O pasado venres, 24 de marzo, recibimos no centro a visita da Federación de Asociacións de Mulleres Rurais FADEMUR-Galicia, que ofreceron para todo o alumnado de primaria uns obradoiros sobre a prevención da violencia de xénero e o fomento da igualdade.
A actividade foi gratuíta, xa que se insire nun programa subvencionado pola Deputación de Pontevedra, da man de profesionais experimentadas na materia.
Os tres obradoiros realizados, de carácter participativo, tiveron unha duración de 1h aproximadamente cada un e os seus contidos adaptáronse segundo a idade.
Obxectivos do programa
- Achegar a igualdade de xénero a través dos contos
- Reflexionar sobre os estereotipos de xénero
- Identificar emocións, sentimentos e situacións que os desencadean
Contidos
- Estereotipos e roles de xénero
- Emocións e xénero
Podedes ver fotos da actividade en Galerías.
Lede a noticia en La Voz de Galicia.
