Actualidade

 

 

 

 

Co gallo da celebración do Día do Libro 2025, publícase a Resolución do 19 de abril de 2025 da Dirección Xeral de Ordenación e Innovación Educativa,  pola que se recoñece á escritora Paula Carballeira co Premio dos Clubs de Lectura 2025, que se concede anualmente ao autor ou autora galega máis lida, segundo as bases do premio,  polos clubs de lectura participantes na convocatoria de Clubs de Lectura durante o curso precedente 2023/24.

 

 

No ano 2015 creouse este premio co obxecto de recoñecer cada ano a aqueles autores e autoras que, cos seus libros, axudan á construción de lectoras e lectores nestas etapas da adolescencia e a mocidade que, no ámbito da lectura, están consideradas como etapas de risco de abandono, ao ampliarse o abano de estímulos e intereses. Desde hai dous cursos, contribúe a este recoñecemento o alumnado dos clubs de lectura da educación primaria. Uns creadores comprometidos coa lingua que achegan a materia prima coa que os clubs de lectura poden contribuír á extensión da lectura en galego. Na resolución de creación do premio contemplábase que “o Premio dos Clubs de Lectura poderá entregarse unha soa vez a un autor ou autora. No caso de que o primeiro creador da relación resultante nun curso xa tivese recibido o premio, este seralle concedido ao autor ou autora seguinte na relación”.   Até o momento recibiron este galardón os escritores Agustín Fernández Paz (2015), Ledicia Costas (2016), Miguelanxo Prado (2017), Carlos Negro(2018), María Reimóndez (2019), Andrea Maceiras (2020), Eva Mejuto (2021), Antía Yáñez (2022), Manuel Núñez Singala (2023) e Arantza Portabales (2024).

 

 

 

Paula Carballeira é unha das autoras máis seguida polo lectorado dos clubs de lectura. Dous dos seus títulos están entre os 50 máis lidos no curso 2023/24: As alumnas  e Trece avisos. Contos para ler pola noite. Nun curso no que a biblioteca escolar sae a escena celebramos que unha peza teatral sexa a obra máís lida. As alumnas foi recoñecida no ano 2023 co Premio Nacional de Literatura Dramática.

 

 

• PUBLICACIÓN NO PORTAL EDUCATIVO.  

 

 

 

 

A Consellería de Educación, Ciencia, Universidades e Formación Profesional vén de facer público o novo número da Revista Galega do Ensino (EDUGA), que conta cunha sección fixa de Bibliotecas Escolares. Neste número 88 de decembro de 2024 pubícanse un total de seis artigos, nas tres sub-seccións: Biblioteca escolar, Boas prácticas e Hora de ler. Nestes artigos, atopamos reflexións e actividades sobre o Teatro na biblioteca escolar atendendo ao lema deste curso escolar, a plataforma de lectura dixital E-LBE.2, a creación de redes entre as bibliotecas escolares,  biblioteca inclusiva e clubs de lectura.

 

Lecturas sobre as que reflexionar e nas que afondar no novo ano que se achega.  

 

 

  

 

 

En novembro de 2012, a Consellería de Cultura, Educación e Universidade realizou unha convocatoria, destinada aos centros incluídos no Plan de mellora de bibliotecas escolares,  dun proxecto piloto para a incorporación dos lectores electrónicos nas bibliotecas escolares, E-LBE, integrado no PLAN LÍA de bibliotecas escolares. Este proxecto incorporou a 50 centros.

 

A Xunta vén de ampliar o acceso á plataforma do proxecto E-LBE.2, de lectura e préstamo de contidos dixitais nas bibliotecas escolares. Deste xeito, a Consellería de  Educación, Ciencia, Universidades e Formación Profesional pon a disposición dos centros integrados no Plan de mellora de bibliotecas escolares (PLAMBE) unha ferramenta que enriquecerá as súas coleccións.

En total están accesibles preto de 4000 títulos, que se poden ler en pantalla, en todo tipo de dispositivos (ordenador, tableta, móbil...), con dispoñibilidade de lectura en liña e fóra de liña e para todos/as os/as usuarios/as (profesorado, alumnado e familias) que conten con carné das bibliotecas escolares.

 

Os fondos E-LBE.2 son variados, actuais e están seleccionados atendendo aos criterios que, en xeral, seguen as bibliotecas escolares galegas.A selección, xestión e control dos contidos, e a súa actualización coordínanse desde a asesoría de bibliotecas escolares:

 

• Coleccións con temáticas específicas, aprendizaxe de idiomas, robótica, saúde, nutrición, apoio a materias, acceso a revistas e liteara, entre outras.tura para todos os niveis e etapas, entre outras:
• Recursos de ficción e non ficción para todos os ciclos e etapas: libros,revistas, audiolibros, podcast...
• Catálogo intelixente: recomendacións de lectura a medida que vai coñecendo os gustos dos/as usuarios/as.
• Módulo de accesibilidade para axudar aos/as lectores/as: tipografía específica para dislexia e lectura en audio de todos os libros dispoñibles.
• A posibilidade de lectura compartida en grupos aula, club de lectura.. cosrecursos proxectados mediante paneis dixitais ou outros dispositivos.
• Lectura en calquera momento e lugar: accesible 24/7 e modalidade de lectura con ou sen conexión.
• Acceso desde seis dispositivos diferentes e sincronización no último punto de acceso, permitindo tamén ás familias poder gozar desta solución.
• A posibilidade de uso a través dunha APP (gratuíta e dispoñible nas tendasde aplicacións para os distintos dispositivos) que aumenta a interactividade:estatísticas, desafíos, establecer obxectivos diarios ou mensuais…
• O acceso mediante tres perfís diferentes: usuario alumnado (ata 2
  préstamos de xeito simultáneo, cun máximo de 10 títulos durante o curso
  escolar) e usuario docente (ata 2 títulos de xeito simultáneo sen límite de
  préstamos), outras persoas usuarias da comunidade educativa (ata 2
  préstamos de xeito simultáneo, cun máximo de 10 títulos durante o curso
  escolar).

 

 

 

 

 

O Portal Educativo vén de publicar a Resolución provisional da Dirección Xeral de Ordenación e Innovación Educativa, coa relación dos centros seleccionados na modalidade de nova incorporación que se integran no Plan de mellora de bibliotecas escolares neste curso, así como as asignacións económicas correspondentes.

 

 

 

Ábrese un prazo de cinco días naturais, a partir do día seguinte ao da publicación, para efectuar reclamacións ou renuncias.

 

 

• PUBLICACIÓN NO PORTAL EDUCATIVO
• TEXTO DA RESOLUCIÓN 

 

 

 

• PUBLICACIÓN NO PORTAL EDUCATIVO
• TEXTO DA RESOLUCIÓN 

 

 

A Consellería de Educación, Ciencia, Universidades e Formación Profesional vén de facer público o novo número da Revista Galega do Ensino (EDUGA), que conta cunha sección fixa de Bibliotecas Escolares. Neste número 87 de xuño de 2024 pubícanse un total de oito artigos, nas tres sub-seccións: Biblioteca escolar, Boas prácticas e Hora de ler. Nestes artigos, atopamos reflexións e actividades sobre o programa Radio na biblio, a mediación lectora, a creación de redes entre as bibliotecas escolares, a biblioteca inclusiva e solidaria e os novos Plans de Lectura e Biblioteca.

 

Lecturas sobre as que reflexionar e nas que afondar nos días de descanso que se achegan. 

 

 

A Consellería de Cultura, Educación, Formación Profesional e Universidades vén de facer público o novo número da Revista Galega do Ensino (EDUGA), que conta cunha sección fixa de Bibliotecas Escolares. Neste número 86 de decembro de 2023 pubícanse un total de seis artigos, nas tres sub-seccións: Biblioteca escolar, Boas prácticas e Hora de ler. Nestes artigos, atopamos reflexións e actividades sobre o programa Lectura e familiase a importancia da colaboración destas na biblioteca escolar, a lectura fácil como recurso imprescindible, o voluntariado nun CIFP, os clubs de lectura  e como as transformacións das bibliotecas en espazos creativos e LIA.3 abren novos camiños ás comunidades educativas.

 

Lecturas sobre as que reflexionar e nas que afondar nos días de descanso que se achegan.

 

  

 

 

 

Dende 1997 celébrase o Día das Bibliotecas o 24 de outubro,  unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.

 

A Dirección Xeral do Libro, o Cómic e a  Lectura, a través da Subdirección Xeral  de Coordinación Bibliotecaria, impulsa a celebración do Día das Bibliotecas, este 24 de outubro de 2023.  

 

"O lema deste ano, "Tecendo Comunidades", pretende destacar o papel fundamental que desempeñan as bibliotecas na construción de lazos fortes dentro das nosas comunidades. Estas institucións son centros de conexión e aprendizaxe, onde as historias, as experiencias e os coñecementos son os fíos que unen aos cidadáns".

 

As bibliotecas escolares galegas amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio. Cómpre reivindicalo e celebrar que son xanelas para ler, espazos onde aprender, lugares para descubrir, para encontrarse e convivir. A rede de bibliotecas escolares de Galicia leva moitos anos tecendo espazos de encontro nos que compartir experiencias e recursos, nos que conectar coa comunidade próxima ou a máis afastada, lugares que contribúen á formación dunha cidadanía crítica, activa e comprometida.

 

A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS. 

 

Este curso, o lema das bibliotecas escolares de Galicia  UNHA BIBLIOTECA ESCOLAR EN VIÑETAS , e  quere poñer o foco na importancia do cómic na formación do itinerario lector, o cómic como un lugar no que encontrarse.

 

• PDF Cartel en galego  

 

Actividades nas bibliotecas escolares de Galicia:

 

• Aula Hospitalaria do H. Álvaro Cunqueiro (Vigo-Pontevedra): Día das Bibliotecas - Obradoiro de creación de cadernos
• CEIP P. Alexandre Rodríguez Cadarso (Noia-A Coruña): Día das Bibliotecas-24 de outubro
• CEIP P. Barrié de la Maza (Sta. Comba-A Coruña): Día das Bibliotecas
• CEIP P. de Covas (Viveiro-Lugo): Inauguración do Recanto das Familias
• CEIP P. da Espiñeira-Aldán (Cangas-Pontevedra): Día das Bibliotecas, Día da Luz
• CEIP de Esteiro (Ferrol-A Coruña): Día das bibliotecas escolares con Pepablo Patinho
• CEIP Flavia (Padrón-A Coruña): O aniversario de EF no Día das Bibliotecas
• CEIP P. Javier Sensat (Vigo-Pontevedra): Teatro-Agora que vai pasar?
• CEIP Juan Fernández Latorre (A Coruña): Protagonista: "A Biblioteca"
• CEIP Laverde Ruíz (Outeiro de Rei-Lugo): Día das Bibliotecas
• CEIP P. de Leirado (Salvaterra de Miño-Pontevedra): Formación de usuarios, Mochilas viaxeiras
• CEIP P. Manuel Bermúdez Couso (A Pobra de Trives-Ourense) Emisión Radio Pingueira no Día das Bibliotecas
• CEIP Mestre Ramiro Sabell Mosquera (Ponteareas-Pontevedra): Lunares... presenta... Alu-Cinema!
• CEIP Milladoiro (Malpica de Bergantiños-A Coruña): Día das Bibliotecas 23: BE-LeoLab Milladoiro
• CEIP P. Monte Baliño (Ferreira de Pantón-Lugo): Día das Bbliotecas - Tecendo Creatividade
• CEIP Nosa Sra. de Xuvencos (Boborás-Ourense): Día das bibliotecas - PDI Xuve saudable
• CEIP P. Nº1 de Foz (Foz-Lugo): Día das Bibliotecas
• CEIP O Piñeiriño (Vilagarcía de Arousa-Pontevedra): Día das Bibliotecas Escolares
• CEIP P. O Ruxidoiro (Barbadás-Ourense): Día das bibliotecas escolares
• CEIP Otero Pedrayo (Rábade-Lugo): Día das Bibliotecas Escolares 23
• CEIP P. Pena de Francia (Mos-Pontevedra): Kamishibai no Día das Bibliotecas Escolares
• CEIP Ponte dos Brozos (Arteixo-A Coruña): Día das Bibliotecas Escolares
• CEIP de Portonovo (Sanxenxo-Pontevedra): Día das Bibliotecas
• CEIP Ramón de Artaza y Malvárez (Muros-A Coruña): Día das Bibliotecas 2023
• CEIP Ramón de Valenzuela (Bandeira-Pontevedra): O Xogo da Biblioteca
• CEIP P. Ría do Burgo (Culleredo-A Coruña): Día das Bibliotecas Escolares
• CEIP de Seixalbo (Ourense): Día das Bibliotecas Escolares 2023
• CEIP P. da Torre-Cela (Bueu-Pontevedra): Festival de música en familia
• CEIP VIstahermosa (Ourense): Día das Bibliotecas
• CEIP P. Wenceslao Fernández Flórez (A Coruña): Luces, cámara, acción!
• CPI da Cañiza (A Cañiza-Pontevedra): Concurso "A Arte de Ler"
• CPI As Revoltas (Cabana de Bergantiños-A Coruña): Día das Bibliotecas-A nosa biblio
• CPI Fonte-Díaz (Touro-A Coruña): Día das Bibliotecas
• CPI Virxe da Saleta (Cea-Ourense): Día das Bibliotecas
• EEI Fina Casalderrey (Pontevedra): Día das Bibliotecas Escolares
• EEI Monte da Guía (Vigo-Pontevedra): Día Das Bibliotecas Escolares
• EEI San Roque (Viveiro-Lugo): Tecendo comunidades - Aniversario de Librín
• IES Agra do Orzán (A Coruña): Visita de Manel Cráneo
• IES As Lagoas (Ourense): Día Internacional das bibliotecas
• IES Concepción Arenal (Ferrol-A Coruña): Bibliotecas no Misterio
• IES Espiñeira (Boiro-A Coruña): Día das Bibliotecas-Tecendo Comunidades
• IES Fernando Esquío (Neda-A Coruña): No Día das Bibliotecas Escolares, 24 de outubro falamos de... C.S. Lewis, No Día Das Bibliotecas Escolares...
• IES Pazo da mercé (As Neves-Pontevedra): Marcapáxinas, Recomendacións lectoras
• IES de Quiroga (Quiroga-Lugo): Día das Bibliotecas
• IES San Paio (Tui-Pontevedra): Un violonchelo na biblioteca de Saraievo, Que din das bibliotecas? (Palabras de biblioteca) 

 

 

 

 

O Portal Educativo vén de publicar a Resolución provisional da Dirección Xeral de Ordenación e Innovación Educativa, coa relación dos 25 centros que se integran no Plan de mellora de bibliotecas escolares neste curso, así como as asignacións económicas correspondentes.

Ábrese un prazo de cinco días naturais, a partir do día seguinte ao da publicación, para efectuar reclamacións ou renuncias. 

 

 

• PUBLICACIÓN NO PORTAL EDUCATIVO

• TEXTO DA RESOLUCIÓN 

 

 

 

 

A Consellería de Cultura, Educación, Formación Profesional e Universidades vén de facer público un novo número da Revista Galega do Ensino (EDUGA), que conta cunha sección fixa de Bibliotecas Escolares. Neste número de xuño publícanse un total de cinco artigos, nas tres sub-seccións: Biblioteca escolar (textos que falan sobre aspectos esenciais e básicos), Boas prácticas (artigos de reflexión sobre accións e desenvolvemento de proxectos de especial relevancia e interese),e Hora de Ler (achegas que poñen en valor iniciativas a prol da lectura e da escritura nas bibliotecas escolares). 

 

Lecturas recomendables e nutritivas para estas vindeiras semanas, nas que quizais podamos atopar algo máis de tempo para achegarnos a estes cinco textos que poden inspirar novas reflexións e iniciativas para o futuro das nosas bibliotecas.

	Facer biblioteca en tempos de migracións   Algunhas ferramentas que poden ser interesantes para ampliar redes e atender as demandas de acadar competencias en tempos de migracións.    O reto de adaptarnos aos rápidos cambios da sociedade, aos novos contextos e incipientes demandas en formación a través de iniciativas abertas de traballo interdisciplinario e traballo cooperativo nas bibliotecas escolares. Fluír a través de proxectos que conecten os diferentes perfís profesionais do profesorado e provocar accións que amplíen redes coa nosa contorna e comunidade.
A biblioteca, o corazón do colexio Historia da ampliación da nosa biblioteca en función dos proxectos do centro.   Descubrirás como un centro educativo público transforma pouco a pouco a súa biblioteca. Contaremos a evolución metodolóxica do noso centro desde o curso anterior a entrar no PLAMBE (2015) ata ao momento no que a biblioteca fixo a súa última mellora de espazos e recursos grazas á aprobación por parte da Consellería do proxecto que presentamos para ser un centro LIA.3 no curso 2021/22.
	Construbot. Comeza a partida!   Traballo por proxectos desde a biblioteca escolar seguindo a metodoloxía científica A finalidade do proxecto foi indagar como a robótica pode ser un medio para favorecer a aprendizaxe, evocar o recordo, xestionar as emocións etc. mediante o xogo. Para iso, empregouse un sistema de traballo que combina o método científico coa aprendizaxe baseada en proxectos, de xeito que o alumnado, ademais de ir superando os distintos obxectivos do currículo, viu unha finalidade no seu proceso de ensino-aprendizaxe, traballou distintos temas transversais e adquiriu as correspondentes competencias curriculares.
A biblioteca nun centro de Educación Permanente de Adultos (EPA)   O presente artigo nace da experiencia na biblioteca do Centro de Educación Permanente de Adultos (EPA) do Berbés, de Vigo, que no curso pasado foi incluída no Plan de mellora de bibliotecas escolares, iniciando así un plan de traballo condicionado polas características específicas da comunidade á que serve.
	Familias e biblioteca escolar: unha alianza necesaria Sobre como involucrar ás familias en actividades que redunden no desenvolvemento do hábito lector do alumnado   Neste artigo debúllanse media ducia de estratexias desenvolvidas na biblioteca escolar do CEIP Plurilingüe Condesa de Fenosa para involucrar as familias en actividades que redunden no desenvolvemento do hábito lector do alumnado, partindo do suposto de que unha acción conxunta da escola e da casa vai permitir atinxir o noso obxectivo de facer nenas e nenos lectores.

 

 

 

 

 

O Portal educativo publica hoxe a Resolución do 6 de xuño de 2023 pola que se convoca o Plan de mellora de bibliotecas escolares en centros públicos non universitarios da Consellería de Cultura, Educación, Formación Profesional e Universidades , para o curso 2023/2024.

 

 

Ao igual que en anos anteriores, seleccionaranse un mínimo de 25 centros novos para a súa incorporación ao PLAMBE, podendo ampliarse este número no caso de baixas ou renuncias de centros xa integrados neste programa en convocatorias anteriores. Os centros que se incorporaron nas convocatorias 2013/14 a 2018/19 e 2022/23, poderán recibir, ademáis da asignación para fondos, unha asignación complementaria para a renovación de mobiliario e outros equipamentos imprescindibles para o funcionamento da  biblioteca escolar. A continuidade no PLAMBE esixe a solicitude correspondente a través desta convocatoria, coa entrega da documentación que se solicita en cada caso, así como acadar unha valoración positiva na memoria de actividades deste curso 2022/2023.

 

 

O prazo de presentación será dun mes, contado a partir do día seguinte ao da publicación deste anuncio no Diario Oficial de Galicia e finalizará o 14 de xullo de 2023.

 

• Publicación no Portal Educativo 

 

Na imaxe, a biblioteca da Maga Tomasa (CEIP Alfonso D.R. Castelao de Vigo)

 

 

Co gallo da celebración do Día do Libro, a Dirección Xeral de Ordenación e Innovación Educativa, da Consellería de Cultura, Educación, Formación profesional  e Universidades , fai pública a Resolución de 21 de abril de 2023 pola que se recoñece a Manuel Núñez Singala co Premio dos Clubs de Lectura 2023. 

 

No ano 2015 creouse este premio co obxecto de recoñecer cada ano a aqueles autores e autoras que, cos seus libros, axudan á construción de lectoras e lectores nestas etapas da adolescencia e a mocidade que, no ámbito da lectura, están consideradas como etapas de risco de abandono, ao ampliarse o abano de estímulos e intereses. Desde o curso pasado, contribúe a este recoñecemento o alumnado dos clubs de lectura da educación primaria. Uns creadores comprometidos coa lingua que achegan a materia prima coa que os clubs de lectura poden contribuír á extensión da lectura en galego. Na resolución de creación do premio contemplábase que “o Premio dos Clubs de Lectura poderá entregarse unha soa vez a un autor ou autora. No caso de que o primeiro creador da relación resultante nun curso xa tivese recibido o premio, este seralle concedido ao autor ou autora seguinte na relación”.   Até o momento recibiron este galardón os escritores Agustín Fernández Paz (2015), Ledicia Costas (2016), Miguelanxo Prado (2017), Carlos Negro(2018), María Reimóndez (2019), Andrea Maceiras (2020), Eva Mejuto (2021) e Antía Yáñez (2022).

 

Manuel Núñez Singala é un dos autores máis seguidos polo lectorado infantil e xuvenil galego.  Dous dos seus títulos, O achado do castro e  Atranco no banco, están entre os 50 libros máis lidos nos Clubs de lectura no curso 2021/2022. 

 

• PUBLICACIÓN NO PORTAL EDUCATIVO  

 

                                                                                           

 

Achégase o Día Mundial do Libro e do Dereito de Autor, en acepción da UNESCO, e desde a Consellería de Cultura, Educación, Formación profesional e Universidades  edítase o cartel para conmemorar este día 23 de abril de 2023.

 

Acudiuse, como en anos anteriores a unha persoa referente da literatura galega actual, neste caso á Profesora da Área de Didáctica da Lingua e da Literatura na facultade de Ciencias da Educación da Universidade de Santiago de Compostela, Montse Pena Presas. cuxa investigación está moi centrada na literatura infantil e xuvenil contemporánea, cun foco específico na literatura galega, na educación literaria e nos estudos de xénero. Montse, creou un texto orixinal cedido xenerosamente para esta pequena peza de difusión do Día do Libro, "que é unha celebración da mediación, de ser profe, bibliotecaria, mestra."

 

Este agasallo ás bibliotecas escolares de Galicia, complétase cunha versión longa, baixo o lema Dar de ler, que afonda no papel das mediadoras e mediadores no mundo do libro.

Neste mes, e todo o ano, non esquezamos que "Para nosoutras, silandeiras e navegantas, todos os días son o día do libro."

 

• CARTEL DÍA DO LIBRO 2023
•  DAR DE LER

 

O Portal Educativo publica  a Resolucióna da Dirección Xeral de Ordenación e Innovación Educativa, do 13 de abril de 2023, pola que se convoca, no contexto do PLAN LÍA de Bibliotecas Escolares (Lectura, Información e Aprendizaxe),  o IX CONCURSO DE TRABALLO POR PROXECTOS, vinculados ou apoiados pola biblioteca escolar, en centros públicos non universitarios de titularidade da Consellería de Cultura, Educación, Formación Profesional e Universidades, para traballos realizados durante o curso 2022/2023.

As modalidades nas que se pode participar son as seguintes:   

1. Proxectos de carácter interdisciplinario, ou Proxectos Documentais Integrados, coordinados desde a biblioteca escolar, e que conten coa participación dun mínimo do 40% dos grupos-aula existentes no centro (e un 40% dos departamentos, no caso dos centros de ensinanza secundaria).

2. Proxectos de investigación dirixidos por profesorado dun grupo, nivel, grupo internivelar ou departamento, nas seguintes submodalidades: 

a) Traballos de grupo/nivel.

b) Traballos de grupos internivelares/departamento.

3. Proxectos realizados na materia de libre configuración de 2º de ESO Investigación e Tratamento da Información/Proxecto Competencial ou noutras materias equivalentes en ESO ou primaria.

 

4. Proxectos de investigación intercentros, promovidos desde as bibliotecas de ata un máximo de tres centros de ensino co fin de desenvolver un proxecto común. 

  O prazo de presentación dos traballos remata o 14 de xullo de 2023.

• PUBLICACIÓN NO PORTAL EDUCATIVO
• TEXTO DA CONVOCATORIA 

Imaxe do proxecto "Tecendo Identidades" do IES Arcebispo Xelmirez I, premiado na convocatoria 2021/22.

 

Cada 30 de xaneiro, coincidindo co día do nacemento de Castelao, celébrase o Día da Ilustración. Esta é unha iniciativa da Consellería de Cultura, Educación, Formación Profesional e Universidades en colaboración coa   Asociación de Profesionais da Ilustración . Unha data que serve para reivindicar o papel dos profesionais do mundo da ilustración homenaxeando a un ilustrador ou ilustradora histórico galego. Este ano a protagonista é María Antonia Dans, pintora "cunha profunda conciencia de xénero". 

 

Unha ocasión para traballar e reivindicar desde as bibliotecas escolares a historia da ilustración galega que non deixa de ser memoria do noso país. Para achegarnos ao valor propio das imaxes  máis aló dun cacompañamento da escrita. Neste ano para reivindicar, tamén, o traballo das mulleres no mundo da ilustración e a arte galega.

 

Tamén, unha oportunidade para poñer en valor o traballo de Siro autor do cartel deste ano, unhapoderosa imaxe da que seguro teremos moitas e variadas lecturas da historia da nosa literatura.

 

Nesta data, desde a Asesoría de bibliotecas escolares queremos poñer en valor o  traballo dos ilustradores e ilustradoras  ao longo de 15 anos de creación e de colaboración na edición dos carteis anuais para as bibliotecas escolares galegas, que iniciáramos en 2008 , e, de paso, celebrarmos estas fermosas imaxes a prol da lectura que fomos quen, entre todos, de poñer nos muros dos centros educativos. Imaxes que xurden dun coidado proceso de creación a partir do lema proposto. Imaxes que son testemuña gráfica da evolución das bibliotecas escolares galegas.

 

Ilustradores/as e creadores/as dos carteis anuais:  

 

• Curso 2022/2023: Nacu "Escribir a biblioteca escolar
• Curso 2021/2022: Pablo Otero "A biblioteca escolar ten a aplabra."
• Curso 2020/2021: Bea Lema "Xeografías Lectoras na Biblioteca Escolar". Así o fixo.
• Curso 2019/2020: Óscar Villán "Biblioteca Escolar. Viveiro de Cidadanía". Así o fixo.
• Curso 2018/2019: Nuria Díaz "Poéticas Diversas na biblioteca escolar"
• Curso 2017/2018: Xosé Tomás "Aprender a pensar coa biblioteca escolar"
• Curso 2016/2017: Minia Regos "Biblioteca escolar - Territorio das Artes"
• Curso 2015/2016: Fran Bueno "Biblioteca escolar, base de exploracións"
• Curso 2014/2015: David Pintor "Biblioteca escolar... matemático"
• Curso 2013/2014: Patricia Castelao "Ler ciencia na biblioteca escolar"
• Curso 2012/2013: Andrés Meixide "Biblioteca escolar, acelerador de innovación"
• Curso 2011/2012: Emma Ríos "Biblioteca escolar, última xeración"
• Curso 2010/2011: Marina Seoane "Biblioteca escolar: un mundo de oportunidades
• Curso 2009/2010: Miguelanxo Prado "Biblioteca escolar, espazo de lecturas"
• Curso 2008/2009: Manuel Lariño "Biblioteca escolar, Servidor Central"
• Ano 2006: Óscar Villán "Hora de Ler" 

 

 

O Portal Educativo vén de publicar hoxe a Resolución de 30 de novembro de 2022, da Dirección Xeral de Ordenación e Innovación Educativa, pola que se convoca o programa "Bibliotecas Escolares Solidarias" para o curso 2022/2023. Esta iniciativa lévase a cabo coa colaboración da Dirección Xeral de Xuevntude, Participación e Voluntariado, da Consellería de Política Social.

 

 

TEXTO DA CONVOCATORIA 

 

 

O seguinte cadro resume o contido do programa e as datas claves para cada unha das modalidades:

 

 

  "Chegou do bosque (como case todo o estraño)"

 

Emily Carroll. Cruzando el bosque.  (Sapristi, 2015)

 

Imaxe da biblioteca do IES de Brión.

 

Chegado o tempo de outono, as bibliotecas escolares galegas acollen múltiples actividades  que facilitan e promoven o uso da palabra, a escritura e a linguaxe para facer fronte aos medos. As seleccións e recomendacións lectoras,  os concursos de relatos, os obradoiros de ilustración, as propostas creativas, as receitas, as lendas da tradición oral, a mitoloxía na arte galega, as propostas audiovisuais, a radio, os proxectos de investigación...  

 

Actividades nas bibliotecas escolares de Galicia: 

 

• CEIP A Cristina (Carballo-A Coruña): Suxerencias de lecturas para o Samaín
• CEIP de Celeiro (Viveiro-Lugo): Celebramos o Samaín 2022
• CEIP de Cespón (Boiro-A Coruña): Contacontos terroríficos
• cEIP Eduardo Pondal (Vigo-Pontevedra): Samaín 2022, Exposición, Concurso de vídeos
• CEIP P. de Foz Nº1 (Foz-Lugo): O Samaín
• CEIP Juan Fernández Latorre (A Coruña): Pasalo de medo, xogar, ler e rir!
• CEIP Laverde Ruíz (Outeiro de Rei-Lugo): Contos ás escuras e Cine terrorífico
• CEIP de Leirado (Salvaterra de Miño-Pontevedra): Celebramos o Samaín
• CEIP P. Manuel Bermúdez Couso (A Pobra de Trives-Ourense): Samaín
• CEIP Manuel Sueiro (Ourense): Actividades do Samaín
• CEIP Milladoiro (Malpica-A Coruña): XIII Semana das Lecturas Terroríficas, Galibazas 2022, Fin do noso Samaín
• CEIP P. de Monforte de Lemos (Monforte de Lemos-Lugo): Selección de lecturas e Samáin en Radioforte TV
• CEIP P. Monte Baliño (Pantón-Lugo): O noso Samaín
• CEIP Nicolás del Río (Cedeira-A Coruña): Exposición de Samaín, Cociña de Samaín
• CEIP Nosa Sra. de Xuvencos (Boborás-Ourense): Concurso de relato terrorífico
• CEIP P. O Ruxidoiro (Barbadás-Ourense): Xa chega o Samaín!
• CEIP P. de Oca (A Estrada-Pontevedra): Semana do Samaín
• CEIP Otero Pedrayo (Rábade-Lugo): Samaín e Halloween 2022
• CEIP P. Pena de Francia (Mos-Pontevedra): Celebrando o Samaín
• CEIP Ponte dos Brozos (Arteixo-A Coruña): As verbas do noso Samaín, Selección de libros, Concurso de nubes de palabras, Obradoiro de creación de persoaxes arrepiantes, Combate os feitizos contra o planeta (xogo)
• CEIP de Rebordáns (Tui-Pontevedra): Lecturas ás escuras
• CEIP da Torre-Cela (Bueu-A Coruña): Anuncios en Radio Faladoiro para a festa de Samaín, Un Samaín con moito Teatrooo!
• CEIP P. Víctor López Seoane (A Coruña): Casting lecturas de medo
• CEIP Vistahermosa (Ourense): Samaín saboroso
• CIFP Universidade Laboral (Culleredo-A Coruña): Preparando o Samaín, Unha selección de medo polo Samaín
• CPI As Revoltas (Cabana de Bergantiños-A Coruña): Celebramos o Samaín, Contos de medo
• CPI P. Antonio orza Couto (Boqueixón-A Coruña): Unha ponte de medo
• CPI P. de Castroverde (Castroverde-Lugo): O Samaín 2022 na biblioteca
• CPI Fonte-Díaz (Touro-A Coruña): Samagosto
• CPI P. Virxe do Monte (Cospeito-Lugo): Samaín
• CRA Raíña Aragonta (Salceda de Caselas-Pontevedra): Recomendacións lectoras
• EEI Barrionovo (Arteixo-A Coruña): Momias coa Cricut, Poesía Express, A cociña da bruxa, Galletas de cabaza
• EEI San Roque (Viveiro-Lugo): Escribindo outubro na biblioteca
• IES de Brión (Brión-A Coruña): Que chega o Samaín!
• IES Concepción Arenal (Ferrol-A Coruña): Festexando o Samaín
• IES Espiñeira (Boiro-A Coruña): Caveiras polo Samaín, Concurso de caveiras literarias, Emerxencia no club de lectura, Meigas, pantasmas e outras criaturas...
• IES Illa de San Simón (Redondela-Pontevedra): Benvidos á casa do terror!, A casa do terror
• IES Illa de Sarón (Xove-Lugo): Altar de Mortos
• IES Lama de Castelo (Carnota-A Coruña): Novembro de medo!
• IES Manuel Chamoso Lamas (O Carballiño-Ourense): Concurso de epitafios e recreos de terror
• IES Maximino Romero de Lema (Zas-A Coruña): Exposición do Samaín, Taller de ilusións ópticas, Lendas do Samaín, Concurso de relatos de medo, Concurso de cabazas
• IES Monte da vila (O Grove-Pontevedra): II Concurso de Microrrelatos Montenegro e Concurso de Portas de Medo
• IES Pino Manso (O Porriño-Pontevedra): Samain
• IES Rafael Dieste (A Coruña): Contos de medo
• IES Ramón Otero Pedrayo (Ourense): De medo, na biblioteca. Escribir o medo
• IES San Paio (Tui-Pontevedra): De regueifas, medos e mortes, Escribiron a morte e o medo

 

 

Dende 1997 celébrase o Día das Bibliotecas o 24 de outubro,  unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.

 

A Dirección Xeral do Libro e Fomento da Lectura, a través da Subdirección Xeral  de Coordinación Bibliotecaria, impulsa a celebración do Día das Bibliotecas, este 24 de outubro de 2022.  "A edición deste ano, baixo o lema “BiblioTEcuida”, céntrase en destacar o papel das bibliotecas de diferente tipoloxía como espazos libres e abertos que, a través dos seus diversos servizos e recursos, preocúpanse por atender as necesidades dos seus usuarios. As bibliotecas están abertas a toda a cidadanía e son un piar fundamental ao servizo das comunidades ás que pertencen."

 

As bibliotecas escolares galegas amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio. Cómpre reivindicalo e celebrar que son xanelas para ler, espazos onde aprender e lugares para descubrir.

 

A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS. 

 

Este curso, o lema das bibliotecas escolares de Galicia  ESCRIBIR A BIBLIOTECA ESCOLAR , e  quere poñer o foco en todas as formas de escrita que cuida e ofrece a biblioteca escolar . A escrita como medio de comunicación, expresión, creación, información e coñecemento. aproveitado por algunhas das bibliotecas para esta celebración. 

 

• CARTEL EN GALEGO  

 

 

 

 

O DOG do 19 de outubro de 2022 publica o Orde de 4 de outubro de 2022 pola que se resolve o Plan de mellora de bibliotecas escolares en centros públicos de titularidade da Consellería de Cultura, Educación, Formación Profesional e Universidades  para o curso 2022/2023. Intégranse 25 novos centros e, finalmente, son un total de 754 bibliotecas escolares as que conforman o PLAMBE-públicos neste curso.

 

 

As bibliotecas escolares demostraron nos  últimos cursos que son un instrumento e un valor do centro á hora de enfrontar novas formas de vincular á comunidade educativa, de ofrecer recursos para apoiar as aprendizaxes, de reforzar as competencias clave do alumnado e de facilitar lecturas e actividades que axuden a medrar como cidadáns activos e como lectores críticos da realidade. Cómpre seguir na pescuda de todas as súas potencialidades. 

 

 

• TEXTO DA RESOLUCIÓN DEFINITIVA DO PLAMBE-públicos no DOG (19/10/2022) 
• PUBLICACIÓN NO PORTAL EDUCATIVO 

 

 

Ver coa imaxinación ou volver ver por medio da memoria é o patrimonio da escritura. 

 

 

Ernaux, Annie. El Acontecimiento. 

 

 

A Consellería de Cultura, Educación, Formación Profesional  e Universidades publica o lema e o cartel para as bibliotecas escolares de Galicia de cara a este curso 2022/2023. O lema elixido, ESCRIBIR A BIBLIOTECA ESCOLAR, quere poñer o foco en todas as formas de escrita que cuida e ofrece a biblioteca escolar . A escrita como medio de comunicación, expresión, creación, información e coñecemento.

 

A imaxe que interpreta este lema proposto para o curso 2022-2023 é obra da calígrafa, deseñadora gráfica e mestra de talleres de caligrafía e lettering Belén L. Méndez coñecida como nacu, que leva xa un tempo colaborando coas bibliotecas escolares en  obradoiros.

 

 

A biblioteca escolar ofrece oportunidades e recursos para escribir e escribirnos:

 

- Escribir para saber, para aprender.

- Escribir para comunicar e comunicarnos.

- Escribir relatos, historias.

- Escribirnos, coñecernos a través da escrita: diarios, axendas,  biografía...

- Escribir xuntos en relatos colectivos, encadeados, libros viaxeiros, wikis…

- Escrita creativa: microrrelatos, haikus, collages, caligrafía…

- Escribir para deixar pegada e preservar a memoria individual e colectiva.

- Escribir para incluír e visibilizar.

- Traducir.

- Reescribir, versionar e adaptar.

- Escribir no audiovisual: guións, escaletas.

- Escribir para  estimular a creación.

 

Escribir para ser (lido), para que o lector e a lectora dea vida ao libro, ao escrito.

 

 

 

 

 

 

O Portal Educativo publica as Instrucións da Dirección Xeral de Ordenación e Innovación Educativa en relación coa organización e funcionamento da biblioteca escolar, destinadas aos centros públicos de niveis non universitarios, de titularidade da Consellería de Cultura, Educación, Formación Profesional e Universidades.

 

• INSTRUCIÓNS PARA A ORGANIZACIÓN E O FUNCIONAMENTO DA BIBLIOTECA ESCOLAR. Curso 2022/23.  

 

 

 

 

 

A Consellería de Cultura, Educación, Formación Profesional e Universidades vén de facer público o novo número da Revista Galega do Ensino (EDUGA), que conta cunha sección fixa de Bibliotecas Escolares. Neste número 83 de xuño de 2022 pubícanse un total de sete artigos, nas tres sub-seccións: Biblioteca escolar, Boas prácticas e Hora de ler. Nestes artigos, atopamos reflexións e actividades sobre o programa Lectura e familias,  oralidade, colaboración entre bibliotecas, igualdade, lendas e creatividade e como as transformacións das bibliotecas en espazos creativos e LIA.2 abren novos camiños ás comunidades educativas.