Skip to Content

Ciencias da Natureza

"Comendo cores"

O xoves e venres as rapazas e rapaces de 4º, 5º e 6º de Primaria recibiron a visita da nutricionista do Centro de Saúde para realizar a actividade "Comendo cores".

Tratouse dunha charla e obradoiro de xogos didácticos nos que traballaron a pirámide dos alimentos e a dieta equilibrada.

PLANTANDO ÁRBORES CON PINCEIS

Onte as nenas e nenos de Primaria participaron na actividade "Plantando árbores con pinceis". Trátase dun proxecto escolar pola sostenbilidade que une cultura e coidado do medioambiente a través da realización de un Mural Artístico, colaborativo e ecolóxico con pinturas fotocatalíticas anticontaminación, que absorben o CO2 do ambiente. Unha iniciativa que ten como obxectivo transmittir a mensaxe positiva sobre o coidado do entorno.

Previamente o alumnado de 4º, 5º e 6º elaborou as súas propostas para pintar o muro seguindo a temática. A partir desas ideas o artista fixo o seu boceto que plasmou na parede do patio ca axuda das nenas e nenos.

Por outra banda o alumnado de 1º,2º e 3º tamén reflectiu a súa idea en bolsas de tea reutilizables que levaron para casa.

 Actividade de Afundación

 

Novembro, mes da ciencia

"Recuncho científico" creado na biblioteca ofrece unha selección de libros con experimentos, contos sobre ciencia, xogos de enxeño, preguntas e respostas curiosas. Algúns dos experimentos realizados transpasaron a porta das aulas e compartíronse con outras clases.
Estas son unha mostra dalgunhas actividades científicas realizadas neste mes:
 
- Actividades científicas coa luz, a cor, o son, os sensores de ultrasóns e no laboratorio.
nov mes da ciencia
 
- Que pasa cando metemos uvas pasas en gaseosa?
- Que pasa cando metemos un ovo ou un óso de polo en vinagre?
- Globo explosivo (Con ácido de laranxa).
- Lámpada de lava (Con auga, aceite e pastillas efervescentes).
- Microscopio para buscar números (Recipiente transparente, plantilla de números e un vaso de cristal). 
- Area cinética - Area da lúa (Fariña, aceite de bebé e purpurina).

A COCIÑA TEN QUÍMICA

A cociña é todo un laboratorio de ciencias e matemáticas

Estudamos substancias, a súa orixe, propiedades, as mesturas homoxéneas e heteroxéneas, cambios físicos e químicos. Tamén medimos cantidades e cambiamos as proporcións da receita... A actividade rematou coa degustación do produto final ;-)

MasterChef da cociña de 6º EP

química da cociña

LABORATORIO DE ELECTRICIDADE

Acender un led con limóns parece maxia.

Na clase de 5º construímos unha batería eléctrica con limóns, moedas de 5 cent., pinzas crocodilo e parafusos de zinc.

Seguimos experimentando coa electricidade montando circuítos eléctricos en serie e en paralelo. Estas son as imaxes da actividade.

circuitos eléctricos

Educa en dixital

 

RECUNCHO VERDE

E coa chegada da primavera comezamos co aproveitamento deste pequeno pero incrible espazo.

Areeiro, árbores, horto...

O recuncho verde do CEIP Vistahermosa.

 Álbum de fotos do horto escolar

ACTIVIDADES NO RÍO LONIA

Actividade "Gústame o meu río: ensíname a coidalo"

Promovida pola Confederación Hidrográfica do Miño-Sil (CHMS)

Alumn@s e mestres desprazámonos ata o río para participar nunha clase medioambiental totalmente práctica: Convertémonos en investigadores e investigadoras arredor de 4 mesas de traballo colocadas á beira do río Loña, nas que repasamos o ciclo da auga, a fotosíntese e a evapotranspiración de xeito práctico. Medimos os niveis de PH, Temperatura, Turbiedade e de osíxeno da auga. E recoñecemos pegadas da fauna e macroinvertebrados presentes na auga e nas proximidades.

Estas actividades promoven o contacto co entorno natural e fomentan actitudes respectuosas co medio ambiente e en especial coa auga e cos ecosistemas fluviais.

actividade gústame o río

río Loña

- MÁIS FOTOS NA GALERÍA DE IMAXES

 

"A folla azul" de Andrea Maceiras, por un mundo sostible

O venres Andrea Maceiras achegouse ao cole para participar nun encontro co alumnado de 5º, falounos do seu libro "A folla Azul" e compartimos todas as actividades realizadas na aula.

Nomeámola gran Protectora da Natureza e regalámoslle unha pulseira da Terra que deseñamos e imprimimos en 3D.

Entrevista

ilustramos a folla azulIlustramos unha páxina do libro tamaño cartaz, cos personaxes máis significativos e a selva do Amazonas con abundantes follas azules, xa extintas na historia.

Aproveitamos a súa visita para facerlle esta entrevista: Falamos do libro, da situación que vive a Amazonia, de ecoloxía, problemas medioambientais e tamén nos deu ideas para o  disfrace de entroido. 

O 13 de febreiro, celébrase o Día Mundial da Radio e queriamos emitir esta entrevista a Andrea Maceiras, moderada por estes locutores que o fan de luxo. (Fai click no play e reproducir no navegador)

Actividade medioambiental do Día Internacional da Muller e a nena na Ciencia: O estudo dos ecosistemas, a Amazonia o pulmón da Terra, problemas ambientais e comportamentos sostibles.

GALERÍA DE IMAXES

IMAXES DO DISFRACE INSPIRADO NA TRIBO DOS KAYAPO

Encontros coa autora é unha actividade, organizada pola Concellería de Educación do concello de Ourense, dirixida ao alumnado de 5º curso de primaria.

A Terra tamén quere Paz

Botellas cheas de amor ao planeta

Na celebración do Dia da Paz, tamén pensamos en como agasallar á Terra. Sabemos que o uso excesivo de plásticos, ameaza con contaminar o planeta e sobretodo os mares e non queremos permitilo. O noso desafío, con esta proposta é reducir o uso de plásticos e contribuír á separación correcta de residuos.

botellas cheas de amor

botella

Enchemos as botellas con plásticos (sobretodo dos envoltorios das  merendas) para diminuír o volume de residuos que xeramos no cole. Estas botellas convertiranse en materia prima coas que se producirán novos produtos.

Esta proposta ambiental pretende formentar bos hábitos entre os máis cativos e visualizar un dos principais problemas medioambientais do noso tempo.

Para ler máis: Á SOMBRA DO ÉRBEDO - Blog da biblioteca

 

CIENCIA QUE CONTA

Imos impulsar a celebración do Mes da Ciencia compartindo vídeos de ciencia en galego. 

mes ciencia galego

Explica algunha curiosidade científica, un fenómeno natural, o porqué dalgunha cousa, un experimento sinxelo, seres vivos/inertes, coidado do medio....

Exprésate con corrección, podes empregar material que teñas a man.

Facendo click no seguinte enlace podes gravar directamente na aplicación. Ollo! Necesitas acceder cunha conta de correo electrónico e nos portátiles Abalar tarda en cargar, non desesperes.

1- Flipgrid - CIENCIA QUE CONTA

2- Engade a túa resposta

      

3- Se usas o móbil, descarga a APP Flipgrid e escribe o código da actividade: aac1e3ca

Materiais en galego Mes da Ciencia

Distribuir contido


by Dr. Radut