O curso “Aprendizaxe Baseada en Proxectos (ABP)” ofrece unha oportunidade de desenvolvemento profesional a través da participación nunha rede de aprendizaxe masiva e en liña e grazas ao deseño dun proxecto de aprendizaxe nun ambiente colaborativo.

Participar nesta experiencia permitiranos coñecer proxectos de referencia, analizalos, deseñar os nosos propios proxectos e entrar en contacto con outros docentes, profesionais ou persoas interesadas na educación con quen non só debateremos sobre esta metodoloxía senón que tamén serán o noso principal apoio e os nosos compañeiros e compañeiras para o desenvolvemento dos nosos proxectos.

Ao longo do curso poderanse conseguir 3 emblemas dixitais:

• Ao finalizar a unidade 3: Docente activo

• Ao finalizar a unidade 5: Docente avaliador

• Ao finalizar a unidade 7: Docente ABP

Esta modalidade de formación faise de forma experimental sen certificación. Só se entregan os emblemas dixitais mencionados como forma de recoñecemento da aprendizaxe desenvolvida nas actividades do curso e non se certifican “horas de formación”. A estimación de carga horaria (40 h) é só orientativa. Agárdase que a participación no curso teña como principal motivación a aprendizaxe persoal, o desenvolvemento profesional e a colaboración con outros docentes.

As actividades da unidade 1 abriranse o luns 31 de marzo.

ACCESO A TODA A INFORMACIÓN

O venres 28 de febreiro  e sábado 1 de marzo celebraranse na sede da Fundación Barrié na Coruña o 3º Bloque das xornadas esta vez centradas en Patrimonio etnográfico.
O venres acompañarannos Lois Ferradas, decano da facultade de Ciencias de Educación coa ponencia “Patrimonio e a nova cultura da infancia”.
Pablo Carpintero Arias . Membro da directiva Asociación de Gaiteros Galegos. UV: “Os valores do Patrimonio Cultural Inmaterial: utilidade pedagóxica para os máis pequenos”.
Para finalizar, Preescolar na casa relataranos a súa traxectoria e as actividades que desenvolve con educaBarrié.
O sábado mostrarán experiencias o Proyecto guappis: “Tablets e Memoria Cultural: aplicacións na aula”, o colectivo Ponte nas Ondas: ”O patrimonio inmaterial galego-portugués como recurso educativo.”,  o CEIP Mosteiro de Caaveiro: “Os xogos de sempre na escola da Capela” coa presenza de nenos de primaria como monitores da actividade. E o CEIP Ana María Diéguez: “Imos de Romaría”.

Pola tarde nos acompañarán os músicos Antonio Castelos Boutureira e Gutier Álvarez Vázquez  co Obradoiro: Os nosos ritmos.

Máis información VISITA A PÁXINA WEB

PROGRAMA DA ACTIVIDADE:

C1302006: Proxectoterra. Da casa á escola. Edición 2013-2014

PRAZO DE INSCRICIÓN: Ata  26 de febreiro en https://www.edu.xunta.gal/fprofe/

DATAS DE CELEBRACIÓN: 25,26,e 27 de marzo 2014

DURACIÓN: 10 horas

LUGAR DE CELEBRACIÓN: CFR da Coruña. Aula de Audiovisuais

HORARIO: 18:00-21:00

OBXECTIVOS:

-Presentación dos recursos educativos elaborados polo Proxectoterra centrados na percepción e observación por parte do alumnado dos lugares que habitamos.

-Reparar na contorna próxima para axudar o alumnado de Educación Infantil, a desvelar os elementos naturais e humanizados e as súas calidades sensoriais e expresar a súa presenza mediante distintas linguaxes.

-Representar, a través de maquetas e bosquexos sinxelos que reproduzan as construcións de modelos, os conceptos espazo-temporais relacionados co territorio.

-Dotar de procedementos, ao alumnado de Educación Infantil, para mostrar a afectividade que nos producen os espazos que vivenciamos.

RELATOR: José Luis González Fernández – Coordinador do grupo de Educación Infantil do Proxectoterra

PRAZO DE INSCRICIÓN: Ata 14 de febreiro en https://www.edu.xunta.gal/fprofe/inscribirse.do

Presentación dos recursos educativos elaborados polo Proxectoterra centrados na percepción e observación por parte do alumnado dos lugares que habitamos.

OBXECTIVOS:

1. Reparar na contorna próxima para axudar o alumnado de Educación Infantil, a desvelar os elementos naturais e humanizados e as súas calidades sensoriais e expresar a súa presenza mediante distintas linguaxes.

2. Representar, a través de maquetas e bosquexos sinxelos que reproduzan as construcións de modelos, os conceptos espazo-temporais relacionados co territorio.

3. Dotar de procedementos, ao alumnado de Educación Infantil, para mostrar a afectividade que nos producen os espazos que vivenciamos.

Relator: José Luis González Fernández – Coordinador do grupo de Educación Infantil do Proxectoterra

A implantación da formación do profesorado en cursos en rede esixe dispoñer de creadores de cursos de formación así como de titores que desenvolvan os cursos a través de Platega.  Polo tanto cómpre formar a profesoras e profesores para que sexan quen de crear un curso de formación, por exemplo a través dunha licenza de formación, e titorizalo en Platega.

Destinatarios:

• Profesorado creador de cursos para a formación en rede.
• Profesorado titor de cursos en rede, en Platega
• Profesorado relator de cursos de formación.
• Profesorado creador de cursos virtuais complementarios do ensino presencial co seu alumando de ESO, Bacharelato, FP...

Competencias e obxectivos:

• Desenvolver a competencia pedagóxica e didáctica precisa para a planificación, o deseño e a xestión dun curso en rede.

Obxectivos:

• Manexar cursos a distancia, creados con Moodle.
• Integrar contidos dixitais e multimedia en paquetes de contidos para os cursos virtuais, creados con eXeLearning.
• Deseño da avaliación para os cursos virtuais.
• Respectar a propiedade intelectual e os dereitos de autor e coñecer licenzas de autor para publicar recursos propios.
• Crear cursos virtuais que respecten a normativa básica sobre accesibilidade.

Contidos

• Deseño e creación de secuencias didácticas en cursos virtuais (nivel 3 de agregación).
• Creación de cursos virtuais con Moodle.
• Creación de paquetes de contidos con eXeLearning para incorporalos en cursos virtuais.

Coñecementos previos necesarios:

• Manexo básico de Moodle como creador de cursos.
• Manexo básico de eXeLearning como creador de paquetes de contidos.
• Non é obxectivo deste curso ensinar o manexo de Moodle ou de eXeLearning, aínda que se facilitará documentación e información sobre eles. Estas dúas ferramentas usaranse para crear cursos virtuais e os seus contidos.

Temporalización e características:

O curso ten unha duración de 60 horas, das cales 53 son en rede e 7 presenciais. Impartirase dende o 11 de marzo ata o 30 de maio de 2014. Para a selección de participantes, teranse en conta os criterios de selección indicados na ficha da actividade en fprofe. Esta actividade ofértase con 100 prazas, estando aberto o prazo de inscrición ata o vindeiro 11/02/2014. Referencia: G1301083

Ligazón á ficha da actividade en fprofe.

Do 18 de novembro ata o 30 de xuño de 2014 terán lugar os dous cursos: V1301053 e V1301054 FASE A1 e A2 COMBAS GALICIA 2013/14 no CFR de Vigo.

Data de comezo: 18 de novembro.

Data de finalización: 30 de xuño.

Lugar de celebración: CFR de Vigo.

Número de horas totais: 30 h.

fprofe: www.edu.xunta.gal/fprofe

Aula virtual: http://www.edu.xunta.gal/centros/cfrvigo/aulavirtual/course/view.php?id=298