Esta semana por fin nos dispuxemos a facer as nosas bandexas para as merendas. A profe propúxonos decoralas con follas caídas das árbores no patio, pois o outono está a chegar e a herba empeza a estar chea delas.

Así que unha mañá saímos na procura delas, poñendo moita atención para non coller as que estivesen moi arrugadas xa que era difícil pegalas na cartulina.

Aproveitamos tamén para facer algún xogo na herba e facernos unha foto debaixo dunha das árbores.

Xa na clase, noutro momento, nos organizamos por parellas para comezar a actividade, tentando axudar os máis grandes aos máis pequenos,

              

                           

Pegamos as follas que nos gustaban máis e algúns ata lle pegaron herba; tamén pintamos con témperas de cores algunhas e deixamos a pegada e ademáis acabamos rematando a decoración con gomets.

Só faltaba escribirlle o nome cada un á súa e endurecelas con plástico nunha máquina. A profe nos contou que se chama plastificadora e nos fixo moita gracia este nome.

E así é como quedaron:

Agora xa temos ónde colocar a merenda e ademáis aproveitamos o que nos brinda a natureza!

Este curso temos compañeiros novos, RUBÉN, NICOLÁS, TAIDA e AITANA, de 3 anos.

Esta é a nosa foto de grupo e somos, de esquerda a dereita e de arriba abaixo:

RAÚL - AROA - ÁNGELA- ANXO- PABLO V.- DAVID

 PABLO P.- NICOLÁS- CRISTINA- ANDREA- AITANA- RUBÉN- TAIDA

Transcurridos uns días de coñecernos, de xogar e estar xuntos durante toda a mañá, podemos dicir que nos vamos adaptando e integrando uns cos outros, aínda que a marcha dos nenos que pasaron para 1º nótase e nos acordamos moito deles.

Aquí vos amosamos algunhas fotos destes primeiros días, para que vexades qué ben o pasamos.

 Tamén aproveitamos para ir elaborando algún mural dos recantos ou facerlle un arregliño aos que tiñamos

e ata nos regalaron unha alfombra nova para xogar cos coches.

Seguimos a facer moitas cousas, noutra páxina volo contamos.

O último día de clases en Educacion Infantil os mestres prepararon un xogo: "a busca do tesouro", con distintas probas e pistas.

Como tiñamos moi recente o traballado cos comics, especialmente os super heroes e heroínas, os tres equipos que se fixeron con todos os nenos e os profes (Óscar, Mercedes e Ángela), correspondían a algúns moi coñecidos como.

spiderman                                        superman

 

                          batman

               

 

Xa organizados por equipos, o xogo comezou nas aulas de infantil onde se repartiu un sobre a cada equipo coa primeira pista, que entre todos tentamos ler e descifrar.

 

           

Buscamos e atopamos as seguintes pistas, debaixo das escaleiras polas que se sube á biblioteca, 

tamén houbo que subir á clase de primeiro, despois de comprender que varios nenos/as desa clase tiñan outra pista,

tamén debaixo da mesa do secretario do colexio atopábase outra pista,

e ata nunha caixa de reciclar papel, onde había moitísimo papel; ista sí que foi difícil de atopar pois a pista estaba escrita tamén en papel......

Cada vez que superábamos unha proba, facíamos unha festa da alegría de pasar á seguinte,

 

                  

 

Outras atopábanse fora, na pista de futbol, e incluso no patio onde fixemos este ano o recreo,  enterrada entre a area, alí enterrado había un mapa,

                                      

que nos indicaba un recorrido que había que facer ata chegar por fin ao tesouro!!!

Aquí estamos co noso mapa.

c 

Por fin, despois de moito buscar e descifrar mensaxes, chegamos ao desexado tesouro.

que se atopaba nunha caixa na entrada e resultou ser, unha caixa chea de coches

que se foron repartindo. Como Andrea atopou a caixa primeiro, lle tocou a ela repartilos,

Xa no tempo do recreo, algúns que aínda quedaran con fame da merenda, nos unimos a unha festa dos alumnos de 3º fora no patio, que tiñan moitísimas cousas ricas.

cómo nos poñemos!!!

Ese día, tamén asistimos a un contacontos organizado pola biblioteca municipal, para dar por rematado o curso escolar.

E agora a disfrutar do verán!!

Na semana das letras galegas descubrimos un debuxo dun cuco que dicía algo sobre Uxío Novoneyra e o que dicía estaba metido dentro dunha especie de globo.

Un neno da clase que é moi entendido en comics, especialmente de Asterix e Obelix, díxonos que estaba dicindo algo nun "bocadillo".

A profe explicounos que os bocadillos aparecen moito nos comics e que serven para escribir neles o que as persoaxes din.

Na escola xuntamos algúns que atopamos de Asterix

de Ben 10, Código Lioko e ata dos Bolechas.

E así fomos descubrindo as características do comic: que cada escea sucede nunha viñeta, que existen bocadillos de dicir e de pensar,.... 

O comic dos Bolechas era tan divertido que todos os días un ratiño o adicábamos a a contalo e nos gustaba dramatizalo por parellas.

A partir de aquí xurdiu crear diálogos entre 2 compañeiros da clase que quixéramos e escribir nos bocadillos o que se dicían.

Tamén fixemos a mesma actividade por parellas e decidimos que sairía na revista do colexio.

--¿bañámonos?

-eu quero facer un castelo

-sí, imos á auga

 

-hola ¿qué tal? estás moi guapa

-quero ir a pasear, a xogar ao escondite inglés e aso columpios.

 

-Iago, ¿qué che gusta facer?

-gústame facer músculos

-a min gústame tocar o tambor

 

 

-¿imos a xogar un pouco ao parque?

-despois de merendar. Déixame miña nai.

-sí, a saltar.

-¿jugamos a los columpios?

-vale, vamos a correr al parque

 

Pero ademais dos comics que tiñamos na clase, tiña que

 haber máis. Así que adicamos unha xornada a buscar en internet portadas de comics e persoaxes coñecidos e pouco a pouco fomos descubrindo outros como Zipi Zape, Mortadelo e Filemón, e os superheroes: spiderman, superman, batman, ironman, os 4 fantásticos.

Estos os coñecíamos todos e contamos o que sabíamos deles. Nos vestimos na clase con teas que facían de capas e facíamos de superheroes. Coloreamos moitos e inventamos diálogos para poñer no bocadillo o que estaban a dicir.

Escribimos moito, xogamos coas letras dos seus nomes e tamén descubrimos outro día que nos comics aparecía outra cousa que chamaba atención por cómo eran as letras, as ONOMATOPEIAS e os signos de EXCLAMACIÓN,

Nos creamos algunhas onomatopeias na clase, e nos fixemos fotos cun bocadillo enorme, no encerado, para escribir dentro del.

Primeiro tiñamos que decidir si queríamos un bocadillo de pensar ou de dicir.

Despois pensar no que íamos a dicir e escribir no noso bocadillo e se necesitábamos algún obxecto para acompañar na foto, para facer algunha onomatopeia.

 

"Yo tengo un libro de los Bolechas"

Con todas as persoaxes recopiladas decidimos facer un mural onde colocalas.

O fondo do mural o fixemos de témpera de moitas cores, e traballando todos xuntos, pois era un espazo moi amplo de papel.

O único obxectivo que había que cumplir nesta obra plástica era ser quen de pintar respetando o pintando polos compañeiros, pintando ó lado e non por riba do xa feito, e o fixemos bastante ben.

Este foi o resultado final

E a continuación, pegamos o título "Persoaxes de comic" e os protagonistas,

O temos colocado no corredoiro para lembrarnos e poder miralo cando queriamos, e para engadir máis persoaxes que descubramos, pero iso xa será o cuso que ven!

O pasado 20 de maio visitamos o museo de Pontevedra. Algúns recordábamos cómo era porque inventamos un conto coas fotos de lugares e edificios de Pontevedra, e unha delas era do museo.

       

 

Xa na escola en seguintes días, recordando o que víramos alí, o que máis nos chamou a atención e gustou, foi:

- UNHA COCIÑA ANTIGA DE PEDRA.

- BARCOS.

- ESPADAS, CAÑÓNS.

- UN SOFÁ CON VENTANAS E DEBUXOS.

- ZAPATOS.

- PEDRAS.

- SOLDADIÑOS PEQUENOS.

- UN RETRATO DUN CABALEIRO.

- PEZAS DE CRISTAL, PRATOS.

- UN CADRO DUNHA RAÍÑA.

- A PARTE DUN BARCO. SE NOS MOVÍAMOS MOVÍASE O BARCO. TIÑA UNHA PORTA SECRETA.

- UN TESOURO. PENDIENTES, PULSEIRAS, COLARES.

 

Decidimos reflexalo nun papel en debuxo e escrita,

3 ANOS

 BARCOS

 

BARCOS                                   CUADRO DO REI

 

 

COCIÑA                                     CUADRO  DO REI

BARCO                                       PUERTA

 

SOLDADOS                                              CHICAS

 

 

4 ANOS

A PORTA     O REI       BARCO           EL TESORO

 

SOLDADITO     BARCO         CUADRO        SOMBRERO

 

MUÑEQUITOS    CUADRO        ESCALERAS    LA COCINA

PENDIENTES    BARCO             CAÑÓNS      COCIÑA

 

 

5 ANOS

 

 

 

 

 

CADRO  DA  RAÍÑA   SOFÁ         BARCO      COCIÑA

 

Sen dúbida o que máis gustou a case todos foi a porta secreta do barco e os "tesouros".

O día da visita ao museo aproveitamos que estabamos pretiño dos nenos/as colexio cos que fixemos a experiencia de escribirnos e intercambiar información sobre a cidade, así que fumos a visitalos.

Días antes estivemos lendo o listado cos nomes dos nenos e nenas e despois cada un eliximos a un deles para escribirlle unha carta, facerlle un debuxo,....

Unha vez elixido mirabamos de novo a foto do grupo

para ver cómo era o noso "destinatario".

e mans á obra, a contarlles moitas cousas nas nosas cartas, que despois metíamos nun sobre, escribindo o remitente e o destinatario.

Xa no colexio Manuel Vidal Portela, nos xuntamos todos

entregamos cada un a súa carta e as profes do colexio, nos regalaron a todos caramelos.

Os nenos nos tiñan preparada unha sorpresa tamén,

fixeran un traballo precioso, con debuxos e coas fotos das súas caras para que non os olvidemos.

e así é, non os olvidaresmo.

Esperamos poder continuar o curso próximo a facer máis cousiñas con estes novos compañeiros, e agora lles toca a eles visitarnos.

Esta semana foi bastante movidiña con tanta cousa que facer; como vos contamos comezamos a falar da celebración das Letras Galegas, e de Uxío Novoneyra.

De xeito paralelo tamén fumos traendo da casa moitísimas flores para facer os maios, os pampullos, e adicamos parte dunha xornada a organizarnos cos nenos da clase do lado, para facer longos colares de pampullos e decorar así a coroa do maio.

Primeiro entre todos pensamos e indagamos sobre cómo poderíamos facer para colocar os pampullos todos xuntiños sen que caesen

E cando por fin demos coa solución, nos puxemos mans á obra.

Nos organizamos por equipos, de xeito que uns separaban os pampullos dos tallos e outros dous equipos, coa axuda dos profes facían dous colares moi longos

Tivemos que ter bastante paciencia e traballar moito en equipo para conseguir facer chegar as flores ó final do colar e tentar que non rompesen.

Xa rematados había que colocalos na coroa,

                         E así é como quedou

                          

Coas flores que sobraron, o día do festival algúns e algunhas aproveitamos para facernos coroas e colares, e levalos postos na nosa actuación.

 

Cantamos a poesía que Uxío Novoneyra escribiu, que fala dun cuco.

No festival tamén participaron 3 nenos da nosa clase, Raúl Silva, Ana e Cristina, co seu grupo de pandeireta e baile. As nenas acompañaron facendo percusións co seu corpo e Raúl participou co seu tambor.

                                                                     

Ese día tamén aproveitamos para facer un pequeno mural xuntándonos os nenos e nenas das dúas clases de infantil e consitiu en ilustrar con debuxos e fotografías a letra do poema.

Por parellas de 2 e 3 facíamos os debuxos (CUCO- CANTA- VAL- CASTIÑEIROS- TEMPO), outro equipo ía escribindo a letra do poema e outro equipo encargouse de decoralo facéndolle un marquiño con gomets

Xa rematado só faltaba colocalo para que todos puideran ler a poesía e apreciar o noso traballo.

Tamén aproveitamos para facer retratos de Uxío Novoneyra e así decorar o corredoiro,

e por fín o festival!

Pero entre medias esta semana, tamén tivemos tempo para o teatro. O xoves asistimos a ver unha obra de teatro, que a todos nos gustou moito

o que máis, a bolboreta, que aparecía de cando en vez e daba alentos á eiruga de seda no seu soño de ter ás.

Aquí estamos preparándonos para o comezo da obra.

Logo, ó remate e despois de pasar case todos polo baño, fixemos un recorrido a pe pola zona pedonil de Pontevedra, ata chegar a un gran parque onde merendamos e ó rematar xogamos un ratiño nel.

Rematada a xornada nos diriximos á ponte dos tirantes, que tivemos que atravesar, e onde nos esperaba o autobús.

E esta foi a nosa semana, entre outras moitas cousas. A ver qué nos espera a próxima. Polo de pronto un día de festa e calor!

A semana pasada tivemos unha sorpresa, a profe Ángela trouxo uns sobres que dentro contiñan algo escrito: eran pistas sobre algo que había que atopar dentro da clase.

Nos agrupamos por parellas e cada parella era a encargada de descifrar unha pista e atopar o misterioso "obxecto".

Algunhas pistas as lían nenos ou nenas que saben ler eles sos, outras entre todos e outras a profe,

Aquí está Raúl lendo a do seu equipo, e o lugar misteriosos resultou ser

debaixo do proxector de luz; ´

outros buscaron debaixo das sillas,

                   

Outros detrás do calendario,

                      detrás do reloxio

                    

outros...

                   

atoparon a súa pista metida dentro dun conto.

O que estaba escondido en cada lugar eran tarxetas con palabras e cada tarxeta tiña ademáis un número.

O seguinte paso era ordealas para ver o resultado final

E así foi quedando,

 

                                                 

 Era unha poesía, que estamos aprendendo e tamén interpretaremos con melodía o día das letras galegas.

E a escribiu Uxío Novoneyra, o homenaxeado este ano polas letras galegas.

 

Uns días antes, a profe amosounos unha foto de Uxío Novoneyra pero sen dicirnos quen era e preguntounos quén podía ser, a qué se podía adicar e por qué.

Estas foron as respostas:

-UN REY PORQUE TIENE UNAS BARBAS COMO UN REY. SE LLAMA MAURICIO.

-CUIDA ANIMALES. UN GRANJERO.

-UN PINTOR.

-É UN MÚSICO. TOCA A GUITARRA. PORQUE ME PARECE A CARA DE MÚSICO.

-É O PAI DUNHA NENA QUE SE CHAMA MARICHUS E QUE SALE NAS TELENOVELAS.

-O PAI DUNHA CHICA.

-TEN CARA DE ALCALDE. POLA BARBA. E TOCA INSTRUMENTOS.

-UN JEFE. LOS JEFES TIENEN BARBA.

-É UN MÚSICO E TOCA A GUITARRA ELÉCTRICA.

-ES UN ACTOR.

Finalmente resolvimos a dúbida descubrindo quen era en verdade. Agora estamos facendo retratos del, e algúns traballiños relacionados coa súa biografía.

Tamén empezamos a facer un proxecto sobre "o comic".  Todo xurdiu a partir dun debuxo dun cuco (o cuco do que fala a poesía), do que saía unha especie de globo onde había letras (aparece nunha foto máis arriba) e a profe explicounos que iso era un "bocadillo" como os dos comics.

Como nos fixo moita gracia nos tamén probamos a facer bocadillos con textos, elixindo a 2 compañeiros e creando un diálogo entre eles, e como a todos nos gustou moito a actividade e o tema dos comics suscitou moito interese estamos continuando a traballar nelo.

Dentro de pouco vos contaremos o que fixemos!

 

 

 

 

Hai un par de semanas a profe trouxo a clase algo que viña envolto en paquetes, de cor marrón oscuro e que despois de imaxinar un rato, resultou ser "arcilla".

Propúxonos xogar con él, tocalo, facer boliñas, culebriñas, para finalmente facer un traballo que podería ser o noso regalo para as mamás.

Coa mesa lista para amasar, estirar e embadurnarnos co barro, comezamos

A idea consitía en facer un recipiente (que inicialmente ía ser un lapiceiro pero acabou convertíndose en maceta) e para facer o cu tomamos como modelo un vaso de plástico.

Despois había que facer churros ou culebriñas e ir pegándoas unhas enriba doutras

Para pegar unhas con outras tiñamos que usar moita auga. A arcilla moi moi mollada era unha masilla que funcionaba como pegamento.

A medida que iamos acabando as nosas macetas, as iamos deixando a secar nun papel co noso nome para non confundilas

                             

Cando rematamos a primeira vez, nos dimos conta de que tiñamos que seguir colocando máis churros porque senón as nosas macetas maís ben parecerían ceniceiros.

Unha vez rematadas de todo, tocaba pintalas con témpera e cola para endurecelas maís. Cada un elixiu a súa cor e mans á obra,

Bueno, houbo quen as pintou dúas veces pois decidiu que prefería outra cor distinta.

Nos gustou moito pintalas e algúns incluso con varias cores á vez,

A profe propuxo que fixéramos flores con plastilina para decorar as macetas máis todavía,

Por fin tiñamos o noso regalo rematado, só faltaba unha tarxeta de felicitación para as nosas nais. Entre todos decidimos o que lle podíamos escribir, o escribimos todos xuntos para logo xa pasalo á nosa tarxeta.

Tamén decoramos as tarxetas debuxando flores, un neno trouxo un ramo moi chulo e o tiñamos de modelo, como os pintores de verdade!

Gustounos moito o barro ou arcilla así que xa estamos pensando no que podemos facer dentro de pouco con él, xa vos contaremos.

Hai unhas semanas, ó chegar das vacacións de Semana Santa, a profe trouxo a clase un aparello un pouco raro, que si lle dabas a un botón saía luz e colocándoo contra unha parede branca reflexaba a sombra das cousas e tamén ás veces as cores.

Resultou ser un proxector de luz

   

Nel podemos proxectar cousas con distintas formas (temos tapóns das botellas de leite, redes das bolsas de froita, papel celofán de cores que permite que se vexan reflexadas as cores na parede e moitos maís materiais que estamos xuntando).

con él xogamos a facer sombras coas mans, a facer diferentes tipos de caras e despois as representamos na pizarra pois a temos xusto ó ladiño.

e ata xogamos cos animais, a ver as súas sombras en función de cómo os coloquemos.

 

 

Un día pintamos nuns folios de plástico, que se chaman acetatos e pintamos cuns rotuladores especiais, e despois puidemos ver os nosos debuxos reflexados na parede. Toda unha sorpresa!

Como nos gustou tanto pintar no plástico, a profe comprou un plástico enorme para facer unha parede invisible no recanto da casiña e entre todos a decoramos.

Agora non temos fotos dela pero nuns días vola ensinaremos, xa veredes qué chula quedou.

 

Outro día, como algúns nenos trouxeron flores do seu xardín, Ángela propúxonos debuxalas noutro plástico grande, cos rotuladores permanentes para decorar a clase pola chegada da primavera,

    

a idea era representar as que tiñamos na clase, aínda que finalmente fixemos moitas máis e o noso mural quedou moi colorido.

 

Tamén estivemos completando o noso panel dos números (nel tiñamos ata o 31- os días dos meses), os nenos e nenas de 5 esta semana cada día nos puñamos un ratiño a repartirnos números, escribilos, e co velcro e o celo, pegalos no panel,

                     

E continuaremos a facer máis, polo menos ata o 100!

Contarvos tamén que esta semana fixemos intercambio de libros coa clase do lado para o que queda de curso: nós lles deixamos case todos os nosos e eles todos os seus, para así poder desfrutar de novas lecturas, sen  ter que mercar novos libros, compartíndoos.

Así que esta semana non subimos á bibliteca do cole, pois con tantos contos novos na clase todos tiñamos xa claro cal queríamos levar para casa!

Un par de semanas antes da celebración do libro, os nenos e nenas de todo o colexio fumos invitados por parte de Dora Lectora, da Biblioteca do colexio, a traer o noso "libro favorito" da casa, para unha exposición e para que os demais nenos os puideran ver e ler.

 Na clase, a maioria trouxemos o noso, e ata nos fixemos fotos con eles para logo pegar no nos "xornal", xa que era unha noticia bastante interesante.

 Estas son as opinións de todos, sobre os nosos libros e por qué eran os que máis nos gustaban:

SARA- "Os bolechas": porque podo aprender a reciclar.

PABLO P.- "Ratón de campo y ratón de ciudad": porque encántame a tortuga.

DAVID- "El potrillo": porque hay caballos y me gustan los caballos.

ANDREA- "Cuentos para niños de 5 años": porque mi mamá me lo cuenta. El de Hansel y Gretel.

IAGO- "Busca los animales de la granja": porque ten moitos animales e así aprendo cómo se coidan os animales.

RAÚL S.- "Balú": porque me gustan os cans que se chaman balús.

AROA- "Valeria Varita": por la varita mágica, me gusta.

CRISTINA- "Blancanieves": porque me gusta.

PABLO V.- "Coco aprende a leer": porque así sei ler e sei facer letras.

ANA- "Bambi": porque sempre mo conta miña nai".

ANXO- "Aventuras de fábula"- porque hai un león.

ANTONIO- "Cuentos de animales": porque ten moitos animales.

VICTOR- "1001 cosas de piratas"-  porque hay que encontrar cosas y eso me gusta. porque es difícil.

 

Outros días estivemos a falar de por qué se celebra o día do libro, falamos de Cervantes e Don Quijote de la Mancha e vimos no ordenador, buscando en internet fotografías.

Como hai unha poesía que aprendimos e nos gusta moito, a profe propúxonos facer un libriño ilustrándoa e escribindo algunha parte, para celebrar nós tamén O día do libro, que foi o venres 23 e facelo chegar ás familias.

Esta é a poesía:

LA PLAZA TIENE UNA TORRE

LA TORRE TIENE UN BALCÓN

EL BALCÓN TIENE UNA DAMA

LA DAMA UNA BLANCA FLOR.

 

HA PASADO UN CABALLERO

¿QUIÉN SABE POR QUÉ PASÓ?

Y SE HA LLEVADO LA PLAZA

CON SU TORRE

SU TORRE Y SU BALCÓN

SU BALCÓN Y SU DAMA

SU DAMA Y SU BLANCA FLOR.

 

Pegamos no encerado as fotos das cousas que aparecen na poesía, escribindo entre todos os seus nomes,

e logo xa nos puxemos mans a obra, para debuxar, pegar e escribir nas páxinas do libro.

            

 

           q

 

Quedáronnos moi chulos e marchamos todos contentos para casa coa nosa poesía no papel e na cabeza, desexando recitala.