Hoxe saiu o sol así que no recreo fomos á horta a sacar herbas e preparar a terra para poder prantar as ceboliñas, que xa estamos no tempo. É moi gratificante este traballo de poñer a terra a punto, prantar as sementes ou prantas, que ao longo do inverno preparamos en tarriños, coidalas con cariño e ver como medran!!!

O pasado 18 de outubro, a locutora de Radio Voz Eva Millán entrevistaba ao noso alumnado e profesorado acerca do proxecto Voz Natura que desenvolvemos no noso centro e máis concretamente sobre a nosa horta para o seu programa "Voces de Galicia". Podédelo escoitar aquí. Parabéns polo voso traballo!!!

A semana pasada como fixo moi bo tempo baixamos moitos días ao horto no recreo e aproveitamos para...

sementar nabizas

para plantar repolos

regar os tomates e leitugas do invernadoiro

levar os plásticos, que recolleron os nosos compañeiros de infantil no Carboeiro ao colector amarelo

Pero non todo acabou aquí!  Tamén participamos na  Andaina  de Asanog

Esta é unha pequena mostra da visión que teñen os nosos alumnos e alumnas sobre o cambio climático.

Setembro 2019

Este martes, día 24 de setembro, volvemos a desfrutar no centro da recolleita da nosa horta. Xa sabedes que estades convidados e convidadas a visitarnos e mercar estes produtos tan saborosos...!

No CEIP Plurilingüe de Sigüeiro sumámonos neste comezo de curso, no que Os Bosques centrarán o noso Proxecto Integrado de Centro, ás propostas de concienciación medioambiental da "Semana polo clima". Trátase de pequenas accións sinxelas a levar a cabo na semana do 23 ao 27 de setembro na liña do noso Proxecto Voz Natura.

Onte tamén tivo lugar a entrega de premios do concurso literario de relato curto "Unha árbore, unha historia" no que participaba alumnado de 5º e 6º do noso centro. O acto, promovido pola empresa Vegalsa, tivo lugar nas instalacións do supermercado Familia da nosa vila. Tras unhas palabras dos responsables do proxecto e dos directores dos dous centros educativos de Sigüeiro, procedeuse a coñecer os gañadores en cada categoría. Polo noso colexio, resultaron gañadoras Nerea Barcala de 5ºA e Julia Otero de 6ºA polos seus relatos con árbores como protagonistas. 

Despois, desprazámonos a un terreo contiguo ao supermercado para realizar a plantación de árbores autóctonas. 

Álbum: Curso 2018 - 2019 -> Unha árbore, unha historia (Vegalsa)

Recaudamos 175 € coa venda dos productos da nosa horta. E coma todos os cursos, estes van destinados a unha causa benéfica. Nesta ocasión á Asociación de Axuda a Nenos Oncolóxicos de Galicia (ASANOG).

O día 21 de xuño achegarase ao noso cole un representante de ASANOG a quen lle faremos entrega dun cheque por este importe. Gracias a todos os que mercastes produtos Hortocol. Son bos, sons sans... e o máis importante, contribúen a que o soño de moitas familias teña un final feliz.

Álbum: Curso 2018 - 2019 -> Cheque Asanog

Mirade cantas leitugas temos no noso invernadoiro! Mara, Manu e Carla de 2º foron a recollelas. Case non cabían nas cestas...

Como di o noso lema: Son boas, son sans e son de Hortocol!

E como todo o bo se acaba, axiña non quedou ningunha. Pero tranquilos/as, o próximo martes haberá máis!!!

 E mirade como medran as nosas patacas...