.

Dende a biblioteca ofertamos as seguintes propostas para quen desexe seguir co obradoiro dende a súa casiña.

Algo fácil e motivador: realizar un arco da vella con revistas que peguemos nun papel.

Poñer unha mensaxe positiva, por exemplo: Todo vai saír ben! Cando estea seco, pegalo na ventá da casa.

Outras opción de deseños con reciclados:

Con botellas de plástico

Manualidades diversas

Con diversos materiais

Podedes animar con todos os vosos modelos nas ventás das

casas e se vos apetece, mandar unha foto a través dos seguintes enderezos:

https://facebook.com/bibliotecacarloslabranha/…

@beCarlosLabrana

biblio.nicolas.del.rio@gmail.com

 

 

 

 

Obradoiro de manualidades! En mans da rapazada!

O alumnado empodérase e continúa deseñando obradoiros.

Neste caso as artes e o steam son a base da actividade.


Realízano dende o comezo, sen saltarse ningunha fase.

Xúntanse e definen que levará a actividade, realizan unha lista dos materiais necesarios (será a base de reciclados),

deseñan o cartaz para promocionar o obradoiro,

fan unhas táboas para que se apunte o alumnado e na data sinalada levan a cabo o obradoiro.


Como sempre, ocorren cousas que hai que contar; estas grandísimas persoas non só fixeron todo este traballo, e por certo moi ben realizado, senón que comezan o obradoiro e escoitas a un deles consultar en cal lingua levarán o obradoiro.

Conversan e axiña, sen dubidar, din: - en galego.

- Nenas, nenos, todos falamos en galego (coméntanlles aos participantes no obradoiro).

Un pracer de rapazada!

Rosalía de Castro

Os Vagalumes achegan a biografía de Rosalía baseándose na obra da

Fundación Rosalía, de Helena Villar Janeiro e Ánxeles Ferrer.

Parabéns rapazada!

RECICREA!

Exposición dos traballos do noso alumnado para o Recicrea.

Agora viaxarán para a exposición no Ies Punta Candieira e a posterior decisión do xurado.

Moita sorte a todas e todos!

 

Aprender a investigar en 4º

O alunado de 4º de primaria na súa asignatura Aprender a investigar, programa os Mbots dende os ipads

para que realicen diferentes percorridos, acendan ou apaguen luces das cores asignadas na actividade... etc.

A tecnoloxía está en todas partes e as bibliotecas temos que ensinar a ler nos diferentes códigos que se presentan.

A motivación está asegurada.

 

Obradoiro "Deseña o teu contedor de plástico"

O alunado está rematando as súas creacións para participar no RECICREA.

Ampliouse o prazo de entrega das maquetas e debuxos ata o xoves 5 de marzo.

 

 

 

OBRADOIRO DE SAN VALENTÍN

NESTE CURSO ESCOLAR, O VOLUNTARIADO FIXO UNHA PROPOSTA DE DESEÑO, ELABORACIÓN E REALIZACIÓN DE OBRADOIROS.

ESTAMOS CONVENCIDOS DE QUE ESTE TIPO DE RESPONSABILIDADES SON UNHA APOSTA CLARA PARA MEDRAR E MADURAR. ASÍ QUE O EQUIPO DE BIBLIOTECA DEULLE PARA ADIANTE Á INICIATIVA DOS VOLUNTARIOS E VOLUNTARIAS.

A FALTA DE DOCUMENTACIÓN NA FASE DE ELABORACIÓN DOS OBRADOIROS NON NOS PERMITIU PUBLICAR OS ANTERIORES, PERO O QUE AGORA SE AMOSA NON É O PRIMEIRO NIN SERÁ O ÚLTIMO.

HAI QUE TER PRESENTE AS DIFICULTADES NA POSTA EN MARCHA DUN OBRADOIRO, ESTE ALUNADO TIVO QUE SENTAR E POÑERSE DE ACORDO NO QUE REALIZAR, FACER BOCEXOS E PROBAS PARA CONTROLAR OS TEMPOS, FACER LISTADOS DE MATERIAIS NECESARIOS, PREPARAR CARTACES PARA PUBLICITALO E CADROS DE APUNTAMENTOS PARA AS NENAS E NENOS AOS QUE ÍA DIRIXIDO O OBRADOIRO E XA CONVOCADO LEVALO Á PRÁCTICA.

ESTAS SON AS EVIDENCIAS DO SEU TRABALLO.


NESTA OCASIÓN, ANDREA, UXÍA E LARA, SORPRENDÉRONOS CUN OBRADOIRO DE SAN VALENTÍN!


PARABÉNS RAPAZAS!

RECREOS NA BIBLIO!

O VOLUNTARIADO ACOMPAÑA, GUÍA E ASESORA A TODO O ALUNADO NOS RECREO DA BIBLIOTECA CARLOS LABRAÑA.

PARABÉNS RAPAZADA!

A VOSA LABOR É FANTÁSTICA!!

Distribuir contido