Skip to main content

BIBLIOTECA CREATIVA

Día de Rosalía #DíaDeRosalía24 #Cedeira #poéticasdiversas #bescolaresgal #bescolaresgalabertas

Conmemoramos o día de Rosalia de Castro de formas moi diferentes, aquí tedes todas as acividades que fixemos. 

APERTURA DA AULA SENSORIAL #bibliotecacreativa #bibliotecainclusiva #LIA #bescolaresgal #bescolaresgalabertas

Nestes días o alumnado da escola está a coñecer a nova aula sensorial.

Un espazo creado con tenrura, para promover a calma e a inclusión.

É unha sala agradable chea de recursos sensoriais: luces, música, texturas,

imaxes, sons, proxectores, unha mesa sensorial para crear minimundos,

un recuncho de lectura, coxíns, alfombras táctiles, unha barra, espellos, xogos e

xoguetes sensoriais ... para potenciar o desenrolo cognitivo e emocional da rapazada. 

Unha sala para estimular os sentidos,  para favorecer a atención, a exploración,

o pracer e as sensacións de benestar.

Un lugar onde a comunicación é posible de xeito diferente.

 

A este recuncho relaxado, seguro, tranquilo e inclusivo,

o alumnado accedera de varias maneiras: sempre que o necesite, 

en sesións con especialistas de PT e AL, en grupos reducidos con

titoras ou especialistas e na hora do recreo por quendas.

É un lugar para todas e todos, pero pensando no diversos que somos

e en cubrir as necesidades de cada un dos que convivimos na escola.

 

 DÍA MUNDIAL DA SAÚDE MENTAL

 

 

 

 


OBRADOIRO DE MANTECADOS #LecturaeFamilias #FamiliasnaBE #poloscreativos #bibliotecacreativa #bescolaresgal

No proxecto sobre a vila de Cedeira tamén se cociña. Saray e Jessy

axudáronnos a facer uns mantecados típicos da nosa vila. Foi unha mañá

na que mesturamos, pesamos, esprememos, remexemos, batuxamos,

divertímonos e cociñamos algo moi doce, os mellores lazos de amizade.

Tamén fixemos un marcapáxinas coa receita e

o puxemos ben bonito para levar e merendar.

Gracias ás familias por formar parte da vida na escola!

 

 

 

 

 

 

ENSAIOS TEATRO #teatronaBE #radioescolar #bibliotecacreativa #bibliotecainclusiva #bescolaresgal #bescolaresgalabertas

Os Vagalumes xa preparan a súa representación teatral,

están montando sons na radio, deseñando o atrezzo, facendo

ensaios case a diario e o máis importante, entender que todas

e todos somos importantes e temos que colaborar, que isto é unha

compañía que necesita de todos e todas para funcionar como unha

máquina precisa de reloxeiro. Convivir, respectarse, tolerarse, entenderse...

o teatro aporta unha inmensidade de valores que perdurarán nas súas vidas.

Aprender a actuar, memorizar, facer súa a personaxe, a crear, a rir e chorar,

pero o máis importante aprenden a quererse e coidarse.

 

 

 

 

 

MAMBRÚ VOLVEU DA GUERRA #Cedeira #LecturasRecomendadas #Clubsdelectura #Igualdade #bibliotecainclusiva #bescolaresgal #bescolaresgalabertas

Realizamos unha visita polos espazos nos que se ambienta a obra de teatro

"Mambrú volveu da guerra", escrita polo dramaturgo que da nome á nosa biblioteca,

Carlos Labraña. Ademáis de pasar un pedazo ben divertido, recoñecemos

o paso do tempo, o cambio na paisaxe, pasamos un anaco de tempo en calma

visibilizando a estatua ás victimas e somos un pouco

máis conscientes da historia da nosa contorna.

 

 

 

 

 

RECREOS NA BIBLIO #VoluntariadonabE #bescolaresgal #bescolaresgalabertas

Gracias á colaboración do voluntariado escolar

podemos levar a cabo unha manchea de actividades

na biblioteca. Gracias rapazada!

 

 

 

 

 

DÍA DA MULLER A NENA E A CIENCIA #Bibliotecacreativa #AprenderaPensarnaBE #Cientificas11F #MulleresEnCiencia #bescolaresgal #bescolaresgalabertas

O alumnado de quinto experimenta coa masa e o volume.

Cunha das experiencias descobren que a masa de auga

non cambia cando cambian as formas dos recipientes.

No outro pesan e comparan a masa dunha pedra coa dunha pinza.

Calculan a densidade... Aprender facendo!

 

 

 

 

 

PATIOS VIVOS - BIBLIOTECA CREATIVA #bibliotecacreativa #bescolaresgal #bescolaresgalabertas

Os Vagalumes están desexosos de usar os Patios Vivos con máis intensidade,

pero as choivas deixaron moitos desperfectos e agora toca facer unha

limpeza profunda para volver ao seu uso cotía. Estes días de sol permitiron

secar pozas e endurecer o barrizal que se formara en varias zonas,

así que puxeron luvas e mandilóns e aproveitaron o tempo. Sacaron as

herbas máis tupidas, queda pendente o lavado de testos e cubos.

Solicitaron ao Concello de Cedeira a retirada do resto das herbas

que non puideron sacar (hai que facelo de raíz para que non rebroten,

algunhas teñen pinchos). Comezaron a facer un sementeiro para adicar

unha pequena parte do patio á horta. Falaron dos tipos de plantas (árbores,

arbustos e herbas), da Camelia que temos nun dos patios...

Dende agora os Patios Vivos, estarán moito máis activos coa chegada

da Candeloria, pois metade do inverno vai fóra. Deste xeito tamén

traballaron o paso do tempo e recordaron proxectos fermosos realizados

con outro alumnado que pasou pola escola. Ciclos de vida que se repiten.

Por unha rapazada concienciada!

 

 

 

 

 

 

LECTURA E FAMILIAS - BIBLIOTECA HUMANA #LecturaeFamilias #FamiliasnaBE #poloscreativos #bibliotecacreativa #bescolaresgal

 

Familias e alumnado compartindo contos e obradoiros.

Eva Blanco Damota, agasalla ao alumnado con "Punano" 

de Yolanda Castaño e "A vaca que puxo un ovo".

de Andy Cutbill. Posteriormente realizaron un

obradoiro nas salas da biblioteca escolar.

 

 

 

 

VISITA FAMILIAS - PORTAS ABERTAS - FORMACIÓN USUARIOS ADULTOS #Formacióndeusuarios #bescolaresgal #bescolaresgalabertas

O voluntariado da biblioteca escolar, específicamente os de sexto curso,

fixeron unha presentación a través da aplicación Canva, para explicar o

funcionamento dos diversos espazos da biblioteca e da escola.

Posteriormente, realizaron unha visita guiada por toda a escola

para explicar e amosar as instalacións e recursos.

 

Sempre contaron coa axuda e supervisión do profesorado da

biblioteca escolar e do coordinador de Polos Creativos.

 

 

 

MANUALIDADES DE ENTROIDO #poloscreativos #bibliotecacreativa #bescolaresgal

Mestres e alumnado están traballando a esgalla para

facer un entroido de Banda Deseñada. Os recursos da Biblioteca Creativa

e Polos Creativos botan fume: máquinas de coser,

pistolas de silicona, teas, fíos, pinturas, cartóns...

Aquí algúns detalles.

 

 

 

 

 

 

COSTURA FAMILIAS #FamiliasnaBE #bibliotecacreativa #bescolaresgal #bescolaresgalabertas #poloscreativos

Familias e mestres se afanan na costura de entroido!

Os recursos do espazo argalleiro e polos creativos fan o seu traballo.

 

 

 

 

 

 

COSTURA ENTROIDO #bibliotecacreativa #bibliotecainclusiva #LIA #bescolaresgal #bescolaresgalabertas

Estes días alumnado e mestres pasamos moito tempo na zona de costura

da nosa biblioteca creativa. As máquinas de coser non dan abasto

e todos estamos preparando os disfraces do entroido.

Reciclamos todo o material que podemos e creamos boa parte dos disfraces.

É tempo de apegotas, bromas mentireiras, este mes autorizadas.

Así que coidadiño!

 

 

 

 

 

 

PROGRAMANDO #Ciencia #poloscreativos #bescolaresgal #bescolaresgalabertas

O alumnado programa aos robots creados para realizar diversos

movementos, xiros... experimentan e varian as diversas ordes

para ver que efecto teñen no robot.

Aprender gozando coa tecnoloxía, brindando un bo uso dela.

 

 

 

 

 

LEGO WEDO PROGRAMANDO #bibliotecacreativa #Nadal #bescolaresgal #bescolaresgalabertas

En grupos cooperativos o alumnado segue as instruccións,

monta e programa con Lego Wedo.

 

 

 

 

 

Distribuir contido