CEIP Plurilingüe de Sigüeiro

Un ano máis, o alumnado de 6º participou no certame Enregueifate 23-24. Esta é a Regueifa Troiteira que compuxeron e cantaron moi

ben. Para nós xa son ganadores. 

Que xornada tan especial a de hoxe! De novo volvemos á Residencia de maiores para compartir a nosa algarabía coas persoas que alí se atopan. Alí  estivemos o alumnado do Club de Teatro de 5º de Primaria acompañados pola profesora Carmen Penedo. 

Estivémoslle representando un cachiño dunha das nosas obras "Unha clase imposible", despois cantamos, tocamos a pandeireta, bailamos... Por último entregámoslle un agasallo a cada un dos residentes, que previamente fixeramos nós mesmos con moito agarimo; era unha pulsera de gomiñas. Tamén nós recibimos unha bolsiña de golosinas que eles mesmos montaran. 

Que grandes son e canto amor nos transmiten. Agradecémoslle enormemente o ben que nos reciben e o trato que nos dan. Volvemos para o cole cargados de ledicia!

Hoxe tivemos unha sorpresa moi agradable no colexio. Visitáronnos 3 persoas da Asociación de Concellos polos que pasa o Camiño Inglés; o seu presidente Manuel Mirás, o secretario Pablo Beade e o periodista vinculado a esta asociación Cristóbal Ramírez. A que viñeron? Pois nada máis e nada menos que a entregar os premios aos tres gañadores do certame "Escríbelle unha carta a Felipe II". É un certame que se celebra para que os nenos lle escriban unha carta a un peregrino histórico do Camiño Inglés e lle describan a experiencia do Camiño ao seu paso por Oroso.

O 1º premio foi para Emma Fernández Ponte, o 2º recaeu en Telmo Arias Fernández e o 3º para Elisa Castro Alves. Parabéns polo excelente traballo!

Imos facer un repaso polas tarefas que estiveron facendo as Hortopatrullas ao longo deste curso, para agradecerlles a súa gran implicación

e esforzo. Parabéns pola vosa disposición e responsabilidade.

Hoxe fixemos entrega a Servizos sociais do concello, dos alimentos que voluntariamente nos achegaron as familias ao longo do mes de maio. A recaudación tivo lugar con motivo do Teatro Solidario, no que as familias puideron asistir ás obras que os seus fillos/as interpretaban, ou do Mercadiño de libros solidario polo que as familias podían levar un libro a cambio de deixar algún alimento. Para a recollida estivo presente a educadora social Rocio e a concelleira de educación María. Estes alimentos serán doados ás persoas máis necesitadas do concello de Oroso. Dende aquí damos as grazas ás familias que colaboraron e parabéns a alumnado e profesorado que promoveu esta iniciativa.

Do 27 ao 31 de maio realizouse esta actividade na que o alumnado respondeu a 5 preguntas relacionadas cun deporte olímpico.

As preguntas presentáronse nunha tarxeta e as respostas nun taboleiro realizado polo alumnado de 6º de EP nas clases de plástica.

Para contestar ás preguntas o alumnado colocaba o escornabot na saída, e dirixíao ata a imaxe correspondente.

Hoxe tivo lugar no colexio a xornada de Convivencia co alumnado do CRA que virá para o centro o vindeiro curso. Son un total de 13 nenos/as que viñeron acompañados polas familias para coñecer o colexio. Despois de ser recibidos na biblioteca pola orientadora, a directora e os exalumnos/as do CRA que se incorporaron ao centro neste curso e que aproveitaron para darlle certos consellos e contarlle o ben que o pasaban neste cole, pasaron ao salón de actos onde o alumnado do Club de Teatro de 3º lles representou as súas obras "A Ratiña presumida" e "Mago de Oz". A continuación mostráronselle as instalacións do colexio e incorporáronse nas aulas de 2º cos que serán os seus futuros compañeiros/as. Despois puideron tomar unha merendiña no comedor; chocolate con rosca, zumes, froita... Posteriormente estiveron no recreo con todo o noso alumnado, volta ás aulas e remate da xornada. Unha bolsa de chuches que lle regalamos para que se vaian con bo sabor de boca e recollida por parte das familias. Foi unha mañá especial! 

Por fin puidemos levar a cabo o acto central de celebración das Letras Galegas deste ano 2024, que por mor do mal tempo fora adiado.  Foi un acto de homenaxe á grande Luisa Villalta.

O alumnado maior foi o encargado de presentar e dirixir o acto que deu comezo cunha amena biografía da autora contada polos nenos e nenas de 5º.

Seguimos cun recitado de poemas en lembraza das 6 mulleres ás que se lle ten dedicado o día das Letras Galegas: Rosalía de Castro, Francisca Herrera, María Mariño, Mª Victoria Moreno, Xela Arias e a homenaxeada de hoxe, Luisa Villalta. Os protagonistas son agora unha representación do alumndo de Primaria, dende 1º ata 6º. Despois fíxose a entrega de premios do Concurso das Letras. O agasallo, un libro! Parabéns aos premiados e a todos os participantes!

E xa para rematar fixemos todos xuntos o baile do Pesiño de Leilía. Que divertido!

 QUEREMOS COIDAR O NOSO IDIOMA, FALEMOS GALEGO!!!

O pasado 24 de maio o alumnado do 1º Ciclo de Educación Primaria visitou a biblioteca municipal do Concello de Oroso situada no centro cultural Fernando de Casas e Novoa.

Na sala infantil estiveron ollando contos, álbums ilustrados e cómics. Tras a visita os/as nenos/as participaron nun contacontos.