Skip to main content

ACTIVIDADES

CÓMIC TERRORÍFICO #Samaín #Cedeira #bibliotecacreativa #bibliotecainclusiva #LecturasRecomendadas #UnhaBEenViñetas #bescolaresgal #bescolaresgalabertas

O bo faise esperar, ou mellor dito... o TERRORIFICAMENTE BO!

O noso colexio encheuxe da maxia do Samaín para crear unhas historias, pero esta vez en versión cómic. Podedes encontralas na nosa biblioteca, animádevos a lelas... Pero ollo, son arrepiántes...

A PANTASMA CANDELA. Educación infantil. 

 

A HISTORIA DE MR CABAZA. 1º ciclo de Educación primaria. 

 

A HISOTORIA DE XAN PERILLÁN. 2º ciclo de Educación primaria.

 

LEDICIA E A RUTA DA FRAGA. 3º ciclo de Educación Primaria. 

Vivamos como cedeireses! Sanadresiños. 1º ciclo EP.

Entrada Sanandresiños de l.c.carneiro92

Disfrutando nos recreos! #bescolaresgal #bescolaresgalabertas

Os recreos son unha parte da xornada escolar con moito potencial e na biblio teñen unha chea de opcións para pasar un rato divertido cos amigos e amigas afianzando aprendizaxes case sen darse conta... Por mor dos protocolos COVID temos que organizar por grupos para respectar os grupos burbulla pero todos e todas están esperando con ganas cando lles toca e non é para menos!

 

                                                                                                                                                                                                                                                                                                                                                                                                                                                                                             

 

 

 

 

 

 

 

 

Aprendendo a facer mándalas! #Axenda2030 #bibliotecacreativa #bescolaresgal #bescolaresgalabertas

O noso alumnado ten unha chea de talentos que non dubidan en compartir e, nesta ocasión puidemos disfrutar con Carla dun obradoiro de mándalas moi entretenido no que traballamos esta fantástica técnica artística que axuda a relaxarse, fomenta a creatividade e moito máis. Se vos animades, vos deixamos tamén este descubrimento: Mandala Creator, unha web onde podedes deseñar as vosas propias creacións. 

 

Novidades recén chegadas! #colección #VoluntariadonaBE #bibliotecainclusiva #bibliotecacreativa #bescolaresgal #bescolaresgalabertas

A nosa biblio non para de crecer e desta volta tivemos unha chea de novidades dentro dos fondos que o alumnado voluntario axudou a rexistrar e colocar. Traballaron arreo para que poidades desfrutar dun montón de novos títulos que estamos seguros que vos encantarán! Asique non dubidedes en pasar a botar unha ollada!

 

Os clubes seguen... a pleno rendemento! #bibliotecacreativa #bibliotecainclusiva #bescolaresgal #bescolaresgalabertas

Como xa vos contamos, o alumnado de 5º leva a cabo dous clubes: I love animals e Sylvanian Families.

Tiñan todo perfectamente organizado e plantexado pero chegaron xaneiro e febreiro e con eles, as novas restricións do protocolo COVID coma non poder xuntarse as aulas do mesmo nivel. A pesar de todo, o alumnado conseguiu reinventarse e poder continuar sacando adiante non só un obradoiro senón catro! Fixeron guirnaldas de corazóns, decoraron tarros para usar de candeas, crearon caixiñas e hasta tiveron algunha sesión de tatuaxes!

 

 

 

 

Compartindo experiencias con Percebiño!

As vacacións sempre son época de historias e anécdotas que estamos querendo contar á volta polo que organizouse un pequeno obradoiro de Cartas a Percebiño, a nosa mascota, que está encantado de ler sobre todas esas grandes aventuras que viviron! O alumnado traballou sobre diferentes modelos de carta aproximándose así a esta bonita forma de compartir a súa realidade cós demáis.

 

 

 

 

 

Diferentes formas de falar!

O pasado día 3 de decembro celebrouse o día internacional das persoas con discapacidade e quedounos pendente falarvos dun marabilloso obradoiro que se levou a cabo nunha das salas da nosa biblioteca. O Departamento de Orientación preparou unhas actividades xeniais para o alumnado de Educación Infantil sobre outros linguaxes: a lingua de signos e os pictogramas. Así, nenas e nenos puideron coñecer un pouco máis sobre ambas e incluso formas as súas propias frases empregando pictogramas!

 

 

Volcáns ao noso xeito!

Hoxe, derradeiro día de este mes da ciencia en galego, vos queremos deixar unha pequena mostra do ben que traballa o alumnado desta escola. Como é obvio, o volcán da Palma entrou nas conversas do día a día das aulas dende o inicio de curso e moitos grupos non quixeron deixar pasar a oportunidade de aproveitar para achegarse a este fenómeno natural e, por suposto, a experimentación tiña que estar presente xa que é un método maravilloso para descubrir o mundo que nos rodea mentres que desenvolvemos o pensamento científico, traballamos en equipo...

 

Aquí vos deixamos un Genially coa mostra do traballo de diferentes aulas para que as imaxes falen por si mesmas pero xa vos avanzamos que foi unha gran experiencia!

 

 

 

 

Retos argalleiros!

A ciencia abarca moitos campos e por iso, dentro deste Mes da ciencia en galego, dende a biblioteca Carlos Labraña non quixemos deixar pasar a oportunidade de plantexar un obradoiro de robótica con un material moi chulo da biblioteca creativa: Lego WeDo.

 

Así, a través de diferentes e variados retos, a rapazada de 3º de Primaria tivo que poñerse mans á obra desenvolvendo habilidades STEAM e a súa capacidade de traballo en pequeno grupo, para poder levar a cabo todas as propostas e podemos dicir que o pasaron en grande! E, para mostra, aquí tendes un pequeno vídeo onde os veredes en acción!

 

 

A biblio sempre actualizándose!

A biblioteca é un espazo que non para de actualizarse grazas a suxerencias de mestres/as e da rapazada, melloras que se nos ocorren durante o día a día, actividades que se van demandando... 

Neste caso vos temos que contar que ademáis de libros novos (que damos fe que están moi solicitados!!), temos dúas cousiñas moi chulas: unha escaleira para facilitar que todo o alumnado que o desexe sexa quen de chegar a parte alta das estanterías e poida disfrutar de todos os libros que queira e, unha ampliación do espazo argalleiro que agora conta cunha zona xenial para carpintería, cunha mesa e moitos materiais adecuados a estas labores! Seguro que en breve vos contamos algún proxecto chulo resultado deste espazo!

 

O alumnado ten a palabra!

E se onte falabamos do buzón de Percebiño, hoxe vos ensinamos unha nova iniciativa para promover que o alumnado forme parte activa da biblioteca e que saiban que eles e elas tamén teñen a palabra: creamos un buzón de suxerencias! Onde poden plasmar as súas ideas para talleres, solicitar libros que botan en falta... ou o que se lles ocorra, posto que a biblioteca é un espazo de toda a comunidade educativa e así se debe reflectir!

Ademais, dicir que foi unha labor na que tivemos unhas axudantas moi especiais: Blanca, Marina e Claudia! Que fixeron un traballo bárbaro!! Moitas grazas rapazas!!

 

Percebiño responde...

É algo coñecido por todos e todas que a Percebiño encántanlle as palabras, as boas historias... e por suposto, as cartas! Por iso, retomamos unha das dinámicas máis especiais: Cartas a Percebiño! É dicir, o lugar onde se xuntan inquedanzas, dúbidas, pequenas historias, anécdotas e moito mais... en formato escrito e cun destinatario moi especial: Percebiño.

Como vedes nas imaxes xa funciona a pleno rendimento e sabemos de algúns e algunhas que incluso tiveron xa carta de resposta! Asique para que vos animedes os que aínda non escribichedes... aquí vos deixamos os pasos!

 

 

E, por suposto, na escola toda actividade ten a súa razón de ser polo que deixamos adxunto a fundamentación pedagóxica.

Non esquezas facer un borrador e logo pasar a carta a limpo. Incluímos un modelo, pero tamén podes apuntarte ou pasar pola biblioteca para coller o formato de carta que máis che guste!

Teatro de sombras. "Saudades do teu abrazo".

Posted in

Obra realizada polo alumnado de 6ºB e a súa titora Iria, aproveitando un dos novos recursos na aula de teatro. "Saudades do teu abrazo" (Eoin McLaughlin). 

Xela Arias. A Fraga dos paxaros faladores e a Fraga Leopardicia

Posted in

Relacionado coa nosa biblioteca creativa, a clase de 4ºB creou unha curtametraxe "A Fraga dos paxaros faladores e a Fraga Leopardicia" de Xela Arias. Un proxecto de traballo onde participou todo o alumnado sendo protagonista durante o proceso, elaborando os materiais, grabando audios na radio escolar, integrando as tics coa utilización da app Stopmotion nun dos Ipads da biblioteca, etc... 

 

 

 

 

 

Mergullándonos no museo

 


A relación có entorno que rodea ao centro de escolar é algo de suma importancia e, as veces, xorden oportunidades marabillosas nas que un espazo da vila abre as súas portas para ofrecernos participar nunhas das súas actividades! Neste caso, dende o Museo 
Mares de Cedeira argallaron unha xornada para traballar con nós mariñeiros, que disfrutará todo o alumnado do cole (repartidos nos seus respectivos grupos para seguir así a normativa COVID). 

Esta actividade complementa a outras que forman parte da nosa biblioteca creativa (coma cociña, costura...) e que axudan a desenvolver aprendizaxes útiles e funcionais mediante a manipulación e experimentación! E ademáis, logo puideron observar e investigar libremente polo museo descubrindo verdadeiros tesouros! Hoxe foi o turno das aulas de 4 anos que o pasaron en grande demostrando que se manexaban moi ben entre cabos e algúns hasta tiveron tempo de sacar fotos moi mariñeiras!!

 

 

XINCANA DÍA DO LIBRO

Unha das actividades para festexar o Día do Libro foi unha xincana con 6 retos que os alumnos e alumnas de Educación Primaria tiveron que resolver buscando nun plano do centro. As solucións estaban en libros agochados en diferentes zonas marcadas no mapa. Con cada reto, conseguiron unha peza do puzzle para rematar formando unha frase relacionada co Día do Libro.

BOOKFACE NO DÍA DO LIBRO 2021

Unha das actividades propostas para o Día do Libro foi a realización de BOOKFACES, que podían facer nas casas, clases, biblioteca, etc...

Preme aquí nesta ligazón para acceder a todas as fotos enviadas por familias e mestres. No caso de faltar algunha prégase enviar un mail a biblio.nicolas.del.rio@gmail.com.

Ademáis elaboramos un vídeo cunha selección de bookfaces para facer un resumo da actividade!!!

 

 

Distribuir contido