Cuando Hitler robó el conejo rosa

Judith  Kerr

A chegada de Hitler ao poder vai cambiar radicalmente a vida de Anna e a súa familia. Na súa fuxida do horror nazi, deberán abandonar o seu país e deixar moitas cousas queridas, como o seu coello de peluche. Con el tamén se quedará a súa infancia.

A novela iniciase en Berlín en 1933, continúa en Zurich, París (1935). As dificultades económicas en París obrigarán á familia a saír cara Londres, está a piques de comezar a Segunda Guerra Mundial.

A novela está baseada de forma moi próxima na biografía da propia Judith Kerr, filla dun famoso escritor alemán que abandonou Alemania en 1933. A familia de Kerr era xudía e o seu pai estaba na lista negra de escritores dos nazis. Alfred Kerr, o pai, fora moi crítico con eles durante os anos previos. Primeiro viviron en Suiza, logo en Francia e finalmente en Reino Unido, a donde chegaron a mediados dos anos 30 e onde permaneceron durante toda a II Guerra Mundial. Os seus pais vivían co temor de que se producise unha invasión de Reino Unido por parte de Alemania e tomaran decisións drásticas en previsión de que iso sucedese. «Un amigo médico noso deulles pastillas para suicidarse», explicaba Kerr na BBC fai uns anos.

A vida no exilio era dura. Ademais da dureza inherente a vivir nun país que non é o propio, sumábanse as altas dificultades económicas. Tanto Alfred Kerr como a súa esposa Julia eran intelectuais (Julia era concertista) que non tiñan moi fácil atopar traballo noutro país e máis nun no que se falaba unha lingua que non dominaban.