Xa estamos de volta! Inauguramos un novo curso con moitas ganas e moita enerxía. Xogamos, recordamos, falamos e compartimos todo o que nos pasou no verán; pero pouco a pouco, retomamos o traballo que comezamos o curso anterior recordando as distintas rutinas, e sobre todo facendo repaso do que xa sabemos para calentar motores. Os nenos, as nenas e o profe; xa estamos listas! Comezamos!

NORMAS DE AULA

Un dos temas principais que tratamos este mes foron as normas de aula. Coñecer ben as normas, non só é bo para favorecer a convivencia, senón que nos axuda a crear unha rutina, entender cales son os distintos tempos que manexamos na aula e poder disfrutar do tempo de ocio sen molestar aos demais compañeiros e compañeiras. No noso caso, acordamos as normas en asamblea, ademais de cales serían as consecuencias no caso do incumprimento das mesmas. Tras chegar a un acordo e comprender a sua importancia, fixemos unhas fotos para facer un gran cartel coas normas na entrada da nosa aula, que quedou chulísimo!

ORGANIZACIÓN DE AULA

Igual que é preciso ter unhas normas para saber como comportarnos, tamén e moi importante saber que lugar ocupa cada cousa, que material temos, como utilizar as ferramentas de aprendizaxe que temos na aula. Para facelo, diseñamos unha serie de pegatinas que fomos colocando nos distintos rincóns da aula para saber cal é a bandexa de cada un, onde vai cada xoguete, cal é o sitio onde nos sentamos... Xa que ademais, como algúns xa sabedes estamos de reformas na aula, polo que foi unha necesidade acordar como organizar os novos espazos.

XOGOS COAS FORMAS E LÓXICA-MATEMÁTICA

Algunhas das actividades que máis éxito tiveron o curso pasado, foron as relacionadas coa lóxica-matemática. Por iso, este ano as retomamos, pero engadindo unha nova modalidade de xogo cos bloques lóxicos. Estes bloques permiten traballar de forma manipulativa distintos coñecementos básicos como son as cores, os tamaños, as formas... E este curso, entre outros xogos, usaremos estes materiais para seguir ampliando coñecementos ao mesmo tempo que o pasamos xenial.

CUBREMOS O PASAPORTE DA ESCOLA 

Durante as primeiras semanas de colexio, recorremos o colexio como tolos en busca das pegatinas necesarias para cubrir o noso pasaporte. Estas busquedas nos levaron a sitios tan variados como a clase de inglés, de música, a biblioteca da escola... Esas pegatinas foron acompadas de fotos para recordar estes primeiros días, e como non, para ter o noso pasaporte en vigor para viaxar por todo o colexio.

REDECORAMOS A AULA

Un curso novo, pide unha clase nova, e iso é tamén no que estamos a traballar. O primeiro que abordamos e a porta da clase, onde puxemos os nosos nomes escritos ao men, acompañados da tradicional foto que nos sacamos o primeiro día de clase. Pouco a pouco, imos decindo tamén que imos a cambiar e que imos a necesitar, poñendo a prioridade en aprender a reutilizar aquilo que cumpra as condicións para facelo.

ESTAMOS DE MUDANZA

Para dentro co novo! Coa axuda de todos os profes do cole, é especialmente da profe Zaira, renovamos todos os mobles da nosa aula; cambiando os vellos por uns máis accesibles e adaptados aos nenos e nenas. Pero estes detalles interesaron ben pouco no momento, xa que o que todos queriamos facer, era botar os mobles vellos fora. Polo que as nosas forzudas e forzudos de EI, sacaron os músculos a pasear para poñer os mobles fora da aula.

XOGAMOS COS FONEMAS, SÍLABAS E PALABRAS

Como parte do repaso do aprendido o curso anterior, tamén fixemos moitos xogos para traballar a conciencia léxica, silábica e fonémica. No caso das fotos, podemos ver aos nenos e nenas xogar, en primer lugar, con tapóns coas letras escritas nos mesmos. A cousa partiu como unha competición para ver quen era capaz de facer máis palabras, pero tamén deu pé a un montón de palabras inventadas e divertidas que se daban combinqando e xogando coas letras dos tapóns. Tamé, xogamos a un xogo da oca moi especial onde, para avanzar, tiñamos que pensar e poñer en práctica todo o que sabemos sobre as letras. Se queredes xogar na casa, podedes acceder a este recurso no apartado de xogos de Educación Infantil.

CELEBRAMOS OS CUMPLES DE SETEMBRO

Outras novidade de este curso, e que imos a retomar a cociña na aula. E que mellor momento para fácelo que celebrando os cumples de setembro? Nesta ocasión os homenaxeados foron Carlota e Diego, que non so elixiron unha tarta deliciosa, senón que ademais recibiron unhas camisetas e coroas chulisimas, feitas con agarimo polos seus compañeiros e compañeiras.

E isto e todo... por agora. En un mes volveremos con máis fotos e máis novas do que vai sucedendo na escola! Ata pronto.

Ola a todos e todas! Vamos coa última entrada de este curso, na que faremos un breve resumo de todo o que sucedeu ao longo deste mes de xuño. Algunhas das actividades, como o experimento, xa as teredes visto compartida no apartado de educación infantil; e outras aínda non. De todolos xeitos, recordarvos que para ver todas as fotos relacionadas con estas actividades podedes visitar a galería fotográfica, onde hai fotos de absolutamente todos os nenos e nenas traballando e xogando na aula. E agora si que si, comezamos!

O experimento ao que nos dedicamos este mes, foi o dos osiños mutantes. Para facelo utilizamos osiños de gominola, zume de limón, bicarbonato, auga e xabón. Primeiro plantexamos as hipóteses do que sucedería con cada osiño ao introducilo nun líquido; e a continuación pasamos a acción. Así, tras unha espera de dous días, comprobamos os resultados e reflexionamos acerca de porque pasou o que pasou con cada un de eles. Se vos tamén queredes saber máis acerca deste experimento, recordade que podedes consultar o video no apartado CervoTV.

Outra das actividades que máis nos gustou este trimestre, foi o contacontos que organizaron os alumnos e alumnas de 5º e 6º. Despois de aprender as técnicas para narrar ben unha historia durante as Lecturas na Carballeira, os nenos e nenas maiores animáronse a vir a nosa clase a lernos uns contos super chulos. Como podedes ver, os peques estaban encantados!

Pero un dos días más divertidos sen dúbida, foi o día que pintamos con chocolate. Cun folio e un pouco de chocolate a taza, nos enchemos ata arriba deste delicioso postre para crear as nosas propias obras de arte. Aínda que algúns despistaronse un pouco, e en lugar de levar o chocolate as mans, o levaron a boca!

Entre tanta festa tampouco olvidamos as rutinas. Este mes terminamos de completar os nosos diccionarios, os nosos rexistros de experimento e contos... e ademais, como non todo vai a ser encher a tripa de chocolate, tamén fomos ao noso invernadoiro a recoller as leitugas que estivemos coidando estes últimos meses. Cada un dos nenos e nenas puideron levar unha a súa casa, para disfrutala coas suas familias.

Entre as nosas creacións deste trimestre, tamén recordaredes que fixemos o noso propio programa de radio contando o conto de "A mosca chosca". Pois ben, este conto foi o resultado da grabación que levamos a cabo na nosa aula da radio, onde organizamos turnos e repartimos dialogos para crear ese programa que agardamos que vos gustase tanto oilo como a nos facelo.

Se pensades que tiñamos suficiente coa radio, o video do experimento, as leitugas... Estades equivocados! Tamén fixemos bolsas como parte das actividades creativas organizadas pola nosa biblioteca escolar. Como pintar en tela e un pouco complicado, nos o fixemos usando plantillas, e con axuda de elas tivemos como resultado unhas bolsas de tela super orixinais e creadas polos propios nenos e nenas.

Tamén nos faltaba celebrar algúns cumples, bueno... algúns non... case a metade! Así que fixemos un super taller para pintar as camisetas de regalo e facer as coroas de Julia, Manuel, Dani e Matías; que como están de cumple en verán, teñen que celebralo por adiantado como os demais compañeiros e compañeiras!

Así chegamos ao último día de clase, no que xa sabedes que tivemos unha super merenda para celebrar os cumples do verán e tamén o fin das clases. Despois, celebramos o acto de graduación dos compañeiros e compañeiras de 6º de primaria e infantil, no que nos despedimos de Carlota, Dani, Nerea, Elsa, Claudia, Enzo e Brais;que o curso que ven xa están en primeiro de primaria.

E con isto, despedimonos ata o curso que ven. Agora toca recargar as pilas durante as vacacións de verán para en setembro volver con moita enerxía e gañas de seguir aprendendo e pasándoo ben! Grazas a todos e todas, e que teñades unhas felices vacacións de verán!

Como xa sabedes ben os pais e nais de EI1, o noso proxecto deste curso centrouse nas focas. Despois de propor temas tan variados como os patinetes, os tucáns e a lúa; a través dunha votación decidimos que o tema a investigar serían as focas. Así que antes de empezar, fixemos unha búsqueda de imaxes para escoller cal é o noso tipo de foca favorita.

Unha vez plantexadas as preguntas, o que xa sabíamos e as fontes de información que utilizar; foi momento de comezar coa investigación como tal. Coa colaboración de pais, a información atopada en libros e os datos que aprendemos a través de videos e fontes documentais online, completamos un gran mural onde resumimos todo o aprendido sobre o tema. As preguntas foron as seguintes:

1. Como durmen?
2. Como nadan?
3. Como comen?
4. Como crían?
5. As focas gruñen?
6. Como se moven en terra?
7. Que peixes lles gustan?
8. Teñen depredadores?
9. Onde levan os bebés?
10. Respiran baixo a auga?
11. De que cor son?
12. Onde viven?

Por outra banda, tamén estivemos rexistrando todo o aprendido nun dossier individual que cada un foi completando con toda a información recollida para responder cada pregunta.

Pero non todo foi traballar sentados. Tamén aprendimos como nadan e como se moven as focas usando o noso propio corpo, fixemos a lista da compra dunha foca recollendo as suas comidas favoritas, imprimimos as nosas fotos favoritas para incluilas no noso traballo...

E así, tras meses e meses de traballo, comezamos a elaborar unha maqueta que ía supoñer o fin da nosa investigación. O noso plan foi recrear o habitat das focas, para o cal utilizamos miniaturas de focas impresas en 3D (grazas unha vez máis a colaboración das familias), area, pedras, champú, bicarbonato e moita pintura!

E así, tras moitos meses de traballo e moitas máis actividades (das cales podedes ver máis fotos visitando a galería fotográfica do cole), rematamos a nosa investigación cos seguintes resultados:

Continuando coas novas que compartimos dende o colexio, nesta ocasión vamos a compartir unha pequena recopilación de algunhas das actividades que fixemos na aula de EI1. Ainda que xa sabedes que isto non é todo, xa que outras actividades como o noso proxecto e as actividades complementarias poden consultarse en outras entradas. Comezamos!

Continuamos coa nosa rutina de xogos de lóxica-matemática coa nosa especialista de PT, estrenando algúns como o xogo das formas para crear distintas figuras como o gusano tan chulo que vedes nas fotos; e repetindo outros que nos gustaron moito como o da serpe de cores. Non por nada aos nenos e nenas se lle pon un sorriso na cara cando ven chegar a profe Zaira!

E como non, tamén houbo algúns días nos que chegamos a casa cheos de pintura ata o pescozo. Entra algunhas das actividades de expresión artística que fixemos, pintamos con figuras xeométricas e tamén usando os dedos, cada un dunha cor, para traballar a motricidade fina.

Aproveitando o bo tempo que fixo, tamén fixemos algunha que outra actividade fora da aula. Unha de elas foi o deseño do cartel de "Lecturas na Carballeira", no que todos e todas participamos facendo un pequeño debuxo. Unha vez tivemos todos, os xuntamos para facer un gran cartel colectivo sobre o que pegamos as letras co nome do evento.

Por suposto, tamén estivemos traballando o noso proxecto sobre as focas. Pronto teremos unha entrada explicando o proceso, pero mentres tanto aquí deixamos algunhas fotos de actividades que levamos a cabo para aprender cousas como se podemos facer ruido debaixo da auga ao chocar as mans, videos de como se comportan as focas, onde viven...

Deseñamos tamén unha árbore moi chula, con material reciclado, para conmemorar o Día das Letras Galegas, adicado este ano a Florencio Delgado. No seu interior, escribimos un dos seus poemas que logo recitamos para todas as familias e o colexio.

Moito tempo tamén o ocupamos coas distintas rutinas de aula que xa coñecemos ben, dende o diccionario xigante ao rexistro de experimentos, traballamos con constancia ata completalos, de xeito que tivesemos xuño libre para todas as actividades que planeamos. Queredes saber máis? Pois atentos e atentas a seguinte publicación!

Hola a todos e todas! Como máis vale tarde que nunca, aquí estamos co noso habitual repaso a todo o que pasou en Infantil 1 no último mes. Xa estamos en abril, e aínda que tivemos un descanso pola Semana Santa no medio, o mes rendiu moito no que se refire as actividades que fixemos no cole!

Como xa vichedes, participamos nun roteiro pola natureza para celebrar o día da actividade física. Pero non foi tan doado como salir do colexio sen saber que atoparíamos polo camiño. Antes de comezar o roteiro, elaboramos o noso propio mapa do traxecto que pensamos seguir, marcando as paradas que queríamos facer e consultando cal era a distancia a recorrer. Non so o pasamos xenial, senón que aprendimos cousas novas acerca da contorna que nos rodea, ademais de rexistrar as distintas árbores que fomos atopando polo camiño.

Tamén elaboramos os boletíns de autoavaliación, onde recordamos todo o que fixemos no segundo trimestre. Un por un, e coa axuda do profe, escribimos e valoramos se nos gustaron ou non as actividades que levamos a cabo ao longo dos últimos meses.

Como xa comentamos cando falamos do roteiro pola natureza; durante o camiño observamos e sacamos fotos das distintas árbores que atopamos. Isto o fixemos porque, preto desa data, celebrouse o día da árbore. Como parte deste día tan importante, aprendimos a identificar as distintas árbores da nosa contorna, reflexionando sobre as súas distintas características.

Outro aspecto no que seguimos avanzando, é no lóxico-matemático. Como cada semana, a profe Zaira trouxonos a clase uns xogos super divertidos para traballar distintos aspectos como a orientación, o espazo, o conteo, a clasificación...

Outra actividade que xa manexamos perfectamente, e podese ver no ben que nos está quedando, é o diccionario. Como xa é habitual, primeiro traballamos no diccionario xigante cos compañeiros de Infantil 2, e logo o facemos pola nosa conta nos pequenos. Estamos a piques de acabar todas as letras, e tamén de levalo a casa para ensinar a de palabras novas que aprendimos este curso.

Unha nova tradición que inauguramos este mes, tamén é a dos xogos de conciencia fonolóxica, silábica e léxica. Deste xeito además de aprender as letras, tamén nos achegamos ao concepto de sílaba e palabra. Aprendendo a contalas, dividilas e por suposto, construir palabras.

En abril tamén tivemos festa, xa que a nosa compañeira Noa cumpliu 5 anos. E como non, para recordar esta data tan importante, fixemos unha camiseta e duas coroas (unha para Noa, e outra para o profe Pablo), coa axuda do profe Karl) para entregarlle como agasallo. Podedes ver máis fotos e videos da celebración aquí.

Pero non todas as actividades son as que traemos planeadas, algunhas delas van surxindo. Aquí temos un exemplo dun xogo que empezou cunha lupa que decidimos ter na aula, e que derivou en sair ao patio a buscar mostrar de herba, terra, follas... e demais elementos da natureza que hai no noso patio. Non so observamos con ela, senón que ademáis compartimos o que vimos, e reflexionamos sobre a importancia de coidar o espazo natural.

Outro tema que nos tivo ocupados, foi elaborar o agasallo do día da nai. Por sorte, este nenos e nenas están feitos uns artistas, e con un pouco de purpurina, auga, un bote, cartulinas e moitas cores; son capaces de facer cousas tan bonitas como o que vedes nas fotos.

E falando de pintura, tamén hai días que decidimos mancharnos de pintura ata as orellas, como foi o caso deste día no que o profe Karl ensinounos a pintar flores cos dedos. Non so tivemos como resultado unhas flores preciosas, que aproveitamos para decorar a aula, senón que ademais traballamos a movilidade das mans e a motricidade durante o proceso.

E por último, pero non menos importantes, continuamos coidando das nosas leitugas. Pero... non todo son alegrías. Tras unha derrota xogando a pedra, papel, tixeira cos compañeiros e compañeiras de Infantil 2; decidimos que a nosa primeira tanda de leitugas fose para as súas casas. Pero non pasa nada, porque xa temos máis leitugas plantadas, e esta vez si que si, tocanos levalas a nós! Xa só nos queda seguir regando e esperar a que estén tan grandes como a próxima vez.

Hola a todos e todas! Como ben sabedes, cada mes en Educación Infantil, gústanos levar a cabo algún que outro experimento que sempre deixanos bastantes sorprendidos e sorprendidas. Este último mes de abril, o plan foi crear unha especie de ioio con lá e xeo... Queredes saber como o fixemos?

Primeiro, fixemos a recopilación do material necesario para levar a cabo o experimento. Os nenos e nenas encargadas de facelo, foron os responsables de grabar despois o experimento: Carlota, Dani e Manu. Nunha cartulina, pegamos as fotos e escribimos tanto do material necesario como o nome do experimento.

A continuación, tivemos que ir a buscar pintura para o experimento. Cada un de nós escolleu a súa cor favorita, aínda que despois, na clase, tamén mezclamos algunhas para dar como resultado novas cores. O seguinte paso, foi encher os nosos recipientes hasta a metade con auga fría.

A continuación, mezclamos as témperas coa agua para quedase unha mestura uniforme. O seguinte paso foi cortar un anaco de lá para cada un, e metelo na auga para humedecelo, que é un paso importante antes de xuntalo co xeo.

Como xa é habitual, Karl axudounos a facer o experimento, que tiña a súa complicación. Como podemos ver nas fotos, vaciamos o xeo nunha bandexa e logo o puxemos na auga. E así chegamos ao último paso de mesturar o xeo coa sal, e no medio a lá. E o resultado foi...

Que a lá quedaba pegada!

Para máis información sobre o proceso, e como levar a cabo este experimento, podedes consultar tamén o video que grabamos coa explicación:

Menudo mes de marzo! Dende o Entroido levamos traballando sen parar, e entre unhas cousas e outras está a punto de terminar o mes... Queredes saber que é o que fixemos?

Despois dunha reñida votación no que baraxamos toda clase de temas: coches, patinetes, vacas, cans, búfalos... Ao final temos tema para o proxecto que vamos a levar a cabo na aula. E as gañadoras son... as focas! Nos próximos meses convertiremonos nuns expertos sobre esta temática, resolvendo semana a semana cada unha das preguntas sobre o que queremos aprender sobre estes animais que, como podedes ver nas fotos, encántannos!

Como xa e costume todos os meses, tamén fixemos un experimento que os nosos compañeiros e compañeiras de EI2 grabaron en video (que xa tedes dispoñible no seu apartado correspondente). A protagonista do experimento foi a vitamina C, que non so descubrimos que limpa a auga, senón que ademais falamos do importante que é para a nosa saúde.

Como ben saberedes os pais que esteades a ler isto, tamén fixemos os regalos do día do pai. Totalmente feito polos nenos e nenas: escolleron as palabras, as cores, a posición na que pegar todo... e o máis importantes, o fixeron con todo o agarimo do mundo! Divertímonos moito facéndoo, e tamén envolvéndoo, xa que ata o papel de regalo foi decorado polos propios alumnos e alumnas.

Tamén seguimos traballando diferentes conmemoracións diarias. Neste caso, celebramos o "Día da auga", experimentando con aspectos como a flotabilidade, o manexo de magnitudes de medida, os seus efectos sobre distintos materiais... Deste xeito vamos completando os nosos calendarios de celebracións mentres aprendemos unha cousa nova cada día.

E por último, pero non menos importante, estamos cultivando unhas leitugas que da gusto velas. Todos os luns e venres imos por parellas a regalas, e a verdade é que estamos moi impresionados co ben que está indo. Sen duda é un dos nosos momentos favoritos da semana!

Novo mes, novo experimento. Esta vez traballamos a capilaridade a través dun experimento que non só é divertido, senón que ademais implica facer o que máis nos gusta... Mancharnos! Para facelo, como ben podedes ler na cartulina que prepararon Julia, Xose e Mario (responsables de grabar este experimento), necesitamos: papel, témperas, vasos e auga.

Preaparados e preparadas? Comezamos!

Despois de repasar o material que necesitamos para levar a cabo o experimento, fixemos unha visita ao noso almacén para ver que cores tiñamos, e cales queríamos utilizar para o experimento. Isto implicou poñernos de acordo entre os equipos, xa que a elección de cores é moi importante para o resultado.

A continuación, cheamos os nosos vasos de auga máis ou menos pola metade, xa que necesitabamos que o papel non estivera totalmente empapado para que o experimento funcionase.

O seguinte paso, foi mezclar a témpera coa auga. Utilizamos os pinceis a modo de culler, xa que tamén descubrimos que cando mezclamos témpera con auga as texturas tardan moito en mezclarse sen a nosa axuda.

Cando a mestura de pintura e auga estivo lista, o seguinte paso foi preparar as "pontes" entre os vasos, que fixemos con papel e amasando coas mans coma se fosen churros.

E xa para terminar, toca meter os churros de papel na auga! Cada neno e nena elixiu que dúas cores quería unir, o que implicou unha nova toma de decisións por parte de cada grupo. Unha vez feito isto, o que resta do experimento consistiu en observar como as cores "trepaban" polo papel.

E con isto, terminamos de presentar o experimento do mes. Dentro de moi pouco volveremos con máis experimentos, xa que estes científicos quedaron con ganas de máis! E recordade que se queredes ver o video do experimento, podedes facelo aquí.

Menudo mes! En novembro fixemos tantas cousas que nin o profe acórdase ou sacou fotos de todas. Por sorte, entre ás veces que os nenos e nenas de EI1 recórdanllo, e os momentos no que a neurona funciona, puidemos facer unha recopilación dalgunhas das actividades que fixemos ao longo deste mes... Listos? Empezamos!

Sesión de pintura estampando

Para esta actividade, comezamos explicando en que consiste a técnica do estampado. A continuación, buscamos na nosa aula xoguetes, obxectos e material de aula que servise para estampar. Tractores, platos, rexas, bloques... Deixamos todo perdido de pintura, pero os resultados foron dignos dunha galería de arte.

Fixemos as cestas para o Magosto

Aproveitando todos os tubos que trouxemos da casa (grazas de novo ás familias!), fixemos as cestas para as castañas. E para completar a decoración, utilizamos pegatinas de distintas cores para personalizalas e facelas nosas. Foi tan divertido facelas como chealas de castañas.

Ilusionismo na aula

Este mes tamén falamos de ilusionismo, un estilo artístico que busca representar realidades inexistentes e incoherentes co espazo no que representanse. Por iso, a través do collage, fixemos as nosas propias obras ilusionistas, pegando sobre a paisaxe de marte elementos da nosa vida diaria, dende fotos de comida a modelos desfilando sobre cráteres.

Seguimos a completar os nosos diccionarios

Aínda non o dixemos nas entradas anteriores, pero tanto en EI2 como en EI1 retomamos a rutina do diccionario. Todas as semanas, completamos o noso diccionario xigante con toda clase de palabras que comezan pola letra da semana. E, na seguinte sesión, completamos o noso diccionario individual coas nosas palabras favoritas das que vemos o día anterior. A nós encántanos facelo, e sobra dicir que está a quedar xenial!

Debuxamos propostas para o logo da radio da escola

Pero non só fixemos cousas para nós. No cole celebramos un concurso para elexir o logo e nome da radio da escola. E por supuesto, en EI1 quixemos participar tan pronto chegounos a noticia. Foi coa profe Zaira quen deunos ideas, nos axudou a facelos e tamén a escribir un nome. Normal que nos guste tanto cando visita a nosa aula!

As tarxetas das emocións

Como amosamos en anteriores entradas, na clase elaboramos un mural das emocións para identificar as cores e as caras que representan cada emocións. Pois agora que xa o completamos, elaboramos unhas tarxetas personalizadas coas fotos de cada neno e nena, onde poden ver a sua propia cara expresando cada emoción para ter na súa casa. Agora a pregunta é... En que traballaremos agora? Estade atentos a próximas entradas para descubrilo!

Xa estamos de volta coas entradas do blog! Nesta ocasión, falaremos dunha das actividades máis chulas que fixemos este mes: o experimento do "ovo saltarín". Para fácelo, primeiro tivemos que facer un reconto do material que necesitaríamos.

Tan pronto recopilamos os materiais básicos (vinagre, ovos e vasos), pero entón ocurriusenos unha idea... Que pasará se metemos o ovo en outros líquidos? Pois como bos científicos que somos, decidimos engadir un ovo en auga, outro en xabón e outro en Coca Cola?

Deste modo, metimos os ovos dentro dos recipientes e, de seguido, engadimos o líquido para cubrir o ovo enteiro. As texturas e as cores eran distintas, polo que a nosa primeira idea foi que o ovo cambiaría de cor según o vaso... e vós? que credes que pasou?

Despois de verter o líquido toca esperar, xa que como puidemos ver no video no que outros compañeiros e compañeiras fixeron o experimento, se non deixamos reposar os ovos o tempo suficiente, non pasan a ser "saltaríns". Nese tempo de espera, cubrimos o noso rexistro de experimentos, para levar a conta de todos os que levamos feitos.

Con todo feito, chegou o momento de poñer en práctica unha das habilidades máis importantes no momento de experimentar: a paciencia. Tivemos que esperar catro días, onde día a día observamos os cambios que se producían nos ovos, tanto a simple vista como no tacto e no olor.

E así chegamos ao cuarto día, onse sacamos os ovos dos vasos, os observamos e analizamos os cambios que se produciron neles:

- O ovo metido en Coca Cola tiña a superficie máis sucia e escura, tendo incluso algunhas manchas de tamaño considerable.

- O ovo metido en xabón foi o máis difícil de romper de todos.

- O ovo metido en auga apenas experimentou cambios.

- O ovo en vinagre xa non tiña cáscara, so unha capa moi finiña que facía a súa función. Pero ademais cumpliu a premisa do experimento, converteuse en saltarín.

Con isto chegamos ao final do experimento! Sobra dicir que estamos desexando comezar xa co seguinte, ata entón, podedes ver máis detalles deste experimento na entrada do blog dos nosos compañeiros e compañeiras de EI2. Tamén podedes ver como se levou a cabo este experimento en Cervo TV, onde Noa, Ana e Matías explícannos paso a paso como facelo.