Blogue de admin

Durante estas últimas semanas, nas áreas de Inglés e Arts estivemos traballando a  festividade anglosaxona de Easter, tal e como se celebra nos Estados Unidos. Para iso, ademais de facer varias manualidades relacionadas coa temática, tamén realizamos algunha das tradicións máis típicas desta celebración, como foi decorar ovos de pascua, preparar as nosas cestiñas, e rematamos o venres facendo unha EASTER EGG HUNT no patio do colexio. Así aprendemos a través da nosa vivencia, aspectos doutras culturas, e adquirimos de forma lúdica coñecementos sobre o idioma e as tradicións. Foi moi divertido!

En cumprimento da nova lei educativa estatal, este curso está previsto en todas as comunidades autónomas a realización de probas de avaliación de diagnóstico para o alumnado de 4º de educación primaria e 2º curso de educación secundaria obrigatoria. No caso de Galicia, terán lugar os próximos días 10 e 11 de abril. 

Pode atopar máis información no seguinte documento dirixido ás familias: 

https://www.edu.xunta.gal/portal/sites/web/files/ad2324_faq.pdf

Xa van cinco voltas arredor do Sol! Estes nenos medran sen parar!

O mércores, por fin, coa clase ao completo celebramos o aniversario de Xoel cunha artística tarta de plastilina con cinco veliñas alumeando que Xoel soprou con moita forza. Tamén inflamos globos e Xoel repartiu emocionado os caramelos entre os seus compañeiros e compañeiras. Parabéns Xoel!

Con esta proposta o que queremos é que o alumnado xunto coas súas familias nos remita fotografías coa temática proposta. A fotografía deber ter carácter medioambiental e estar relacionada coa protección da flora e fauna autóctonas e debe contar cun slogan ou título. Valorarase a orixinalidade, o deseño e o contido. Haberá tres fotografías premiadas e un pequeno agasallo para tódolos/as participantes.

TEMÁTICA
Este concurso pretende ser un reflexo da nosa realidade actual, visibilizando a acción humana no medio ambiente, recoñecendo e valorando a creatividade a través da fotografía e favorecendo o contacto coa natureza. As fotografías deben ter carácter medioambiental e estar relacionadas coa protección da flora e fauna autóctonas deben contar un slogan ou título e o nome do autor/a.  

BASES
-Pode participar todo o alumnado do centro así como o resto da Comunidade Educativa.
-As fotografías deben ser necesariamente orixinais e inéditas.
-O número máximo de fotografías que pode presentar cada participante é de cinco (5).
-As imaxes poden ser en cor ou branco e negro.
-O feito de participar neste concurso autoriza a difundir, empregar, exhibir, publicar e imprimir calquera das fotografías presentadas.
-Haberá tres gañadores e un pequeno agasallo para tódolos participantes.

Moi traballadora está a nosa nova integrante! E é que dende que recibimos esta impresora 3D non deixou de traballar! Os nenos, nenas, mestres e mestras estamos inmersos en sacarlle todo o partido que poidamos, así que toca atendela, aprender a usala, coidala e espremer todas as súas posibilidades.