Skip to main content

Radio na biblio

JOSÉ ANTONIO SUÁREZ ANEIROS #Radionabiblio #bibliotecacreativa #bescolaresgal #bescolaresgalabertas #RadioExperimental

José Antonio Suárez Aneiros, escritor de diversos libros, entre eles:

"A música popular en Cedeira e no noso cortorno", músico e  un

documento vivo;  estivo nas radios escolares respondendo a tódalas

preguntas do alumnado. A historia musical de Cedeira remóntase a

Don Gerardo Villabrille que fundou a Banda Vella, a finais do século XIX,

Don Gerardo tocaba o armonio... Seguide escoitando o programa das Radios Escolares!

 

 

 

 

 

RICARDO FREIRE NA VOZ DE ALICIA #Radionabiblio #bibliotecacreativa #bescolaresgal #bescolaresgalabertas #RadioExperimental

 
Unha nova gravación vén a documentarnos no noso proxecto "Música, Maestro!"
 
Cedeira é un pobo de artistas musicais, que incluso na emigración chegaron ao máis alto.
 
Hoxe na voz de Alicia Freire, a súa filla, rendímoslle homenaxe a unha figura musical que
 
chegou a Uruguay e volveu para agasallarnos co máis bonito que tiña, os acordes da súa guitarra.
 

 

 

 

 

GRUPO CANDIEIRA #Radionabiblio #bibliotecacreativa #bescolaresgal #bescolaresgalabertas #RadioExperimental

Entrevistamos a Tiano Labraña e Charo do Pinzón, dous dos compoñentes do grupo musical

"Candieira". Grupo que este ano fai os seus 50 anos! Falaron de música, de reinvindicación,

da lingua e dunha época, unha entrevista para escoitar e cantar!

Proxecto "Música, Maestro". Gozade da súa escoita!

 

 

 

 

BANDA DE GAITAS ROBALEIRA - #Radionabiblio #Dinamización Lingua Galega Candieira #bibliotecacreativa #bescolaresgal #bescolaresgalabertas #OndaDiscalza #RadioExperimental

Unha entrevista entrañable que aporta documentación

sobre a Banda de Gaitas Robaleira. Tivemos connosco a

José Antonio García e Antonio Rodríguez, dous antigos

directores da Banda. 

As radios unidas nun proxecto común

para darlle voz ás nosas xentes e documentarnos!

Proxecto "Música, Maestro". Gozade da súa escoita!

 

 

 

 

 

 

 

VELADAS POÉTICAS - PREMIO PODCAST LETRAS GALEGAS @RadioGalega #Radionabiblio #LetrasGalegas24 #bescolaresgal #bescolaresgalabertas

Xa podemos escoitar o podcats premiado no concurso organizado

pola Asesoria de Bibliotecas Escolares. O alumnado de 2º de primaria

presentou "Luisa Villalta - Veladas poéticas", un programa onde

poderedes escoitar decenas de voces da nosa rapazada  e das

familias e diferentes axentes sociais. Todo aderezado coa música

de Bach soando de fondo, dúas pezas tocadas tamén por un papá.

Estes minutos que ides escoitar son o final dun proxecto onde

investigamos, pedimos colaboración das xentes da vila, aprendemos

a diferenciar o rúido do silencio e a darlle espazo para concentrarnos

nas pezas musicais traballadas, escribimos poesía e traballamos figuras

literarias, escribimos e dramatizamos teatro para levar a voz de Luísa ao

podcast. Son uns breves minutos pero que foron meses de traballo do

alumnado e do profesorado para que esas voces produciran tan inmenso

traballo de escrita, lectura e pronunciación.

Gracias a todas e todos os que o fixeron posible!

Tamén podedes escoitar o seu podcast e o de outros premiado

(de diferentes idades) na Radio Galega. Neste domingo tamén emitirán

unha entrevista sobre o noso podcast premiado.

 

 

 

 

 

 

 

AS AVOAS NA RADIO - "MÚSICA, MAESTRO" #Radionabiblio #Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas

Hoxe podemos escoitar ás avoas: Josefa Leonardo Díaz ,Victorina Garrote Garrote,

Consuelo Quintana García, Estrella Leonardo Martínez e Josefa López Rey,

nas Radios da vila (Onda Discalza e Experimental). As radios unidas nun proxecto común

para darlle voz ás nosas xentes e documentarnos!

Proxecto "Música, Maestro". Gozade da súa escoita!

 

 

 

 

 

 

VELADAS POÉTICAS - PREMIO PODCAST LETRAS GALEGAS @RadioGalega #Radionabiblio #LetrasGalegas24 #bescolaresgal #bescolaresgalabertas

A comunidade educativa do Nicolás estamos de parabéns!

O programa, Veladas Poéticas, presentado ao

VI Concurso de Podcast de Radio na bilblio, da Asesoría de

Bibliotecas Escolares en colaboración coa CRTVG (Radio Galega),

resultou gañador na convocatoria.

A proposta está vinculada á celebración do Día das Letras Galegas,

dedicado este ano a Luisa Villalta, escritora, violinista, filóloga, articulista...

 

En breves poderemos escoitar o podcast na páxina web da Radio Galega

e na plataforma dixital A Galega Audio https://agalegaaudio.gal/ . Así mesmo,

recibirán difusión a través dos medios web da Consellería de Educación,

Ciencia, Universidades e Formación Profesional; e por suposto,

no blog da biblioteca escolar e nas súas redes.

 

 

 

 

AULA SENSORIAL - BACH #LuísaVillalta #LetrasGalegas24 #Radionabiblio #AMI #AulaSensorial #bescolaresgal #bescolaresgalabertas

Documentándonos sobre Luisa Villalta descobremos que unha das

pezas preferidas da autora é de Bach, ningunha crianza o coñece,

así que decidimos xuzgar por nós mesmos se a súa música é tan boa

como ela afirma. Decidimos que non hai mellor espazo que a aula sensorial,

un sitio tranquilo, cheo de luces ténues que axudan a descansar e desconectar.

Tentamos chegar a ese punto de relaxación que nos

permita esquecer todo e abrazar as notas musicais.

Bach gústanos, é música clásica, pero pequenas e pequenos din que parece

rock polo rápido que van algunha das pezas. Aínda que aprendemos que a preferida

de Luisa é a Partitura nº2 para violín só de J.S. Bach nós non concordamos é

gústannos máis outras do autor.

Descobrer outras formas de encher a nosa vida e identificar o que nos gusta e o que non;

ser quen de transmitilo é unha aprendizaxe emocional que toda crianza ten que desenvolver.

 

 

 

 

 

 

 

 

RIMA QUE TE RIMA #LuísaVillalta #LetrasGalegas24 #Radionabiblio #AMI #bibliotecacreativa #bescolaresgal #bescolaresgalabertas

 O alumnado de 2º nivel xúntase para afondar na poesía.

Luisa Villalta é a canle conductora, a súa inspiración leva ao

alumnado a traballar as rimas en grupos cooperativos, utilizando

a técnica do folio xiratorio. O profesorado crea material específico e

utiliza os espazos da biblioteca para documentarse e realizar a actividade.

 

 

 

 

 

 

FORMACIÓN RADIO NA BIBLIO #BibliotecaCreativa #Radionabiblio #bibliotecainclusiva #STEAM #bescolaresgal #bescolaresgalabertas

O alumnado de 5º de primaria recibiú formación

de radio para mellorar as súas competencias neste medio.

Quique Vázquez foi o encargado da formación,

que combinou radio e teatro.

 Foi unha formación intensa e gozada da que deixamos aquí constancia.

 

 

 

 

 

 

 

 

RAP A ROSALÍA, NA RADIO DO IES CON PAULO #LecturaeFamilias #FamiliasnaBE #poloscreativos #bibliotecacreativa #EscribiraBE #bescolaresgal

Paulo Vicente, profesor do Ies Punta Candieira e membro

da biblio do seu centro, participa na Biblioteca Humana/Polos Creativos.

Con el, un grupo de alumnado de sexto de primaria, acompañados

do seu mestre Alex, realiza un obradoiro de radio para rapearlle a Rosalía.

Unha actividade de expresión oral que aportou moitas outras cousas,

pois tamén foi un novo achegamento a un espazo,

no que en breves estará este alumnado.

Gracias Paulo por participar e facelos pasar unhas horas incríbles!

 

 

 

 

 

IMOS Á RADIO DO IES PUNTA CANDIEIRA E GRAVAMOS #LecturaeFamilias #FamiliasnaBE #poloscreativos #bibliotecacreativa #EscribiraBE #bescolaresgal

Paulo Vicente, profesor do Ies Punta Candieira e membro

da biblio do seu centro, participa na Biblioteca Humana/Polos Creativos.

 

Con el, un grupo de alumnado de sexto de primaria, acompañados

do seu mestre Alex, realiza un obradoiro de radio para rapearlle a Rosalía.

Unha actividade de expresión oral que aportou moitas outras cousas,

pois tamén foi un novo achegamento a un espazo,

no que en breves estará este alumnado.

Gracias Paulo por participar e facelos pasar unhas horas incríbles!

 

 

 

 

 

 

 

 

PREMIO PODCAST RADIO NA BIBLIO - CARTAS QUE VENCEN CANCELAS @RadioGalega #Radionabiblio #LetrasGalegas23 #bescolaresgal #bescolaresgalabertas

Moitos parabéns á rapazada e a toda a comunidade educativa implicada!

Resultamos premiados no programa, Cartas que vencen cancelas,

presentado ao V Concurso de Podcast de Radio na bilblio,

da Asesoría de Bibliotecas Escolares en colaboración coa

CRTVG (Radio Galega).

Pero isto non foi só un programa, detrás das voces deste rapaciños

e rapaciñas, hai un proxecto. Comezaron documentándose na biblioteca,

convidaron ás familias a participar, descobreron que "A miña burriña" era

a canción preferida de Francisco Fernández del Riego (a aprenderon e a cantaron),

quixeron imitar o seu bo facer e fixeron unha crítica constructiva da vila,

buscando solucións e redactando epístolas aos diferentes organismos que podían axudalos.

Ilustraron a Del Riego e comezaron a labor escrita da escaleta para rematar coas gravacións.

Un proxecto, que continuou despois destas gravacións, mantendo entrevistas

con quen pode axudar a que as solucións da rapazada sexa unha realidade.

Canto nos da a radio! Parabéns rapazada!

Aquí o seu podcast, Cartas que vencen cancelas!

 

  Os podcasts seleccionados serán difundidos pola Radio Galega

a través da  páxina do Diario Cultural; así mesmo, serán difundidos

a través dos medios web da Consellería de Cultura, Educación,

Formación Profesional e Universidades. 

 

 

 

 

 

 

 

 

 

 

CARTAS QUE VENCEN CANCELAS - PREMIO PODCAST LETRAS GALEGAS @RadioGalega #Radionabiblio #LetrasGalegas23 #bescolaresgal #bescolaresgalabertas

A comunidade educativa do Nicolás estamos de parabéns!

O programa, Cartas que vencen cancelas, presentado ao

V Concurso de Podcast de Radio na bilblio, da Asesoría de

Bibliotecas Escolares en colaboración coa CRTVG (Radio Galega),

resultou gañador na convocatoria.

A proposta está vinculada á celebración do Día das Letras Galegas,

dedicado este ano  ao intelectual, escritor, activista político e cultural,

articulista, editor e ensaísta Francisco Fernández del Riego.

          

En breves poderemos escoitar o podcast na Radio Galega a través

da  páxina do Diario Cultural; así mesmo, serán difundidos a través

dos medios web da Consellería de Cultura, Educación, Formación

Profesional e Universidades; e por suposto,

no blog da biblioteca escolar e nas súas redes.

 

 

 

 

RADIO NA BIBLIO - FORMACIÓN ALUMNADO CON SOLEDAD FELLOZA #Radionabiblio #bibliotecainclusiva #bescolaresgal #bescolaresgalabertas

O venres 21 o alumnado de 3º de primaria recibiu formación de radio na biblio,

a cargo de Soledad Felloza, quen comezou cunha explicación sobre a posición corporal

e do micrófono, para obter unha boa sinal auditiva na radio.

 

Tamén comentou como afectan os ruídos externos e as posturas

da cabeza no son. Posteriormente amosou e executou algúns exemplos

para amosarlles os comentados nunha gravación.

Continuo con práctica de presentación e lectura de contos e remataron

con baile grupal e actividades de relaxación para traballar as cordas bucais.

Unha xornada de formación completa que de seguro se notará en posteriores programas.

 

 

 

 

 

 

 

 

IV CONCURSO DE PODCASTS: POEMAS CRIOULOS! #Radionabiblio #ALFIN #AMI #LetrasGalegas22 #florenciodelgadogurriarán #bescolaresgal #bescolaresgalabertas @RadioGalega

 

Chegou o día! Xa podemos escoitar e difundir o podcast "Poemas Crioulos".

Queremos celebrar con toda a comunidade educativa este premio

e agradecer a súa colaboración. Todas/os e cada un/unha somos

importante e todos temos algo que aportar.

Gozade do podcast!

Moitos parabéns!!
 
 
 
 
 
 
 
 

Experimentando na radio!

 

  Estes días tivemos a sorte de poder aprender de radio da man de Rede ESPORA (Rede de Escolas pola Radio)! A nosa radio forma parte do programa Radio na biblio impulsado por Bibliotecas Escolares e o alumnado de 4º de primaria tivo a oportunidade de participar nunha formación incluída dentro do programa.

 


Traballaron sobre os compoñentes da radio, aprenderon cómo empregar a mesa de sonido, cómo manexar o programa Audacity e moito mais! En definitiva, todo o necesario para poder levar a cabo un programa de radio de principio a fin do xeito máis autónomo posible... seguro que en breves os podemos escoitar polas ondas da nosa radio!

Distribuir contido