2007/2008

Memoria da biblioteca. Curso 2007/2008

Lembramos que a data de presentación da xustificación de gastos e da memoria correspondente ao curso 07/08 remata o 20 de xuño, tal e como aparece recollido no punto oitavo da  correspondente orde de convocatoria.

En canto ao contido da MEMORIA, é importante reflectir as medidas organizativas e de xestión que se levaron a cabo no proceso de transformación da biblioteca nun centro de recursos de lectura, información e aprendizaxe, e reflectir como mínimo, os contidos que se detallan no punto 3, do devandito apartado:
- grao de cumprimento dos obxectivos propostos
- horario real asignado á persoa responsable da biblioteca (dificultades ou logros a maiores, no seu caso)
- actividades desenvolvidas, facendo fincapé naquelas que son propias da biblioteca como recurso educativo, ou que se desenvolven a proposta do equipo de biblioteca  (e non tanto nas actividades de carácter extraescolar ou que afectan a todo o centro, nas que poida colaborar a biblioteca, aínda que se poidan e se deban citar).
- grao de implicación do centro e da comunidade educativa.
- actividades de formación do ámbito das bibliotecas escolares nas que participou o profesorado.
- materiais producidos, no seu caso (especialmente guías de biblioteca, boletíns, blogs, materiais para a educación en información.....)
- avaliación (procurando incluír algún dato estatístico de uso dos servizos; a informatización dos fondos permitirá sen dúbida esta estatística)
- previsións de futuro
É bo incluír imaxes.

Encontros do PLAMBE en directo

No transcurso dos encontros do Plan de mellora de bibliotecas escolares, 07/08, a celebrar os días 3 e 4 de abril, vaise levar a cabo un pequeno experimento. Imos retransmitir en directo dúas das conferencias previstas. Máis información e acceso directo, neste enlace: http://bega-horadeler.blogspot.com/2008/04/probando-probando.html

Encontros Plan de Mellora de Bibliotecas Escolares- 2007/2008

Os Encontros do Plan de Mellora de Bibliotecas Escolares 07/08 xa están en marcha: celebraranse os vindeiros 3 e 4 de abril na localidade pontevedresa de Sanxenxo. Alí se reunirán os responsables das bibliotecas escolares de todos os centros incluídos neste programa, co obxectivo de intercambiar informacións e materiais e avanzar na súa formación nos diversos aspectos da dinamización deste importante recurso educativo. 

 

Xustificación de gastos 07/08

Documentos para a xustificación de gastos correspondentes ás contías asignadas para o curso 2007/2008. Cómpre lembrar que non se poden trasvasar cartos dunhas partidas para outras, polo que se terán en conta as cantidades correspondentes a cada apartado: fondos, equipos e mobiliario. O prazo de presentación, como a memoria final, remata o 20 DE XUÑO DE 2008

Centros Plan de mellora 2007/2008

Resolución da convocatoria do Plan de mellora de bibliotecas escolares para o curso 2007/2008: