Aínda que sexa de xeito telemático, continuamos a traballar o proxecto de centro.......o alumnado de 1º de ESO viaxa co seu maxín a diferentes lugares do mundo de fala portuguesa.
No enlace accederedes ao vídeo elaborado.
Moi ben feito 1º de ESO!!!
O noso Eusebio
DÍA DAS LETRAS GALEGAS
O noso marabillosos alumnado de 2º de ESO deléitanos hoxe, Día das Letras Galegas, cun recitado de poesía.
Moi bo traballo rapaces e rapazas!!!
Tamén o alumnado de 6º de primaria e de 3º e 4º de ESO realizou un traballo para conmemorar este día. Podedes acceder a el nos enlacse:
FELIZ DÍA DAS NOSAS LETRAS!!!!
ROLOS DE POESÍA HIXIÉNICA
Comezamos a última etapa do curso. Seguiremos a traballar coma ata o de agora..dende a casa e sen poder ter contacto directo co noso alumnado....unha mágoa .....pero hai tamén novas que nos fan latexar o corazón.
Os nosos alumnos de 2º de ESO regálannos poesías en rolos de papel hixiénico.
Grazas rapaces!!. Sodes grandes!!!
ROLOS DE POESÍA HIXIÉNICA
Aquí queda. Reflexión e reto para estes días de confinamento:
https://www.facebook.com/100016566017465/posts/641988179696710/
DÍA DE ROSALÍA
Para conmemorar o Día de Rosalía, o Concello fixo unha actividade no centro ao pintar na entrada do patio de primaria uns fermosos versos da escritora que decoran o acceso deste xeito:
Nós, pola nosa banda, celebramos este día coa colocación de tellas de cores con versos de Rosalía. A estrutura e as tellas foi construida polo departamento de Tecnoloxía e coa axuda de alumnado de ESO mentres que a parte literaria foi elaborada polo departamento de Lingua Galega e traballada polos titores con cada grupo correspondente. Durante o acto, alumnas de 4º de ESO presentaron e deron información sobre a vida e obra da escritora mentres que representantes de profesorado ( neste caso foi Sabrina , a nosa auxiliar de conversa, a encargada de representar ao profesorado recitando versos de Cantares Galegos...fíxoo moi ben, por certo!) e de alumnado de cada grupo recitaban a escolla de versos elixido pola profe de galego de secundaria ao tempo que se ían colocando as coloridas tellas.
Tamén houbo versos cantados con acompañamento de pandeireta ( de 3º de ESO) e versos rapeados ( de 3º de primaria)
Este foi o resultado final:
O espazo será utilizado polo alumnado como espazo de lecer para lectura de libros ou banda deseñada.
O CASAMENTO DOS PAXARIÑOS
O día 2 de febreiro celébrase o Día da Candeloria. Nós celebrámolo hoxe, día 3 de febreiro, pero non por facelo un día máis tarde é menos lucido...non vaiades crer!.
O alumnado de 1º de ESO e de 6º de primaria decoraron dous espazos (un no corredor de secundaria e outro no patio de primaria) onde colocaron imaxes de paxaros feitos por eles.
O alumnado de 6º colaborou co EDLG para celebrar o día da Candeloria facendo unhas tarxetas e corazóns con frases cheas de cariño dedicadas ás persoas a quen queren.. e tamén fixeron uns fermosos paxariños.. empregaron cartón para darlles outra vida aos residuos:
O resultado final:
O alumnado de 1º de ESO tamén foi o encargado de decorar o corredor das aulas de secundaria. Acompañando ás imaxes das aves expresións do noso refraneiro popular e escritos breves de todo o alumnado de secundaria sobre o amor...ás persoas e tamén aos animais:
Tamén en primaria tiveron un chisco para os animaliños:
GALERÍA DE FOTOS TRABALLO DE 6º
O alumnado de 1º de primaria realizou un vídeo marabilloso no que interpreta a canción "Quérote máis" de O Sonoro Maxín con lingua de signos. Fantástico!!!
DÍA DA PAZ
Hoxe, día 30 de xaneiro, celebramos o Día da Paz cunha preciosa actividade musical. Dende os departamentos de Lingua Galega, Lingua Castelá, Inglés, Francés e Música elaborouse unha xenial versión da canción Aquarela de Toquinho en diferentes linguas ( galego, portugués, inglés, español e francés).
Nos enlaces podedes acceder á letra e á canción/vídeo versionada por nós e que foi acompañada dunha proxección con pictogramas.
Tamén foi creado un mapa da terra na materia de tecnoloxía coa axuda do alumnado de 2º de ESO sobre o que, durante o acto, o alumnado das diferentes aulas situou os diferentes países de fala lusófona no mundo:
O alumnado de 6° elaborou ademais un mural para conmemorar o Día da Paz, empregando material de refugallo..
MUSEO DO POBO GALEGO e "VIDA DE CANS"
O alumnado de 2º, 3º e 4º de ESO visitou a cidade de Santiago de Compostela para realizar unha actividade no Museo do Pobo Galego.
O alumnado de 4º visitou a exposición Nós de onte a hoxe: 100 anos de historia e realizou, coa profe de galego, unha produtiva tarefa sobre o tema da exposición e o resto do alumnado fixo un xogo de pistas sobre as exposicións permanentes do museo.
Unha vez rematada esta visita nos trasladamos ao Salón Teatro para desfrutar da obra " Vida de Cans" de Talía Teatro. Unha magnífica representación que , segundo a súa páxina web, mostra a "Tres actores. Tres cans. Ou tres actores que fan de can. Sen deixar de ser actores. Sen deixar de ser cans. Están recluídos nun recinto que lles preparou o seu amo. Moi grande, moi cómodo, moi ameno, moi limpo... pero recinto. Ben tratados, ben atendidos, ben alimentados, ben acariñados... pero recluídos. Fóra do recinto está a liberdade. Cos seus desacougos, seus incertezas, seus problemas, seus perigos... pero liberdadd. Cada un dos tres afronta o conflito segundo a súa personalidade. Ou segundo a súa canalidad. E todo vai derivando cara unha traxedia... que nunca deixa de ser comedia. Comedia absurda. Comedia paródica. Comedia metafórica".
Xenial. Moi recomendable!
TÍRALLE DA LINGUA
O xoves 28 de novembro, no Pazo de Congresos e Exposicións de Galicia celebrouse o XVIII certame de relato oral "TÍRALLE DA LINGUA". E quen actuou? Pois as mozas e mozos de 3°ESO, que nos contaron unha historia orixinal, pseudo-auto-biográfica e tráxico-cómica a un tempo, titulada "BIG BANG". Porque se o marabilloso mundo que habitamos naceu do caos e dunha colosal explosión, por que non había ser a caótica clase de 3°ESO a mellor clase do mundo? Historia sensacional, chea de humor do bo e con banda sonora e todo, que nos demostrou que este grupo é un gran grupo que sabe TRABALLAR EN EQUIPO. GHAAAAAS!
PARABÉNS!
SAÍDA DIDÁCTICA
O xoves día 17 de outubro o alumnado de 2°, 3° e 4°ESO visitaron Santiago de Compostela para desfrutar da proxección "O que arde" de Oliver Laxe na sala Númax, un film que toca a delicada e triste temática dos incendios forestais que asolan o noso país ano tras ano.
Tamén visitaron o MUPEGA para ver a exposición sobre a evolución da escola na Galiza do século XX: a escola do ferrado, a escola na República, a escola na Ditadura...
