Eventos
ENCONTRO CON ISMAEL RAMOS
A conversa con Ismael flúe sen pausas, ou, mellor dito, sen perdas de tempo. Contra o reloxo.
Queremos falar, desde o entusiasmo, sobre A parte fácil (Xerais, 2023) / La parte fácil (las afueras, 2023), a súa primeira colección de relatos.
Entre as virtudes de A parte fácil, a inequívoca planificación do libro como un todo (personaxes que, sendo secundarios nunha historia, reclaman os focos na que lles corresponde protagonizar), un abano temático que evita as reiteracións, unha consideración do relato como un lenzo renacentista e a execución poemática do texto, que leva a Ismael a dispor cada unha das súas partes de modo milimétrico no conxunto.
Non hai en A parte fácil personaxes planos.
As historias secundarias que, nunha primeira lectura, parecen obeceder a intención do autor de crear un Macguffin, resultan ser, no remate do conto, non un prescindible instrumento de distracción, senón a xema coa que, o Ismael Ramos orfebre, pecha o engarce da xoia, xa sexa unha cazola cun guiso de lebre ou un inesperado corte pelo.
Esa querencia de Ismael Ramos polo detalle explica a complexidade das historias, que obrigan ao lector a reposicionarse cando contempla a escena no seu conxunto. En Unha trampa para coellos un inxenuo lector, na primeira parte do relato, asiste, incrédulo, ás diversas reaccións de tres fillos ante o falecemento da súa nai. O que semellaba ser unha sátira sobre o desafecto e a ocultación da morte na sociedad contemporánea, remata sendo unha moi lúcida diagnose sobre os terribles efectos da emigración nas relacións parteno-filiais.
O cactus, o bote de melocotóns en almíbar ou a grabación da boda na que aparecemos levando as arras á nosa madriña, testemuñan unha evidencia: «el futuro es un tigre».
A algúns xa lles ten mordido.
A outros, aos que seguen a preguntar quen apañou a botella de tequila, axiña lles morderá.
E si, xa antes das 21 horas tiñamos admitido que Amy Hempel leva razón: parar de afundirse non significa non seguir baixo a auga.
Francisco Rodríguez Coloma [Texto]
&
Ana Tomé [Fotografías]
Os días 2 e 3 de maio, celebráronse no noso IES, como vén sendo habitual dende hai case unha década, os Encontros con maiores de Afundación coa temática da Emigración. Nesta segunda volta, o alumnado de 3º da ESO puxo en común cos catro voluntarios participantes os seus pequenos traballos, froito da investigación na súa contorna sobre esta temática.
A actividade foi un éxito e moi ben valorada tanto polo alumnado como polos voluntarios participantes.
Esperamos seguir realizándoa en vindeiros cursos!
O alumnado de 3º da ESO participa na segunda parte da actividade de Afundación de Abanca: charlas con maiores sobre a inmigración.
Interesantes charlas sobre nutrición a cargo de Saúl Sánchez para o alumnado de 4º da ESO, que estiveron moi atentos e consultaron dúbidas alimenticias.
O alumnado de E1 participa na Carreira Solidaria por Betanzos organizada polo CEIP Vales Villamarín.
Alumnado proxecto competencial de E3 visita o Pazo.
Agradeceriamos saber dicir quen é o autor da ilustración do Museo de Pontevedra.
É perfecta para explicar cal é o pracer que obtén o lector dos poemas de Música reservada!
O alumnado de E3E gozou dun paseo polo Betanzos dos séculos XIX e XX. Esperemos que aprenderan a relacionar o urbanismo e a arquitectura desta época coa estética e a historia da música. Canto menos amosaron interese e bo humor!
Visita á Domus do alumnado de Anatomía, Bioloxía, Cultura Científica e Antropoloxía.
Co gallo do Día das Letras Galegas, o alumnado de Proxecto Competencial de 1º ESO D/E plasmou algúns dos refráns e ditos populares relacionados co tempo que foron recollidos na Fase I de "Refráns Meteorolóxicos" de Meteoscolas.
Toda a comunidade educativa participou ao longo do curso aportando refráns dos seus lugares, primando a zona de Betanzos e das Mariñas. Mestúranse así aportacións do alumnado de todos os niveis con algúns do profesorado, de administración e de conserxería. Proximamente, procederase á Fase II de gravación dos mesmos na Radio do instituto por parte do alumnado e dos familiares que se queiran achegar a gravar.
Por orde cronolóxica
CONVOCATORIA ORDINARIA 1º BAC (Xuño 2024)
Último día de clase |
Mércores 5 de xuño |
Exames Finais Calendario elaborado dende xefatura de estudos segundo as necesidades do profesorado. |
6, 7, 10 e 11 de xuño |
Avaliación Final Ordinaria |
Mércores 12 de xuño |
Entrega de Boletíns |
Mércores 12 de xuño ás 19h na aula de referencia. |
Publicación de cualificacións en SIXA |
Mércores 15 de maio ás 21h |
Revisión de exames co docente |
Xoves 13 e venres 14 de xuño en horario de clase. De ser noutra hora, previa solicitude. |
Volta ás clases de recuperación e preparación das ABAU |
Xoves 13 de xuño |
Solicitude de Revisión aos Departamentos no centro ou correo electrónico (ver formularios no apartado dedicado á xefatura de estudos da páxina web do centro) |
Xoves 13 e venres 14 de xuño ata as 14h |
Comunicación Resolución dos Departamentos á FAMILIA |
Luns 17 de xuño ás 14h |
Solicitude de Reclamación a Xefatura Territorial no centro ou correo electrónico (ver formularios no apartado dedicado á xefatura de estudos da páxina web do centro) |
Martes 18 e mércores 19 de xuño ata as 14h |
Comunicación á XT |
Mércores 19 de xuño |
Envío do Expediente á Xefatura Territorial |
Xoves 20 de xuño |
CONVOCATORIA EXTRAORDINARIA 2º BAC (Xuño 2024)
Último día de clase |
Venres 7 de xuño |
Exames Extraordinarios Calendario elaborado dende xefatura de estudos segundo os resultados da avaliación ordinaria. |
10, 11 e 12 de xuño |
Avaliación Final Extraordinaria |
Xoves 13 de xuño |
Entrega de Boletíns e documentación matrícula |
Xoves 13 de xuño ás 17:30h na aula de referencia |
Publicación de cualificacións en SIXA |
Xoves 13 de xuño ás 18h |
Pre-matrícula ABAU |
Venres 14 e luns 17 de xuño (ver quendas na web do centro) |
Revisión de exames co docente | Venres 14, luns 17 e martes 18 de xuño en horario de clase da correspondente materia e na aula de referencia (ver horario oficial de todo o curso) De ser noutra hora, previa solicitude. |
Solicitude de Revisión aos Departamentos no centro ou correo electrónico (ver formularios no apartado dedicado á xefatura de estudos da páxina web do centro) |
Luns 17 e martes 18 de xuño ata as 14h |
Comunicación Resolución dos Departamentos á FAMILIA |
Mércores 19 de xuño ás 14h |
Solicitude de Reclamación a Xefatura Territorial no centro ou correo electrónico (ver formularios no apartado dedicado á xefatura de estudos da páxina web do centro) |
Xoves 20 de xuño e venres 21 de xuño ata as 14h |
Comunicación á XT |
Venres 21 de xuño |
Envío do Expediente á Xefatura Territorial |
Luns 24 de xuño |
Probas Extraordinarias ABAU |
Martes 2, mércores 3 e xoves 4 de xullo |
O alumnado de E1 puido gozar da visita da escritoria Andrea Maceiras.
Alumnado de B1 de Xeografía e Historia visitan o Pazo de Meirás, onde aprenden sobre a súa orixe e o seu rol na historia de España e de Galicia.
Durante o curso 2013-2014 comezaron as primeiras reunións dos Clubs de Lectura.
Extendemos a convocatoria ás familias (e outros adultos da comunidade educativa) no inverno do 2013.
A primeira reunión sucedeu o 19 de marzo de 2014.
Iso significa que o 27 de marzo deste 2024, día da visita de José Ovejero, poderiamos ter conmemorado o décimo aniversario do noso Club de Lectura.
Aproveitaremos a xuntanza deste próximo mércores 29 de maio para festexar esta longa andaina.
19 horas
Biblioteca Sebastián Buedo Jiménez
IES Francisco Aguiar
A Consellería de Educación vén de publicar información sobre o programa EduMob de intercambio individual de alumnado en réxime de reciprocidade con alumnado de Francia durante o curso 2024/2025.
CARACTERÍSTICAS DO PROGRAMA: o alumnado residirá coa familia do seu homólogo francés e asistirá a clase no centro docente do seu anfitrión/anfitrioa, garantindo así a continuidade dos obxectivos curriculares e as competencias correspondentes á etapa educativa. Ao mesmo tempo, a familia do alumnado participante comprométese a acoller no seu domicilio e integrar na vida e actividades familiares a un alumno/a francés/a.
As datas previstas son as seguintes:
- Estadía en Francia: do 16/09/2024 ao 11/10/2024
- Acollida en Galicia: do 28/10/2024 ao 22/11/2024
DESTINATARIOS: alumnado que o vindeiro curso estea matriculado en 1º de Bacharelato, que curse francés como 1ª ou 2ª lingua estranxeira, que teña unha nota mínima de 7 no expediente da ESO e de 7 na materia de 4º de francés de 4º da ESO (ver outros requisitos na resolución que se achega).
PROCEDEMENTO E CRITERIOS DE SELECCIÓN: (ver Anexo II)
DOCUMENTACIÓN QUE O ALUMNADO DEBE PRESENTAR: solicitude de participación (ver Anexo I)
DATA TOPE DE PRESENTACIÓN: mércores día 5 ás 14.15