Skip to main content

OBRADOIROS

CLUB LECTURAS - RESOLUCIÓN DE CONFLICTOS #Lecturascompartidas #Clubsdelectura #FamiliasnaBE #bibliotecacreativa #bescolaresgal

Un dos club de lectura da escola, o dos máis pequechos,

iniciou a lectura do conto de David Mckee, "Negros e Brancos"

un libro no que cada verba ten un peso e cada imaxen un tesouro.

Moitas foron as lecturas e innumerables as conversas. É un libro co

que poder transitar na resolución de conflitos, o uso e o valor da

palabra, a reflexión... porque isto segue pasando, e non só na

rapazada, tamén en adultos que ostentan grandes cargos e

representan a moitas persoas (quizais moitas nin quixeran...).

O caso é que sempre hai problemas e discusións, ensinar outros

camiños para transitalos é necesario, e practicar co exemplo o é máis.

Aproveitamos o conto para facer actividades relaxantes como é a pintura,

con todos os seus matices, porque nós queremos ser eses elefantes que

se internan na selva e buscan a paz, eles son de mil brancos, grises e negros.

Usamos a regla, medimos, trazamos,  porque é importante que o

seu uso sexa motivador, non é sinxelo, é un novo aparello que

ven incorporase ao material escolar habitual.

 

O día 1 de febreiro realizaremos unha tertulia alumnado

e familias, pero xa podedes vir ollar a súa exposición celebrando

que hoxe 30 de xaneiro é o Día da Ilustración.

 

 

 

 

 

 

 

 

 

NADAL INTERCENTROS #inclusión #bibliotecainclusiva #LecturaeFamilias #FamiliasnaBE #bescolaresgal #bescolaresgalabertas

 

 

O tempo de Nadal é unha época para coincidir, para convidar,

para estar xuntos e compartir o que temos con outros.

Así decidimos realizar un encontro entre o alumnado da Asociación Apader

e un dos sextos. Primeiro presentáronse, algúns xa se coñecen de coincidir pola vila,

outros xamais se viran, pero todos gozamos dun tempo xuntos realizando un

obradoiro moi doce típico do Nadal.

Ao remate, o alumnado de sexto explicoulles o funcionamento da nosa

Biblioteca Lía, non lles quedou detalle, probaron diversos recursos (ordenadores

táctiles, xogos, pantallas...) explicáronlles a CDU e quedamos en que virán facer empréstito.

Na seguinte a repazada de sexto irá ao centro de Apader

realizar un obradoiro ben chulo, que tamén ten que ver con libros!

 3 de decembro Día Internacional das Persoas con discapacidade,

todos somos iguais e todos diferentes, isto non é cousa dun día.

Por unha convivencia plena e normalizada.

 

 

 

 

 

BIBLIOTECA HUMANA A CIDADANÍA VOLTA Á ESCOLA! #LecturaeFamilias #FamiliasnaBE #STEAM #bibliotecacreativa #poloscreativos #bescolaresgal #bescolaresgalabertas

A Biblioteca Humana, dentro do programa Lectura e Familias,

volve outro ano máis para facer escola entre todos e todas!

 

Está claro que as nosas xentes son fonte de recursos diversa.

Ademáis a biblioteca, as mestras e os mestres somos conscientes do poder motivador

que pode exercer que a avoa, o tío, a madriña, a veciña, o curmán, mamá, papá...

se achegue á escola e forme parte dela, que cree, ensine, lea, constrúa coñecemento.

Por todas estas razóns e moitas máis, abrimos novamente o banco humano

que abarca tres grandes obxectivos:

 

a)Continuar ampliando as persoas libro (contar oralmente unha vivencia, experiencia, saber...

a un grupo pequeno de persoas que logo teñen opción a facer preguntas sobre o comentado).

 

b)Acudir na hora de ler a contar unha historia a tódolos

compañeiros e compañeiras da aula do seu familiar.

 

c)Realizar un ou varios obradoiros sobre a temática que se solicita co alumnado.

 

A escola conta cunha gran dotación de recursos materias de Polos Creativos e da biblioteca escolar.

Somos moi afortunadas e afortunados pois temos un centro con gran cantidade de material.

Agora é necesario sacarlle o máximo partido para aprender do mellor xeito que sabemos, Xuntos!

 

 

 

 

 

 

 

"LECTURA E FAMILIAS" CON ANTÓN CORTIZAS #LecturaeFamilias #bescolaresgal #bescolaresgalabertas #FamiliasnaBE

O 31 de maio foi un día para xogar coas palabras,

as de Antón Cortizas, mestre (xubilado) pero coa mesma alma,

escritor dunha manchea de libros e gran defensor do xogo tradicional,

ese que realizamos co corpo, coas verbas,

con moita imaxinación e algún material de refugallo.

Pola mañá, o alumnado de 4 anos realizou actividades ao redor do conto

"Sopra por este furadiño" e o de 5 ao redor de "Os dez animais".

Pola tarde, portas abertas a tódalas familias para ferrallar

e recuperar o xogo tradicional, unha tarde de creación extraordinaria.

 

 

 

 

 

OBRADOIROS EN FAMILIA - PROGRAMA "LECTURA E FAMILIAS" #LecturaeFamilias #bescolaresgal #bescolaresgalabertas #FamiliasnaBE

Toda a comunidade escolar quedades convidados aos obradoiros,

que dentro do programa "Lectura e familias", levará a cabo Antón Cortizas.

Serán na biblioteca escolar o mércores 31 de maio, ás 17:30 h.

Esta actividade pertence ao programa "Lectura e familias"

da Asesoria de Bibliotecas Escolares de Galicia.

 

 

 

 

 

 

MARCOS DE FOTOS - BIBLIOTECA HUMANA/POLOS CREATIVOS #LecturaeFamilias #FamiliasnaBE #STEAM #poloscreativos #bibliotecacreativa #EscribiraBE #bescolaresgal #bescolaresgalabertas

Nesta ocasión un grupo numeroso de sexto goza da elaboración dun marco de fotos.

A actividade está organizada por unha mamá que colabora na Biblioteca Humana/Polos Creativos.

Agradecer a súa implicación!

 

 

 

 

PALEONTÓLOGOS - NATURALMENTE, APRENDENDO! #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal #bescolaresgalabertas

Dentro do proxecto documental o alumnado de 4 anos realizou un obradoiro

sobre paleontoloxía, tallaron pegadas e ósos con pasta branca, as mestras

crearon un mundo que semellara o espazo de traballo dun ou dunha paleontóloga

e por suposto, eles se fixeron cos materiais axeitados para ser, pois así aprendemos.

Atoparon as pezas e as identificaron.

Un traballo de creación, recreación e observación calmada que enriquece á rapazada!

 

 

 

RECOLLIDA RECICLADOS #bescolaresgal #bescolaresgalabertas

 

 

 

 

 

 

 

A MULLER E A NENA NA CIENCIA @11defebreroES #11F #Ciencia #Igualdade #Axenda2030 #ODS5 #Bescolaresgal #bescolaresgalabertas

Sabemos da importancia que ten sinalar unha data para as mulleres e as nenas na ciencia.

O noso alumnado ten o dereito de educarse neste campo e polo tanto é algo que está presente

durante todo o curso. Temos un club de ciencias, ofértanse obradoiros sobre ese campo,

o mesmo alumnado propón os seus... non pensamos en datas senón en intereses, motivacións...

Visibilizamos a data e conversamos sobre a necesidade de perseguir, cada un, a súa paixón.

E a importancia de que os que nos rodean apoien as nosas decisións.

 

 

 

 

BIBLIOTECA HUMANA/POLOS CREATIVOS A CIDADANÍA VOLTA Á ESCOLA!! #FamiliasnaBE #STEAM #bibliotecacreativa #EscribiraBE #bescolaresgal #bescolaresgalabertas

A Biblioteca Humana volta este ano con novidades dentro do proxecto "Lectura e familias"!

Está claro que as nosas xentes son fonte de recursos diversa.

Ademáis a biblioteca, as mestras e os mestres somos consciente do poder motivador

que pode exercer que a avoa, o tío, a madriña, a veciña, o curmán, mamá, papá...

veña á escola e forme parte dela, que cree, ensine, lea, constrúa coñecemento.

Por todas estas razóns e moitas máis, este curso abrímonos á creación

dun banco humano para abarcar tres grandes obxectivos:

 

a)Continuar ampliando as persoas libro (contar oralmente unha vivencia, experiencia, saber...

a un grupo pequeno de persoas que logo teñen opción a facer preguntas sobre o comentado).

 

b)Acudir na hora de ler a contar unha historia a tódolos

compañeiros e compañeiras da aula do seu familiar.

 

c)Realizar un ou varios obradoiros sobre a temática que se solicita co alumnado.

 

O centro recibíu unha gran dotación de recursos materias de Polos Creativos.

Somos moi afortunadas e afortunados pois temos un centro con gran cantidade de material.

Agora é necesario sacarlle o máximo partido para aprender do mellor xeito que sabemos, Xuntos!!


 

 

 

 

 

CLUBS 5º E 6º PRIMARIA - POR UN ALUMNADO EMPODERADO! #bibliotecacreativa #bescolaresgal #bescolaresgalabertas

Os clubs de alumnado de 5º e 6º de primaria teñen en marcha

diversas actividades que agora mesmo están a pleno rendemento.

No club de inventos están facendo duendes con calcetíns.

Os dous clubs de teatro andan a voltas cos ensaios das súas obras, escritas por elas e eles.

No club de reciclaxe hai cartón por doquier,

están facendo a árbore de Nadal coas súas decoración.

No club de baile non paran de mover o esquelete.

O comezo foi algo confuso, pois os clubs solapábanse en horarios e membros.

Pero tras a conversa e a reflexión chegou a calma e agora as datas son as seguintes.

Luns: Club de inventos

Martes: Club de reciclaxe

Mércores: Club de baile

Xoves e venres: Clubs de teatro (un grupo cada día).

 

 

 

CREA O TEU OBRADOIRO OU FALADOIRO! #bibliotecainclusiva #Axenda2030 #bescolaresgal #bescolaresgalabertas

Sabedores do voso potencial, xa o tedes amosado en moitas ocasións,

queremos propoñervos que deseñedes os vosos propios obradoiros ou faladoiros.

Seguro que sabedes facer algo de marabilla: lettering, unha manualidade,

un experimento, un actividade de costura, reciclados...

Ou falar, diso tamén temos constancia, pero hai temas dos que sabedes a moreas

e quedamos pasmados escoitándovos: un animal, un fenómeno físico, unha lenda,

o mar, un conto, a recomendación dun libro...

Pasade pola biblioteca e apuntádevos!

Vos estamos esperando! Todos temos algo que contar!


 

 

 

 

CALIGRAMAS - OBRADOIROS VOLUNTARIADO #VoluntariadonaBE #bibliotecacreativa #bibliotecainclusiva #bescolaresgal #bescolaresgalabertas

O voluntariado despertando a creatividade,

xogando coas palabras e a imaxe da nosa mascota Percebiño!

 

 

 

 

“Do mar vívese” #bescolaresgal #bescolaresgalabertas

Ata a praia da Madalena achegámonos para realizar un obradoiro da campaña

“Do mar vívese”, que desenvolve a Consellería do Mar. Informáronnos da

importancia de respectar a actividade marisqueira e dos perxuizos que causa o furtivismo.

 


De xeito lúdico aprendemos sobre diferentes especies de mariscos e do tamaño de recollida,

de como conservar limpa e coidada a praia e o máis importante, deixar e defender o traballo das mariscadoras.

 

 

OBRADOIRO DE CALCETA #bibliotecacreativa #bescolaresgal #bescolaresgalabertas

 

Carmen, Basma, Candela e Sabela, alumnas de sexto,

levan varios días impartindo un obradoiro de calceta.

 

 

 

Motricidade fina, coordinación, orientación espacial, lateralidade...

habilidades todas necesarias para a lectoescritura.

Realizan unha peza artesá, pero é moito máis que iso o beneficio que están ofrecendo.

Gracias rapazada por ofertar calidade, patrimonio e tradición.

 

 

 

 

 

 

SLIME - OBRADOIROS E FALADOIROS DO ALUMNADO #bibliotecacreativa #bescolaresgal #bescolaresgalabertas

 

Aldara e Carmen sacaron adiante un novo obradoiro do alumnado.

Fixeron o cartaz, a lista da compra, reuniron os produtos, fixeron unha proba

e a semana pasada o alumnado apuntado dispúxose a facer un obradoiro de slime.

 

 

 

Saíu todo tan ben que encheron os botes de cristal para xogar co slime creado.

 

 

 

Estamos moi ledos/as de como salvaron os pequenos atrancos que puideron ter

duranto o desenvolvemento do obradoiro, correción de activación, pequenos

roces pois quería participar máis xente da apuntada,...

Ao final, a palabra todo o salva e con acordos e conversa xurdiú o consenso.

 

 

Parabéns rapazada!

 

 

 

 

CREACIÓNS FICTICIAS #bibliotecacreativa #bescolaresgal #bescolaresgalabertas

O alumnado segue sorprendendo cos seus obradoiros, desta volta

Xabier de 4º de primaria, organizou unha actividade cos Legos.

Este é o cartaz que realizou e co que deu difusión á actividade.

 

Creatividade, organización, deseño e planificación todo mediante o xogo.

 

 

Arte e imaxinación ao poder!

 

 

 

 

OBRADOIROS DOS CLUBS #bescolaresgal #bescolaresgalabertas #bibliotecacreativa

Os dous clubs I love Animals e Sylvanian Families continúan

amosando autonomía e bo facer. Organizan, preparan, difunden

e levan a cabo toda clase de obradoiros.

Esta é unha pequena mostra dos seus traballos.

DÍA INTERNACIONAL DA MULLER #8M #bescolaresgal #bescolaresgalabertas

Nesta semana nos recreos de biblio podes

investigar sobre mulleres que marcaron a historia.

Unhas aparecen nos libros outras, a meirande  parte,

son descoñecidas para moitos.

Empodérate e dalles voz!!

ONU DÍA INTERNACIONAL DA MULLER

 

 

VOLUNTARIADO #ODS17 #Axenda2030#aBEtenapalabra #bescolaresgal #bescolaresgalabertas

Bravos e bravas ese voluntariado de 5º e 6º que coordinan actividades nos recreos.

Elas e eles adican o seu tempo ás labores da biblioteca:

realizan préstamo de libros, xogos, preparan materiais, obradoiros, aconsellan, coordinan...

 

Traballan cunha biblioteca móbil debido ás restriccións e

ao mesmo tempo opinan e colaboran no deseño da ampliación.

Ampliación que pretende compensar a brecha que está a provocar a pandemia 

e utilizar un espazo que a día de hoxe está inutilizado.

Distribuir contido