EDLG

Iniciamos este novo e último trimestre cunha conmemoración moi importante: a semana do libro. Por iso, durante toda a semana realizamos distintas actividades relacionadas co fomento da lectura no noso alumnado.

En concreto, na aula de Educación Infantil contamos cunha invitada de luxo: a nai dun dos nosos pequenos, Aurora. A nai de Gael fixo de experta contacontos e agasallounos coa lectura do conto “El lobo que descubrió el País de los Cuentos”(ademais de vir acompañada da mascota do conto, para ambientarnos nel). Despois da lectura e de falar un pouquiño con Aurora despedímola invitándoa a volver pronto.

Máis tarde, os nenos debuxaron ao protagonista do conto demostrando a súas dotes artísticas.

O luns 21 de marzo celebramos o Día Mundial da Árbore cun taller da man do Axente Facultativo Medioambiental José Ángel Ares deseñado non só para implantar nos máis pequenos valores de respecto á natureza senón tamén para que coñeceran de primeira man as especies que temos na nosa contorna. As árbores son un ben prezado que debemos conservar pois por eles flúe a vida de todos os seres que poboan a Terra, son fonte de osíxeno e alimento. As árbores son fundamentais e vitais para a vida e a subsistencia. Despois do taller o alumnado tivo a oportunidade de ver unha motobomba e ata puideron facer unha pequena práctica coa mangueira. Qué ben o pasaron!!! Finalmente agasallaron a todo o alumnado do centro cun bolsa de tea ben fermosa. Grazas a Ares e Basalo por facernos pasar unha xornada tan divertida e interesante. Preme aquí para ver a galería de imaxes.

BASES DO CONCURSO

1. Poden participar tódolos alumnos/as do centro.

2. Data de entrega: Do martes 26 ata o xoves 28.

3. O xurado estará composto polos membros do Equipo de Biblioteca e do EDLG.

4. A temática das cabazas será "Cabazas de cine terroríficas".

PREMIOS

Premio á mellor cabaza de Ed. Infantil

Premio á mellor cabaza de 1º a 3º de Ed. Primaria

Premio á mellor cabaza de 4º a 6º de Ed. Primaria