Deixo aquí a partitura de Resistirei, do Dúo Dinámico, que veu a se converter no himno deste confinamento.

Podémolo tocar, e cantar con esta letra:

Nestes días de estar na casa

Días de pixama e parchís

Días que ás oito da tardiña

Saímos ao balcón para aplaudir

Resistirei ao confinamento

Resistirei, Don't worry

Todo vai saír ben

Lavando as mans ben e con frecuencia

con xabrón ou champú ou se queres hidroxel.

Resistirei ao confinamento

Resistirei, Don't worry

Todo vai saír ben

E cando todo isto vaia rematando

Ao Condesa

Eu volverei!

Tod@s sabemos o que está a pasar por mor da pandemia do coronavirus, da xente que enferma, do confinamento...

Con esta secuencia de actividades pretendemos que tod@s saibamos con que nos enfrontamos: que é un virus, como se multiplica, cales son os seus puntos febles e como podemos acabar con el.

Preme aquí para acceder a estes contidos.

Fai coma o Dinosabio!!!

Acaba co Coronavirus con lecturas que te acompañen durante o confinamento.

Ler sempre é unha boa compaña, e agora, que temos que quedar na casa moito mellor aínda.

As rapazas e rapaces de 5º e 6º que lembren que teñen ao seu dispor a biblioteca dixital da Consellería de Educación dispoñible en http://bega-elbe2.edu.xunta.es/opac/#indice, cunha morea de libros en galego, castelán e inglés.

Ana Pérez Varela, ex-alumna do noso centro, vén de recibir o premio Domingo Fontán polo seu traballo de investigación «O prateiro compostelán Ricardo Martínez Costoya (1859-1927): Contexto, vida e obra».

Como sempre que o noso ex-alumnado acada estes niveis de excelencia no seu traballo, alegrámonos enormemente, e por iso queremos compartilo aquí neste espazo da nosa Web.

Velaquí tedes o noso programa de Radio na Biblioteca adicado á nosa poeta Rosalía de Castro e ás mulleres no seu día.

Temos entrevistas, previsión do tempo, novas sobre Valentina Tereshkova e a estrela Rosalía, e uns textos inéditos de Rosalía, ademáis dunha entrevista a unha das nosas profes do colexio.

Como todos os anos, no tempo que vai do Entroido á Semana Santa, celebramos a nosa olimpiada do Saber.

Este ano, como andamos traballando para termos un patio distinto, onde se poda facer algo máis que xogar ao futbol, onde caibamos tod@s, coas nosas distintas afeccións e gustos, coas nosas diferenzas e as nosas semellanzas.... a Olimpíada adícase aos xogos.

Xogos populares, deportes, tradicionais, innovadores.... todo ten cabida na nosa Olimpíada.

Vén e Participa!

De novo Leticia Gil volve ocupar un posto de honra na competición de salto de lonxitude.

Non paramos de recoller novas desta nosa ex-alumna, unha campioa do Condesa.

Estes días tivemos a oportunidade de desfrutar dun obradoiro de Radio que nos viñeron impartir a xente de Ponte nas Ondas, un grupo que leva 25 anos traballando a prol da radio escolar e da cultura galego-portuguesa.

O resultado deste obradoiro podédelo escoitar neste podcast que vos deixamos aquí.

Este ano as Letras Galegas están adicadas a Ricardo Carvalho Calero e para írmonos aproximando á súa figura elaboramos, recollendo informacións eiquí e acolá, esta liña do tempo da súa vida e obra.

Esperamos que vos sexa útil para coñecer a esta sobranceira figura da nosa cultura.