Tomando como punto de partida o libro “Caring for our planet”, desenvolvemos as actividades previas, durante e posteriores á lectura, tal e como se recollía na programación de inicio de curso.

Como todos os proxectos teñen vida propia, este evolucionou cara á celebración dun cumio polo clima como remate da actividade.

O desenvolvemento completo das accións levadas a cabo na Hora de Ler pódense seguir no enlace:

Neste curso 2021-2022  desfrutamos da lectura dun montón de contos con valores que traballamos con conciencia individual e de grupo, sobre todo as emocións e os sentimentos, en sesións de 20 minutos despois  do recreo e dunha pequena relaxación. En moitas ocasións a lectura do conto necesitaba dúas ou tres sesións, contando coas actividades que as acompañaban.

• MONSTRUO DE COLORES de Ana Llenas , ED. Flamboyant.
• El MONSTRUO DE COLORES VA AL COLE de Ana LLENAS
• MONSTRUO ROSA. De Olga de Dios
• RANA DE TRES OJOS De Olga de Dios
• PÁJARO AMARILLO De Olga de Dios
• UNA RICA MERIENDA ED. ANAYA. De Rocío Antón y Lola Núñez. De la colección, Y...ÉRASE OTRA VEZ.
• EL HADA AGUA Y JABÓN, ESTA ES OTRA HISTORIA De Rocío Antón y Lola Núñez. ED. S.M.
• AYUDEMOS A CENICIENTA, ESTA ES OTRA HISTORIA De Rocío Antón y Lola Núñez. ED. S.M.
• A COLMEA. Petra Bartikova. BAÍA EDICIÓNS.
• EL CICLO DE LA MIEL. ED. EVEREST Cristina Quental Marina Magalhaes.
• A QUE SABE UN BESO De Olga de Dios.
• ¿TE ABURRES MINIMONI? De Olga de Dios.
• UNA EIRUGA MOI LARPEIRA. Erick carle . ed KÓKINOS.
• 1,2,3 A CONTAR CACAS. GÉRALDINE COLLET. ÉRIC GASTÉ. Ed. CUBILETE.
• Wangari y los árboles de la Paz. JEANETTE WINTER. EDICIONES EKARÉ.
• Chivos Chivones. Texto de Bata. Kalandraka
• A ovella que chocou un ovo. Gemma Merino. Picarona.
• El conejo blanco. Bata. Kalandraka.
• Chocolata. Marisa Núñez y Helga Bansch. OQO editora.
• Hasta que podamos abrazarnos. Eoin McLaughlin y Polly Dunbar. Algar.
• El lapicero mágico. Luis Amavisca. Nubeocho.
• El Abejoso. Nadia Shireen. Ed. Cubilete.
• Pingüino azul. Petr Horácek. Juventud.

Os obxectivos que pretendemos conseguir son os seguintes:

• Aproximación a lectura de diversos contos coa temática dos nosos proxectos, e potenciando o traballo dos valores, dentro da aula, e na súa vida.
• Motivar e estimular os nenos pola lectura  .
• Desenvolvemento da creatividade, atención e linguaxe.

Para conseguilo realizamos diferentes actividades, entre as que destacamos:

• Comezamos lendo o conto e ensinando as ilustracións .
• Inventaron títulos relacionados co conto.
• Imaxinaron ós protagonistas e outras personaxes do conto.
• Fixeron  debuxos relacionados co conto.
• Algúns contos sobre, todo os relacionados con educación emocional inventábanlle un título e entre todos escollían un .
• Memorizaron  algunhas poesía , adiviñas  , e coplas  para recitalas na clase cada neno e nena aos demais compañeiros e compañeiras.
• Elixiron  o seu conto favorito .
• Pintaron e decoraron debuxos con materiais de reciclaxe, e reutilizando materiais do colexio que xa non servían.
• Fixeron unha árbore en forma de símbolo da Paz e decorárono con pombas, recortadas por eles.
• Fixemos pequenos proxectos documentais.

Ao longo do curso 2021/2022, os nenos e nenas de 5º Educación Infantil, os luns e os martes tiveron 20 minutos da hora de ler moi especiais.

Os Obxectivos marcados foron:

• Inculcar aos alumnos un interese pola lectura dende idades moi tempranas.
• Facer da lectura un elemento de goce persoal para o alumno.
• Ofrecer aos alumnos actividades iniciais na lectura e baixo un prisma lúdico.
• Ampliar o vocabulario a través do conto.
• Desenvolver a creatividade e a imaxinación nos nenos e nenas.

Traballamos co libro “Cuentos para contar e interpretar” da editorial GRAFALCO e podemos ler diferentes tipos de conto:

• Cuentos de siempre
• Cuentos de animales
• Cuentos para asustar
• Cuentos de misterios e enigmas
• Leyendas famosas
• Cuentos para reir

Para axudar a que os nenos mostrasen máis interese, estivesen máis motivados e prestasen máis atención ao tempo de ler, usarmos un monicreque á que eles  puxeron nome o primeiro día: “Luna”. Luna foi a encargada de contar os contos aos nenos e nenas. Ademais fixeron moitas actividades relacionadas cos contos lidos: dramatizaron algún conto, colorearon debuxos dalgún conto, viron algunha película e algúns deles fixeron o seu propio conto usando o monicreque para contalo.

Foi un tempo moi bo onde os nenas e nenos puideron desenvolver a súa creatividade, aprendendo se darse conta e facilitando a comunicación verbal e non verbal entre eles, ademais de axudarles a manter a súa atención en unha mesma actividade por un tempo determinado.

No 3º trimestre, o alumnado de 4º de Educación Primaria traballou A Señorita Bubble escrito por Ledicia Costas e ilustrado por Andrés Meixide.

O libro conta como a xente da vila sentiu un odio repentino pola señorita Bubble desde o mesmo día da súa chegada. A inventora apareceu por sorpresa unha mañá solleira, conducindo un convertible que funcionaba a vapor, e instalouse naquela vivenda que levaba tantos anos deshabitada.

Repudiárona polo seu atavío, polos seus inventos, polo seu singular xeito de vivir. Ninguén sospeitaba o que en realidade sucedía no interior da mansión da señorita Bubble.

Actividade 1: Lectura

Lectura individual en voz baixa, lectura grupal en voz alta.

Actividade 2: Análise das personaxes

A presentación da personaxe protagonista e os comentarios que suscitou a súa chegada deu pé para traballar os prexuízos: entenderon perfectamente que as primeiras impresión son importantes, pero non definitivas e que, a mior parte das veces, as cousas non son o que parecen.

Actividade 3: Traballo de contidos da área de lingua

O texto serviu como práctica para traballar os contidos que estabamos dando na aula nese momento: os verbos (tempos verbais, conxugacións), pronomes, tipos de oracións.

Actividade 4: Ilustración

Os rapces realizaron debuxos das personaxes en diferentes situación e con diferentes calidades, o que nos permitiu afondar nos contidos relacionados cos adxectivo.

Actividade 5: Conclusión/valores

Despois da lectura fixemos un mapa conceptual sobre os valores que se poden extraer da historia.

O curso escolar 2021/2022, a Hora de ler, realizouse en flexible tendo como obxectivos prioritarios:

• Contribuír ao fomento do gusto pola lectura
• Coñecer obras e autores en lingua galega
• Ampliar o coñecemento sobre a gran variedade de ofertas literarias

A configuración da hora de ler foi polo titora Marta María Rey Vila e centrouse nos seguintes obxectivos:

• Mellorar a fluidez e da comprensión lectora
• Gozar da diversidade textual
• Coñecer e valorar o traballo dos autores
• Favorecer a expresión e a representación plástica
• Coñecer obras literarias de diferentes xéneros
• Extraer coñecementos e ampliar os contidos traballados na aula a través dos textos literarios
• Valorar e coñecer diferentes códigos artísticos como medios de expresión de sentimentos e ideas
• Valorar de forma crítica os textos traballados
• Favorecer actitudes que fomenten o desenvolvemento sostible e consumo responsable
• Favorecer o gusto pola lectura e a selección de libros segundo o gusto persoal
• Coñecer e utilizar de xeito apropiado a lingua galega e a lingua castelá, e desenvolver hábitos de lectura en ambas as linguas
• Valorar os textos literarios como vehículo de comunicación e como fonte de coñecemento doutros mundos, tempos e culturas e como gozo persoal
• Lectura de textos en voz alta, en voz baixa e con dramatizacións
• Facer unha versión do conto Xa non son malo cambiándolle o xénero: pasalo de prosa a verso.
• Ilustrar a versión lírica do conto Xa non son malo para quede na biblioteca do centro
• Traballar o respecto e o coidado do medio ambiente a través do conto Xa non son mal

Polo que respecta á temporalización, na hora de ler, empregáronse:

1º trimestre:

• Textos relacionados co medio ambiente (galego e castelán)
• Xa non son malo (galego)

2º trimestre:

• Textos relacionados cos intereses do alumnado (galego e castelán)
• Xa non son malo (galego)
• Luuume! (galego)
  

3º trimestre:

• A señorita Bubble

O venres 6 de maio achegouse ao noso centro Andrea Freire, a autora de Luuume!, ilustrado por Laura Miranda Moreno e publicado por Antela Editorial, para facer a contada da historia de Misto, que está sempre enfadado, e que previamente traballaramos no Club de lectura de cuarto de Ed. Primaria ao longo do mes de abril.

Misto, cando sente rabia e malia que o intenta, non consegue controlarse. De feito, cada vez que o embarga a ira, acéndese e prende a chispa.

Tanto a súa familia (mamá Pinza e papá Tapón) como as súas amizades (Mestra Nobelo, Resorte, Botón e Parafuso) tentan axudalo, pero mentres Misto non sexa quen de xestionar a súa ira, non poderá autocontrolarse e gozar.

Despois da contada, Andrea realizou un obradoiro de relaxación mediante exercicios de respiración, ofrecéndolles aos rapaces ferramentas para o autocontrol.

Para finalizar, e en consonancia co PDI deste ano, fixeron ao protagonista do conto con materiais de aproveitamento.

O curso escolar 2021/2022, a hora de ler, realizouse todos os días despois do recreo co obxectivo prioritario: Contribuír ao fomento do gusto pola lectura.

Obxectivos:

• Desfrutar dos nosos contos preferidos.
• Traballar os valores de respecto á natureza, amizade, tolerancia e compañeirismo entre outros.
• Mellorar a lectura (comprensión e expresión lectora)
• Desenvolver a súa creatividade a través da expresión plástica.
• Ampliar o vocabulario a través dos contos.
• Traballar as emocións a través dos contos.
• Traballar a poesía.

Actividades.

• Selección dos contos que lle gusten aos nen@s e que queiran compartir co resto dos seus compañeiros
• Ler o conto entre todos en voz alta.
• Dramatizar algún dos conto.
• Debuxar, moldear os seus personaxes.
• Escoitar o conto contado por outras persoas.
• Poñemos música e nos movemos como se fósemos o personaxe do conto.
• Creamos poemas sobre animais.
• Lemos os contos que traemos para os nosos proxectos (planetas, animais, plantas) e aproveitalos para traballar algún contido que nos interese.

Temporalización.

Na hora de ler, que se realizou todos os días despois do recreo, de  12:00 a 12:20  traballamos  os seguintes contos:

No 1º trimestre:

O primeiro conto foi escollido por Marco e elexiu o conto de  "Cocorico" e que podedes ver nesta ligazón:

O segundo dos contos traballados foi: Grazas. Historia dun rueiro.

Outro dos contos  escollidos por eles  foi a fermosa historia de “Si yo tuviera una púa” que tamén podedes ver no noso blog da biblioteca.

Alegría, outra das nenas de 2º elexiu o conto “La paleta de los recuerdos”. A súa protagonista Lucía conta como cada un dos recordos ten unha cor diferente e como a través  desas cores viaxa por distintos momentos da súa vida e transmitindolle sentimientos diferentes. Debuxamos a portada do conto e fixemos unha en A3 para facerlle un agasallo a alumna de prácticas que se vai e puxémoslle na paleta da protagonista os nomes dos nen@s de 2º que compartimos con ela moitos momentos.

Agradecer a Nerea por traballar co alumnado de 2º o conto de Elmer e aproveitar esa oportunidade para dramatizar o conto con eles.  O elefante de cores, de David Mckee, trata dous grandes temas: o respeto hacia o outro dende a aceptación das diferencias, e a importancia de ser auténtico, ser un mesmo, celebrando o ser diferente.

Tamén aproveitamos a presentación do noso proxecto  das plantas para traballar o conto “Unha árbore”. Alina decidiu plantar unha árbore e todo comenzou a mudar. Ás veces unha pequena decisión é abondo para transformar todo o que nos rodea. Cada neno despois de traballar a comprensión e facer o cálculo de todo o que vai crecendo a través da árbore pedimoslle aos nenos que fixeran a ilustración do conto que máis lle gustara e todos coincidiron con facer a portada (cando alina caba o burato para plantar a súa plantiña)

No 3º trimestre:

O luns despois do día do libro fixemos un contacontos do conto LUME na bibblioteca. Nesta fermosa historia, o protagonista é un pequeno misto que sempre está enfadado, pero con esforzo aprenderá a xestionar a súa frustración. Neste mes de maio teremos un encontro coa autora deste libro na nosa biblioteca por iso o traballamos antes.

Os alumn@s de 2º de primaria para conmemorar o día do libro recordamos todos os contos favoritos que lemos durante  este curso na hora de ler e plasmámolos nas ramas da nosa árbore de lecturas.

A árbore seguirá medrando e seguiremos gozando de cada unha das follas das maravillosas historias dos contos da nosa biblio.

Como conclusión, destacar o motivad@s que estiveron @s nen@s por traballar cos contos que eles elexiron, os seus intereses e o que lle gusta  é o éxito da actividade.  A valoración foi moi positiva sobre todo no referente ao traballo en equipo cando dramatizan os contos e cando despois van a interpretarllo @s nen@s máis pequenos.

No curso escolar 2021/2022 o alumnado de 5º curso utilizaron dúas mochilas viaxeiras que foron intercambiadas cada quince días durante todo o curso. O traballo de alumnado queda reflectido nos debuxos que se acompañan nos libros configurados para elo.

As mochilas viaxeiras permiten ao alumnado un préstamo por un período de quince días, para compartir coas familias o contido da mesma. O  contido do material foi escollido polo titor de 5º curso, supervisado pola biblioteca e procurando que teña a maior variedade de textos e formatos para que o alumando poida elixir.

Acompañan a estes materiais “O diario da mochila” no que, tanto os nenos/as como as súas familias, aportan a súa opinión, novas creacións, debuxos, achegas, …, sobre o contido da mochila.

O material que acompaña a mochila do alumando de 5º curso de Educación Primaria foi o seguinte.

1º mochila:

• Lingua Galega.
  Kika Superbruxa no Castelo de Drácula. Ed. Bruño.
• Lingua castelá.
  Los forasteros del tiempo. La aventura de los Balbuena y el pequeño ganster. Ed. SM.
  Reportero DOC.
  Nº 271
  Nº 269
  Papagaio nº 9.

2º mochila:

• Lingua Galega.
  Kika Superbruxa e no país de Liliput. Ed. Bruño.
• Lingua castelá.
  Perrock holmes. Se ha escrito un secuestro. Ed. Montena.
  Reportero DOC.
  Nº 270
  Nº 272
  Papagaio nº 6.

Como conclusión, destacar que ler en familia é unha actividade moi divertida que axuda a entrelazar lazos entre os pais e nais e os seus fillos e fillas enriquécenos a todos. Ademais, a lectura enriquece intelectualmente aos nenos e nenas, estimulando a súa imaxinación, a capacidade para resolver problemas, a memoria e a linguaxe, axúdalle a coñecer o mundo no que vive e impúlsalle a querer saber máis. Comentando as lecturas que facemos todos xuntos podemos reflexionar sobre o lido, os valores do libro infantil e xuvenil que escollésemos, explorando nosos propios sentimentos. É, en definitiva, unha axuda na educación dos nosos fillos, polo que é importante proporcionarlle ao alumnado lecturas estimulantes, acompañalos no descubrimento do pracer da lectura, sendo un hábito moi saudable e cheo de beneficios.

O curso escolar 2021/2022, a hora de ler, realizouse todos os días en horario de 12 a 12:20h, tendo como obxectivo prioritario Contribuír ao fomento do gusto pola lectura.

Os obxectivos principais foron:

• Mellorar a lectura (comprensión e expresión lectora).
• Mellorar a ortografía. Coherencia e concordancia na escrita.
• Favorecer a expresión plástica.
• Coñecer algo sobre a vida do autor.
• Ampliar o vocabulario a través da lectura.
• Actuar con autonomía na  vida cotiá e nas relación de grupo.
• Procurar o coidado e concienciación cara o medio ambiente.
• Activar o imaxinario do alumado e favorecer a espontaneidade e revelación de gustos.

Actividades:

• Ler o libro e procurar entendelo e relacionalo ca vida cotiá.
• Dramatizar algún episodio do conto.
• Dramatizar actividades relacionadas con distintas celebracións do conto, favorecendo, diste xeito a lectura de diferentes xéneros literarios.
• Colorear debuxos relacionados co libro e elaborar creacións propias sobre o mesmo.
• Ver algunha película relacionada co mesmo, en caso de que exista..
• Escoitar lectura en voz alta, procurando a escoita paciente e gardar quendas.
• Realización de obradoiros literarios, relacionados tanto co libro que estamos a traballas, como con celebracións, coidado do medio ambiente e expresión escrita, tanto en castelán coma e galego.

Temporalización.

Na hora de ler, que se realizou todos os días. Comentar neste punto que, debido a acontecementos e actividades que xurdiron ao longo do curso, houbo moitos cambios na selección de materiais e libros para a hora de ler.

1º trimestre:

Centrámonos no aprendizaxe e representación da obra teatral  “O fantasma Burlón”

A continuación, traballamos unha obra relacionada co Nadal titulada “Os Gnomos de Papá Noel”, que debido a corentena  de algúns alumnos ao final deste trimestre, non se puido representar.

2º trimestre: libro común a todos os nenos e nenas.

Neste trimestre o traballo escollido foi en relación ao PDI anual do centro. Para elo escollemos o libro dos Bolechas titulado “Os Bolechas queren saber...que se bota no contedor amarelo”.  A partir deste libro, fixemos un traballo de investigación relacionado cos “ 3 erres” que plasmamos finalmente en 3 LapBook:

3º trimestre: libro común a todos os nenos e nenas.

Finalmente neste 3º trimestre, e continuando coa temática do PDI, realizamos unha lectura en grupo sobre o libro :
“Una bolsa de patatas fritas en la Polinesia” Ed. SM. Con este libro, traballamos de xeito máis minucioso, a través de actividades relacionadas co mesmo e realizando un concurso final coa clase.

Rematamos coa lectura do libro: ¿Quién usa las papeleras?  de Ed. Edelvives.

Finalmente comentar que, a pesar de que houbo moitos cambios na programación inicial na hora de ler, o nenos adaptáronse sen problema a mesma e traballaron con motivación e animados en todas as actividades propostas.

O Clube de lectura de 5º de curso de Educación Primaria do CEIP Plurilingüe Manuel Sueiro, elixiu como quinto libro  “El asesinato de la profesora de lengua” de Jordi Sierra i Fabra da editorial Anaya durante o período comprendido entre o 19 de abril e o 20 de maio.

Este libro conta a historia dunha profesora de lingua chamada Soledad, ela amaba ensinar e un dos seus propósitos como educadora era inculcar nos seus alumnos o amor pola lectura. Ela tratou a maneira de dar o seu maior esforzo para conseguilo, pero despois dun tempo decidiu avaliar ao seu grupo de alumnos para ver canto aprenderan. Ese día a profesora Soledad leva unha gran sorpresa, ao avaliar aos seus alumnos deuse conta de que os seus esforzos foran en balde, xa que os seus alumnos non aprenderan nin a máis mínima cousa do que ela lles ensinou, así que por conseguinte a maior parte dos estudantes estaban a piques de perder a materia de lingua. Ante iso a profesora Soledad decidiu facer un último intento por conseguir que os seus alumnos aprendesen a arte da lectura. Así que con axuda da directora e un primo dela quen se fixo pasar por un inspector, levou a cabo o seu plan.

Ao día seguinte os alumnos da profesora Soledad esperaban como era de costume que a súa profesora entrase pola porta do salón para dar a súa clase, pero é día quen entro ao salón de clases foi o inspector e a directora, a cal levaba nas súas mans unha carta escrita pola profesora Soledad que dicía que se volveu tola por culpa dos seus alumnos e que por iso mataría a un deles ás oito da tarde.

Para evitar que pasase esa suposta traxedia debían descubrir onde se atopaba escondida a profesora Soledad por medio de pistas que ela lles ía a dar. Eles debían atopala antes das oito da noite, que era a hora que ela levaría a cabo o seu plan. Os alumnos ao escoitar a arrepiante carta quedaron atónitos ao pensar que podía ser calquera deles quen correría coa mala sorte de que a profesora Soledad o matase. Así que de inmediato comezaron a procura de pistas para poder dar co paradoiro da profesora de lingua.

Tasio, Gaspar e Ana foron os primeiros en atopar a primeira pista que estaba oculta nun xornal. O plan da profesora Soledad era que cada pista atopásese oculta nalgún documento de lectura, para poder descifrar as pistas os seus alumnos debían ler o documento completo, pola contra non poderían chegar ata ela. Dese xeito a profesora Soledad lograría que os seus alumnos poñan en práctica a lectura.

Con dificultade, os alumnos van descubrindo aos poucos as pistas, en total eran oito e cada pista contiña unha letra que ao unilas descifraba o lugar onde se atopaba a profesora de lingua. Cando os alumnos atopan a última pista decatáronse que quedaban soamente tres minutos para as oito da noite, e que o prazo de tempo estaba por vencerse, así que correron a fume de carozo ao lugar que sinalaban as pistas. O lugar era un parque, no que se atoparía a mestra de Lingua, os alumnos ao chegar a lugar levaron a gran sorpresa de que a mestra de lingua non se atopaba soa, ela encontrábase acompañada da directora e do seu primo quen se fixo pasar polo inspector. Alí a profesora confesoulles que todo fora un plan para lograr que eles aprendesen máis sobre a lectura. A profesora felicitou aos seus alumnos e como recompensa por lograr descifrar as pistas, recompénsolles cun gran premio que sería, aprobarlles a materia de lingua.

As actividades realizadas durante o mes de maio e abril e maio de 2022.

O alumnado ilustrou as diversas personaxes do asasinato da profesora de lingua :

• Soledad, é unha mestra caracterizada por ser unha persoa decidida e entregada á súa profesión, ela fai o imposible para que os seus alumnos teñan unha mellor educación.
• Ana, é unha estudante sobresaliente a cal é unha das primeiras en atopar as pistas.
• Tasio, é outro dos alumnos da profesora Soledad, o cal tamén é un dos primeiros en atopar as pistas.
• Gaspar é o terceiro alumno da profesora Soledad, que aínda que se lle dificulta un pouco a escola, xunto ás súas outros dous amigos logra descubrir as pistas.
• A directora, axuda á profesora para levar a cabo o plan, ela cre que tratándose de mellorar a educación dos estudantes, ela está disposta a todo.
• O inspector, quen se fai pasar por ser un inspector no caso da Profesora, ao final termina sendo o primo de Soledad, quen a axude co seu plan.