Enlace aula virtual https://www.edu.xunta.gal/centros/cafi/aulavirtual2/course/view.php?id=688

O próximo 22 de abril de 2016 dará comezo unha formación aberta na Rede: “O currículo na aula". Trátase dunha actividade coas seguintes características:

• Lévase a cabo de forma virtual na Rede, a través de Platega2.

• Está conformada por unha serie de materiais que desenvolven os contidos, foros de participación e comunicación entre os participantes e tarefas con entrega libre e voluntaria.

• Está aberta a calquera docente de centros dependentes da Consellería de Cultura, Educación e Ordenación Universitaria.

• Ao tratarse dunha formación en aberto non ten asociado recoñecemento de horas de formación.

Permite ofertar aos docentes da nosa comunidade un modo aberto e flexible de formación sen límite de prazas.

Podes automatricularte en Platega2 ata o 21 de abril na seguinte ligazón: https://www.edu.xunta.es/platega2/course/view.php?id=209.  Introduce os teus datos de conta corporativa e a palabra "platega" como chave de matriculación.

A fase de formación comezará o 22 de abril e rematará o 20 maio. Estará conformada por 4 módulos:

• Currículo e aproximación á programación

• Rúbricas e mínimos esixibles

• Perfil de competencia.

• Tarefas integradas.

O prazo de inscrición xa rematou, pero hai posibilidade de visualizar os contidos do curso como convidados.

A Consellería de Educación e O.U. participa como socio no proxecto europeo ATS2020 (Assessment of Transversal Skills (http://www.ats2020.eu/) sobre a avaliación das competencias dos estudantes.

A finalidade do proxecto é avaliar as competencias dos estudantes mediante o uso do portfolio dixital nas materias dos primeiros curso de educación secundaria e últimos cursos de educación primaria, así como estudar e elaborar modelos de aprendizaxe a través das TIC.

O vindeiro 2 de abril (sábado) impartirase unha formación presencial en Santiago de Compostela para dar a coñecer o proxecto e centrarse na utilización do portfolio dixital na plataforma Mahara (http://mahara.eufolio.eu/) para traballar na aula, tendo como obxecto a avaliación das competencias dos estudantes.

Máis información en fprofe:X1502051 - A Utilización do Portfolio Dixital na Avaliación

Está aberto o prazo de matrícula dos cursos para a formación relacionada co novo equipamento (kits dixitais) instalado recentemente nas aulas do seu centro.

Os principais obxectivos son:

1. Familiarizar ao profesorado co equipamento dos novos kits de aula Dixital instalados.
2. Coñecer o software específico de manexo do EDI e outras aplicacións instaladas na maqueta Debian dos portátiles
3. Presentar metodoloxías e recursos que permitan aproveitar a interactividade do EDI

Estes cursos impartiránse no terceiro trimestre.  Os presenciais constan de 12 horas en 4 sesións de 3 horas. O curso en rede, que consta de 30 horas, comezará unha vez rematados os cursos anteriores, profundizando nos contidos vistos nos presenciais.

O profesorado interesado pode inscribirse, a través da web de formación do profesorado: https://www.edu.xunta.gal/fprofe/

• C1502018 - Introdución ao kit das aulas dixitais Presencial Xornadas. A Coruña
• O1502015 - Introdución ao kit das aulas dixitais Presencial Xornadas. Ourense
• P1502019 - Introdución ao kit das aulas dixitais Presencial Xornadas. Pontevedra
• L1502014 - Introdución ao kit das aulas dixitais Presencial Xornadas. Lugo
• F1502018 - Introdución ao kit das aulas dixitais Presencial Xornadas. Ferrol
• S1502034 - Introdución ao kit das aulas dixitais Presencial Xornadas. CAFI
• V1502014 - Introdución ao kit das aulas dixitais Presencial Xornadas. Vigo
• G1501105 - Sacando partido ás aulas dixitais. En rede

Os destinatarios son todos os docentes que impartan en Primaria, Secundaria e Bacharelato, sendo a data límite para inscribirse o día 18 de marzo.

INSCRIPCIÓN ABERTA: https://www.edu.xunta.gal/fprofe/

O día 2 de marzo comezará o curso V1501022 O coro escolar, unha actividade integradora para o alumnado, no CMUS Superior de Música de Vigo. Cunha duración de 20 horas, para profesorado de música de primaria e secundaria.