De conformidade coa Orde da Consellería de Cultura, Educación, Formación Profesional e Universidades do 21 de outubro de 2022, que regula o procedemento de admisión de alumnado en centros docentes sostidos con fondos públicos, hoxe, día 15 de xaneiro de 2024, inícianse os trámites do procedemento (código ED550A), coa reserva de praza nun centro de adscrición para o alumnado que cambia de etapa.
O prazo de presentación de solicitudes abranguerá do día 15 de xaneiro ao día 5 de febreiro do 2024, ambos os dous incluídos.
Tanto a presentación das solicitudes como a consulta das listaxes de admitidos/as, que se publicará o día 22 de febreiro, deberán realizarse no centro no que está matriculado o alumnado no presente curso ou a través da aplicación admisionalumnado (edu.xunta.gal/admisionalumnado).
Tedes toda a información na circular que lle entregamos ao alumnado de 6º de primaria, á que tamén podedes acceder aquí.
