E temos a sorte de que esta viaxe (a científica) se poida facer dende as bibliotecas, que non só acollen libros e outros materiais, senón que tamén acollen descubrimentos e camiños de aprendizaxe, cos éxitos e tamén os fracasos da ciencia e da tecnoloxía, porque cometer erros tamén é aprender. Amparo Alonso Betanzos.
Desde a Consellería de Cultura, Educación e Universidade, en colaboración coa Secretaría Xeral de Política Lingüística, vense impulsando a celebración anual do mes de novembro como o MES DA CIENCIA EN GALEGO NAS BIBLIOTECAS. Iníciase esta actuación coa elección dunha imaxe e a difusión dun texto, a modo de MANIFESTO, de Amparo Alonso Betanzos, profesora, enxeñeira química e investigadora en intelixencia artificial. A autora salienta que "... a ciencia é o piar do benestar social e económico, o coñecemento xera persoas esociedades máis libres e críticas e as bibliotecas son, en parte, as gardas dese coñecemento. Que máis necesitamos para gozalas?."
Desde a Asesoría de bibliotecas escolares realizouse unha recompilación de recursos dixitais , relacionados coa ciencia, en galego, que se pon a disposición de todas as bibliotecas: libros e unidades didácticas descargables en formato pdf, páxinas web de institucións, museos e asociacións de profesores e divulgadores científicos, convocatorias e propostas, blogs de ciencia dos centros educativos, experiencias de bibliotecas escolares, etc.
- FOLLETO INFORMATIVO: MES DA CIENCIA EN GALEGO NAS BIBLIOTECAS
- MATERIAIS: MES DA CIENCIA EN GALEGO
- PINTEREST CIENCIA EN GALEGO
- MALETAS VIAXEIRAS (Ciencia, Economía, Física e Química, Matemáticas, Bioloxía e Xeoloxía)
Actividades nas bibliotecas escolares galegas:
- CEIP A Cristina (Carballo-A Coruña): Lecturas, Célula vexetal, Volcáns
- CEIP Apóstolo Santiago (Santiago de Compostela-A Coruña): Novembro-Mes da Ciencia
- CEIP de Celeiro (Viveiro-Lugo): Experimentamos
- CEIP Emilia Pardo Bazán (A Coruña): VenreXperimentos na BiblioLab
- CEIP de Esteiro (Ferrol-A Coruña): Caixas para as aulas
- CEIP Graxal (Cambre-A Coruña): Actividades Mes da Ciencia
- CEIP P. Monte Baliño (Pantón-Lugo): Mes da ciencia en galego!, Circuítos eléctricos
- CEIP Nosa Sra. de Xuvencos (Boborás-Ourense): Recursos, Experimentos
- CEIP P. Nº1 de Tui (Tui-Pontevedra): Mes da Ciencia en Galego, Mes da Ciencia en Familia
- CEIP P. Pepe de Xan Baña (Santa Comba-A Coruña): Experimentos, Mes da Ciencia en Galego
- CEIP da Pobra do Brollón (A Pobra do Brollón-Lugo): Novembro: Ciencia, Micoloxía e Natureza
- CEIP Ramón de Artaza e Malvárez (Muros-A Coruña): Proxecto "As Formigas", Proxecto "O Volcán"
- CEIP Saco e Arce (Toén-Ourense): Semana da Emociencia, Ciencia e Mulleres
- CEIP Vistahermosa (Ourense): Explicando a Ciencia, Ciencia que Conta
- CPI Fonte-Díaz (Touro-A Coruña): Os volcáns, Cogomelos, Vídeoconferencia Sonia Villapol
- CPI P. Virxe do Monte (Cospeito-Lugo): Selección de lecturas e aprendemos dos volcáns
- EEI San Roque (Viveiro-Lugo): Maxia coa Ciencia
- Escola Superior de Conservación e Restauración de Bens Culturais de Galicia (Pontevedra): Recursos do catálogo
- IES Espiñeira (Boiro-A Coruña): Actividades e Botica Literaria
- IES Monte das Moas (A Coruña): Exposición de cartaces, Selección bibliográfica
- IES de Porto do Son (Porto do Son- A Coruña): SonCiencia Solidaria
- IES 12 de Outubro (Ourense): Mes da Ciencia en Galego 2021