Inicio › Arquivo mensual

Maio 2017

Homenaxe a Carlos Casares

Mar, 16/05/2017 - 07:18 — admin

O alumnado de sexto curso participou no homenaxe a Carlos Casares, que organizou a Concellería de Cultura do Concello de Ourense, o 15 de maio na Praza de San Martiño.

Durante o acto, o alumnado dos centros presentes deu lectura a diversos contos do autor. Como actividade central participamos nunha versión didáctica do conto da "Galiña azul" que encandilou ao público presente.

Como remate do acto, entonamos o Himno galego coa axuda de membros da Escola de música do Concello. 

VI Concurso de poesía do Círculo poético Ourensán

Lun, 15/05/2017 - 12:26 — admin

O 29 de abril falláronse os premios da VI edición do Círculo poético ourensán que este ano tiñan que versar sobre "Sentimentos na escola".

Un alumno do noso centro, Diego J. García González, resultou finalista, polo que o seu traballo formará parte da antoloxía que será publicada para a próxima edición do concurso. Esta, estará formada polos 20 mellores poemas de Ed. Primaria e os 20 mellores de ESO.

O evento tivo lugar no Salón de Actos da Biblioteca Pública de Ourense, quedándose pequeno para acoller ao numéroso público presente no acto que estivo presidido pola directiva do Círculo poético.

Asemade, tamén se entregou o poemario "Inspiracións" cos poemas finalistas da "V edición do concurso" do ano pasado, no cal hai dous poemas creados polos alumnos do noso centro Diego García González e María López Randolfe.

Pescudando sobre o autor homenaxeado nas Letras Galegas

Ven, 12/05/2017 - 19:00 — admin

Imos realizar unha gincana sobre o autor homenaxeado nas Letras Galegas 2017. Para elo empregaremos códigos QR e tablets.

Para resolver todas as preguntas da gincana, teredes que ir resolvendo as cuestións que se propoñen. Nos códigos QR atoparedes a información e pistas necesarias para a súa resolución.

Unha vez resolta a pregunta iredes compretando o formulario que se achega ao final desta nova.

Cuestións:

Pista 1

  • Quen é o escritor homenaxeado nas Letras Galegas 2017?
  • Cando naceu?
  • En que vila viviu de pequeno?

Pista 2

  • Como se chama a editorial do libro?
  • Quen a dirixiu desde 1985 ata 2002?

Pista  3.1      3.2

  • Como se chama o protagonista do libro?
  • Cal é o nome da súa mellor amiga?

Pista  4.1       4.2

  • Cidade que visita o protagonista?
  • Que museo visita o protagonista nesta cidade?

Pistas  5.1     5.2

  • De que libro falamos?
  • Como se chama o invento do protagonista?

 

FORMULARIO

 

 

ACTIVIDADES DE LECER PARA OS QUE REMATEN

Un viaggio a colori

Mér, 10/05/2017 - 13:17 — admin

O 10 maio foi a data que escollemos para presentar todos os nosos traballos en relación a Italia e como colofón ao noso proxecto de biblioteca deste ano : "O Sueiro onde a lectura é arte".

Para tal ocasión, estaba previsto que o Cónsul de Italia, Sr Francesco Milani, presidise o acto, pero, por motivos de saúde, non foi posible a súa asistencia ao mesmo.

O programa de actuacións foi o seguinte:

  • Traballo realizado polo alumnado de 3º curso de Ed. Primaria sobre a Ópera, centrándose na obra de Donizetti "L'Elisir de amore".
  • Os nenos e nenas de 2º de Ed. Primaria, coa colaboración  dalgúns extras de 3º, representaron o conto de Carlo Lorenzini: "Pinocho".
  • O alumnado de Relixión expuxo o seu traballo sobre a Capilla Sixtina.
  • Os máis pequenos do cole desprazáronse ata a cidade das canles: "Venezia" para coñecer o seu Entroido.
  • O alumnado de 6º de Ed. Infantil viaxou ata Vinci para para pescudar sobre a "Mona Lisa" e o seu autor, Leonardo.
  • E para rematar, os compañeiros de 1º, 2º e 3º de Ed. Primaria presentáronnos o "Viaggio a colori" que lles tocou vivir en Siena coa interpretación da canción "Io sono un bambino".

GALERÍA DE IMAXES