Nesta ocasión tivemos a visita de Mari Luz Lorenzo, unha persoa

que adora a música, o baile, a tradición. Unha muller inmensamente

formada e documentada que veu amosarlle á rapazada cancións de

xogo e bailes. Ollaron fotografías e se sorprenderon ao ver a familiares

seus de nenos/as nelas, e tamén escoitaron música en radio cassette

(moi común para moitos de nós, pero tan descoñecido para eles)

esas voces que escoitaron teñen máis de cen anos e son parte da

documentación que Mari luz tenta transmitirnos a través da música,

do canto e do baile. Unha tradición oral que nestes días temos o

pracer de gozar e recoller, para nunca esquecer. Gracias Mari Luz!

Continuando co proxecto das plantas que o alumnado de quinto comezou

no primeiro trimestre, no que traballaron diferentes modos de xerminación.

No Samaín plantaron as sementes secas e posteriormente hidratada e

aquí teñen as súas primeiras flores. Despois de seguir os procesos

do método científico, agora comezan a analizar os datos e sacar conclusións.

Continuamos con máis actividades intercentros coa asociación Apader.

Rapazada disfrutando e aprendendo nun obradoiro artesá!

Xa podedes coller na biblioteca o "Cómic de terror" deseñado

polo alumnado de tres anos  a sexto de primaria. Son un

conxunto de historias de medo creadas con moita imaxinación

e acompañadas dunhas ilustracións fermosas. Neste ano no que

o leva elixido é, UNHA BIBLIOTECA ESCOLAR EN VIÑETAS, que

pretende poñer o foco en todas as posibilidades que a a banda

deseñada ofrece tanto no goce lector como na aprendizaxe curricular,

dicidimos amosar unha destas posibilidades.