Este curso é unha das novidades do plan anual de formación do profesorado da familia de Informática e Comunicacións no presente curso 2014-15, substituíndo a actividade do plan anterior: "Acceso a datos en Java". Xurde como resposta á necesidade de contar cos fundamentos da linguaxe de programación orientada a obxectos Java para poder posteriormente abordar outras temáticas relacionadas, como por exemplo a programación de aplicacións web e a das aplicacións para o sistema operativo Android.

Data de comezo: 27/10/2014

Data de finalización: 7/12/2014

Lugar de celebración: Platega

Número de horas totais: 30

Ligazón a FPROFE: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=61015

Ligazón á aula virtual: http://www.edu.xunta.es/platega/course/view.php?id=2848

Por segundo ano consecutivo e dentro da oferta formativa dirixida a todo o profesorado de FP, ofrécese esta actividade que pretende achegar ao profesorado estratexias e procedementos que poidan ser de axuda nas tarefas docentes do profesorado de FP.

Ofertaranse dúas actividades cos mesmos contidos e relatores que se celebrarán no primeiro trimestre: unha no CFR de Vigo en horario de tarde, e outra no CAFI en horario de mañá. O obxectivo e que o profesorado que nas anteriores edicións non tivo a oportunidade de participar por incompatibilidade horaria, poida facelo desta vez.

Aínda que o título, obxectivos e duración da actividade seguen a ser os mesmos cos da anterior edición, a actividade foi obxecto dunha profunda revisión dos contidos, froito das demandas e suxestións transmitidas polo profesorado que participara na anterior edición. Nesta ocasión intervirán novos relatores que aportarán a súa experiencia nas novas temáticas que se van a tratar:

• Metodoloxías docentes innovadoras, centrado no uso de ferramentas informáticas gratuítas e cun enfoque práctico.
• Xestión de emocións, tratando o aspecto psicolóxico do alumnado de FP na aula.

Programa da Actividade

Metodoloxías docentes innovadoras (6 horas, 2 sesións)
    Como usar de xeito seguro as memorias USB no instituto?
    Ferramentas na nube. Sincronización de documentos entre o centro e o ordenador da casa
    Ferramentas na nube de Google
    Aplicación á metodoloxía didáctica
        Creación de formularios (recopilación de datos, fichas de alumnos, etc)
        Fotocopiadora virtual (compartir documentos)
        Caderno de avaliación (seguimento de faltas e avaliación)
     Caso práctico
       Elaboración da listaxe de alumnos
       Práctica de xestión de documentos na nube
       Compartir documentos entre alumnos
       Elaboración de criterios de avaliación
       Avaliación de traballos de aula e de probas escritas
       Elaboración de enquisas de valoración do alumno

Dinamización do traballo na aula (3 horas, 1 sesión)
    As dinámicas de grupo aplicadas á formación
    Características e funcionamento dos grupos.
    Técnicas de formación de grupos
    Dinámicas para gran grupo
    Dinámicas para pequeno grupo
    Elección das técnicas:
        Técnicas de presentación.
        Técnicas divisorias.
        Técnicas para fomentar a participación.
        Técnicas de planificación.
        Técnicas de discusión e obtención de ideas
        Outras

Xestión de emocións (3 horas, 1 sesión)
    Coñecer ás persoas coas que traballamos
        Necesidades básicas
        Estilos parentais e docentes
    O plano afectivo persoal:
        Coñecemento das emocións propias e alleas
        Axeitada valoración de si mesm@
        Autocontrol
        Flexibilidade
        Motivación de logro
        Demora da gratificación
    Cohesión de grupo:
        Escoita activa
        Regras do xogo
        Habilidades sociais
        Xogos cooperativos
    O plano afectivo interpersoal
        Empatía
        Aproveitamento da diversidade
        Resolución de conflitos

Metodoloxías de avaliación da FP (3 horas, 1 sesión)
    Instrumentos e técnicas de avaliación segundo os obxectivos e tipos de aprendizaxe   
        Técnicas e instrumentos para avaliar coñecementos teóricos
        Técnicas e instrumentos para avaliar habilidades e destrezas
        Técnicas e instrumentos para avaliar comportamentos e actitudes
    A autoavaliación da práctica docente.
        Avaliación da acción formativa
        Instrumentos para la avaliación das competencias docentes

Traballo cooperativo e por proxectos (4 horas, 1 sesión)
    Delimitación do concepto didáctico de proxecto.
    Estratexias de traballo cooperativo
    Xestores de proxecto: concepto e clasificación
    Aplicación didáctica: utilización dun xestor nun proxecto.
 

Data de comezo: 13/10/2014

Data de finalización: 18/11/2014

Lugar de celebración: Centro Autonómico Formación e Innovación

Número de horas totais: 20

Ligazón a FPROFE: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=61034

Ligazón á aula virtual: http://www.edu.xunta.gal/centros/cafi/aulavirtual/course/view.php?id=382

Referencia: G1401015
Centro de formación e recursos: CAFI
Temporalización:  23/09/2014  -  14/10/2014
Data límite de inscrición: 15/09/2014
Lugar: En rede
Prazas:  50

Criterio de selección: Figurar en XADE como que no curso actual se vai a impartir docencia nalgún módulo dun ciclo LOE da FP.

Obxectivos:

1.Coñecer o proceso de desenvolvemento curricular. Título, currículo e programación.

2.Coñecer a aplicación informatica para a elaboración de programaións LOE

3.Elaborar a programación de unha unidade didáctica de un módulo LOE

Contidos:

1.Títulos e currículos de FP LOE

2.Procedemendo de elaboración de programacións LOE.

3.Aplicación informática para a elaboración de programacións en Formación Profesional.

Titores:

Nicolás Espasandín Gerpe

Xosé Romarís Lens

Asesor responsable da actividade:

Xosé Antón Vicente Rodríguez

Ao igual que en anos anteriores, volverase a desenvolver a actividade “Servizos de virtualización tipo I e tipo II. Técnicas de alta dispoñibilidade”, curso en rede programado para o  profesorado das familias de Informática e comunicación e Electricidade e Electrónica.

Obxectivos deste curso:

1.Identificar e utilizar as distintas técnicas de virtualización: Tipo I e Tipo II. Xestionar e configurar ferramentas de virtualización de tipo I e tipo II.
2.Instalar, configurar e manipular máquinas virtuais en ferramentas de virtualización de tipo I e tipo II. Despregar técnicas de backup de máquinas virtuais.
3.Despregar sistemas de almacenamento remoto e redes multicamiño para implementar sistemas en alta dispoñibilidade.

Contidos do curso:

1.Introdución á virtualización. Instalación de VirtualBox e configuración de máquinas virtuais de escritorio.
2.Manexo avanzado e virtualización de servizos con VirtualBox.
3.Técnicas de almacenamento remoto: CIFS, NFS e iSCSI. Implementación con ferramenta NAS.
4.Ferramentas para virtualización de servizos. Introdución a Xen Server. Características e instalación.
5.Instalación e configuración de máquinas virtuais con Xen Server.
6.Técnicas de alta dispoñibilidade con Xen Server.

A actividade estenderase durante 7 semanas. Durante ese tempo deberanse completar as tarefas que os titores propoñan. Como axuda estarán dispoñibles a través do email e dos foros para contestar dúbidas e resolver problemas, e ademais haberá documentación de axuda colgada na mesma aula virtual. Para recibir a certificación correspondente, debe facerse correctamente o mínimo das tarefas que os titores establezan.
Como é un curso en rede, cada participante pode conectarse á aula virtual no tempo e horario que considere oportuno: o importante é entregar as tarefas correctas e en tempo.

Data de comezo:6 outubro 2014

Data de finalización:12 decembro 2014

Duración do curso:50 horas

Enlace a Fprofe:

https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=61019

Centro de formación e recursos: CAFI
Data límite de inscrición: 19/09/2014
Lugar: Salón de Actos do CIFP Compostela (Lamas de Abade, s/n)
Prazas: 50

Horas: 12 horas

DATAS: 8,15,22 e 29 de outubro (horario 18:00-21:00 horas)

Destinatarios:

597031 - Mestres. Educación infantil

597038 - Mestres. Primaria

Obxectivos:

• Coñecer estratexias metodolóxicas para traballar a oralidade.

• Valorar a lingua oral como medio de expresión e comunicación

• Presentar propostas motivadoras para fomentar o hábito lector

Contidos:

• Expresión corporal e musical.

• Contos,cantigas, poemas, refráns e lendas

• A dramatización

Información: Departamento Infantil e Primaria CAFI

Xúntase o Decreto 107/2014, do 4 de setembro, polo que se regulan aspectos específicos da formación profesional básica das ensinanzas de formación profesional do sistema educativo en Galicia e se establecen vinte e un currículos de títulos profesionais básicos