eTwinning é unha ferramenta para facilitar a inclusión na aula de metodoloxías innovadoras. Calquera participante pode usar esa ferramenta como considere conveniente e desenvolver con ela os enfoques que desexe experimentar. Con todo, algúns destes enfoques encaixan e aproveitan mellor as posibilidades que ofrece a plataforma. Cando se deseñan as funcionalidades e as ferramentas, cando se planifica o asesoramento a docentes ou cando se destacan algúns proxectos, estas metodoloxías están presentes. Entre elas, debemos destacar a Aprendizaxe Baseada en Proxectos (ABP) e, como veremos, prestarémoslle unha especial atención á colaboración entre o alumnado de distintos centros.

A colaboración é o aspecto fundamental para desenvolver un bo proxecto eTwinning e é a clave para o seu éxito. Colaborar non é realizar as actividades de maneira paralela nos respectivos centros, con resultados independentes. Mesmo se nos comunicamos e nos mostramos eses produtos finais. Nin sequera estaremos a colaborar se sumamos os produtos e os presentamos como un único produto final. Por estas respostas e moitas outras que nos poidan xurdir, imos debullar o que é colaborar e aprenderemos regras de ouro para o éxito nun proxecto eTwinning.

• Código da actividade: S2303015
• Datas:
• 23 de maio de 16:30 a 20:30: 'ESEP, eTwinning e ABP' con Susana Vázquez Regueiro e Yolanda Barallobre Ferreño
• 24 de maio de 17:00 a 19:00: 'Boas prácticas, actividades e dinámicas' con Carmen Fernández Rodríguez
• 30 de maio de 16:30 a 20:30: 'Proxectos eTwinning, TwinSpace e criterios de calidade' con Susana Vázquez Regueiro e Yolanda Barallobre Ferreño
• 31 de maio de 17:00 a 19:00: 'Boas prácticas, actividades e dinámicas' con Carmen Fernández Rodríguez
  •  

O vindeiro curso escolar 2024-25 comezará o día 11 de setembro de 2024 e rematará o 20 de xuño de 2025. Este calendario, que publica o Diario Oficial de Galicia rexe para todas as etapas educativas. No caso de 2º curso de Bacharelato as clases rematarán de acordo coas datas previstas para a avaliación de acceso á universidade, ABAU.

Canto ás vacacións escolares, haberá tres períodos que son o de Nadal, do 23 de decembro de 2024 ao 7 de xaneiro de 2025, ambos inclusive; o do Entroido os días 3, 4 e 5 de marzo de 2025, e o de Semana Santa, do 14 ao 21 de abril de 2025. Tampouco serán días lectivos os declarados festas de ámbito estatal e os festivos oficiais da Comunidade Autónoma así como o Día do Ensino, que se celebrará o 31 de outubro.

A orde de calendario tamén recolle que para o vindeiro curso, as probas de avaliación de diagnóstico fixadas polo Goberno do Estado a través da LOMLOE para 4º curso de Primaria e para 2º de ESO realizaranse entre o 1 e o 11 de abril de 2025.

Canto ao período de adaptación para o alumnado de 4º curso de Educación Infantil,  os centros poden optar por unha incorporación gradual que non se prolongará máis aló do 17 de setembro. 

No que atinxe ao servizo de comedor escolar, en todos os centros públicos funcionará desde o 11 de setembro de 2024 ata o 20 de xuño de 2025, ambos inclusive. 

https://www.xunta.gal/dog/Publicados/2024/20240423/AnuncioG0655-150424-0003_gl.html

Un lector vive mil vidas antes de morrer.

O que nunca le vive só unha.

Non é a primeira vez que falamos sobre adiccións pero esta vez facémolo da man dun experto naquelas que non son substancias. Como funciona a adicción ao xogo? Podemos ser adictos aos videoxogos? Que son os casinos sociais? Como podemos protexernos fronte a estes perigos?

Para iso imos contar con José César Perales, que é catedrático do Departamento de Psicoloxía Experimental da Universidade de Granada. Doutorouse en Psicoloxía na mesma universidade, e traballou como investigador de posdoutoramento na University College London (Reino Unido). Investiga sobre as causas dos problemas co xogo de azar e outras adiccións desde hai máis de 15 anos. Colabora coa Asociación Granadina de Xogadores de Azar en Rehabilitación (AGRAJER) en labores de asesoría e divulgación. É editor asociado das revistas Addictive Behaviors e International Gambling Studies.

Daquela, se queres saber algo sobre Mitos e evidencias sobre o uso intensivo de dispositivos e aplicacións na Rede, marca na túa axenda o vindeiro xoves 2 de maio ás 18:00h no Edificio Cinc da Cidade da Cultura.

OBXECTIVOS:
1.Compartir prácticas verbais e non verbais na aula e na comunidade educativa con sentido estético.
2.Desenvolver recursos e estratexias de apoio para a mediación lingüística.
3.Aprender a conectar coa emoción desde a técnica discursiva.

CONTIDOS:
1.Estratexias orais para a mellora dos procesos de ensino-aprendizaxe de linguas.
2.Optimización do uso de soportes complementarios á fala en distintos contextos.
3.Estratexias de apoio para a mediación lingüística.

ENFOQUE E FORMATO DO EVENTO:
O enfoque do evento procura atender ao desenvolvemento da competencia comunicativa de todo o profesorado, desbotando a idea de que o público base deste tipo de obradoiros sexa só de especialidade lingüística.
Así, o profesorado asistente de todos os corpos e especialidades poderá atopar cuestións de interese para desenvolver: as súas habilidades verbais, tanto en linguas cooficiais coma en linguas estranxeiras, pensando na aula e tamén na comunidade educativa; as non verbais; as persuasivas e de sentido estético; e as de mediación lingüística, cuestión moi relevante para todo o profesorado.
A estrutura do evento procura responder ao enfoque práctico do seu deseño. Por iso, toda a xornada está constituída por sesións simultáneas que responden a un formato obradoiro ou a un formato charla con alto carácter práctico/dialóxico.

O novo marco de competencias profesionais docentes brinda a oportunidade de unir sinerxías entre distintas especialidades arredor do fornecemento da competencia comunicativa do profesorado de todas as áreas / materias.
OBXECTIVOS:
1.Compartir prácticas verbais e non verbais na aula e na comunidade educativa con sentido estético.
2.Desenvolver recursos e estratexias de apoio para a mediación lingüística.
3.Aprender a conectar coa emoción desde a técnica discursiva.
CONTIDOS:
1.Estratexias orais para a mellora dos procesos de ensino-aprendizaxe de linguas.
2.Optimización do uso de soportes complementarios á fala en distintos contextos.
3.Estratexias de apoio para a mediación lingüística.
INDICADORES COMPETENCIAIS:
Competencia comunicativa - Comunicación non verbal - Básico - Aplica estratexias variadas de linguaxe non verbal para ampliar e clarificar mensaxes verbais.
Competencia comunicativa - Comunicación non verbal - Básico - É consciente do valor semántico da posición e do movemento corporal na comunicación.
Competencia comunicativa - Comunicación non verbal - Básico - Organiza o seu corpo e a súa xestualidade para acompañar e harmonizar o discurso.
Competencia comunicativa - Comunicación verbal - Básico - Acompaña as interaccións entre o alumnado, facilitando, proporcionando realimentación e recursos para a mellora
Competencia comunicativa - Comunicación verbal - Básico - Adapta a comunicación ás necesidades do contexto e das persoas interlocutoras, alternando entre diferentes códigos verbais segundo sexa preciso
Competencia comunicativa - Linguas maternas e estranxeiras - Básico - Emprega as dúas linguas maternas na súa comunicación, segundo as necesidades do alumnado e en contextos non regulados normativamente.
1
Competencia comunicativa - Linguas maternas e estranxeiras - Básico - Manexa estratexias básicas comunicativas en linguas estranxeiras curriculares para comunicarse e interactuar co alumnado segundo as súas necesidades.
Competencia comunicativa - Mediación lingüística. Recursos e estratexias de apoio - Básico - Adapta, parafrasea e transmite os aspectos esenciais do proceso de ensino-aprendizaxe ao alumnado e ás familias
Competencia comunicativa - Mediación lingüística. Recursos e estratexias de apoio - Básico - Coñece e importancia da comunicación aumentativa na relación co alumnado con necesidades específicas de apoio educativo
Competencia comunicativa - Mediación lingüística. Recursos e estratexias de apoio - Básico - Recoñece as dificultades lingüísticas e comunica a natureza do problema con linguaxe axeitada ao nivel do alumnado
Competencia comunicativa - Sentido estético, dramático e capacidade de emocionar - Básico - Coñece diferentes linguaxes e/ou canles comunicativas que conectan coa realidade do alumnado no seu contexto socioeducativo
Competencia comunicativa - Sentido estético, dramático e capacidade de emocionar - Básico - Entende a necesidade de xerar interaccións variadas con diversos elementos narrativos que manteñan a atención e a persistencia na tarefa proposta en cada momento
ENFOQUE E FORMATO DO EVENTO:
O enfoque do evento procura atender ao desenvolvemento da competencia comunicativa de todo o profesorado, desbotando a idea de que o público base deste tipo de obradoiros sexa só de especialidade lingüística.
Así, o profesorado asistente de todos os corpos e especialidades poderá atopar cuestións de interese para desenvolver: as súas habilidades verbais, tanto en linguas cooficiais coma en linguas estranxeiras, pensando na aula e tamén na comunidade educativa; as non verbais; as persuasivas e de sentido estético; e as de mediación lingüística, cuestión moi relevante para todo o profesorado.
A estrutura do evento procura responder ao enfoque práctico do seu deseño. Por iso, toda a xornada está constituída por sesións simultáneas que responden a un formato obradoiro ou a un formato charla con alto carácter práctico/dialóxico.

Curso dirixido a todo o profesorado que desexa internacionalizar o seu centro educativo a través de eTwinning ou Erasmus+

A internacionalización é clave para diferenciarse, hox, como centro escolar. Ademais de ser unha puerta cara ao futuro inmediato da Educación,  achega valor engadido á oferta educativa dun centro e, polo tanto, o sitúa en posición vantaxosa. Pero, como iniciar un proceso de internacionalización nun centro escolar?

Mércores, 24 de abril

Relatora: Beatriz Tourón

Xoves, 25 de abril

Relator: Andrés Ajo

Mércores, 15 de maio

Relatores: Beatriz Tourón e Andrés Ajo

Mércores, 22 de maio

Álex Varela (CEIP Mesón do Vento)

Susana Vázquez (IES Poeta Díaz Castro)

Xoves, 23 de maio

Fran Ávila (CEIP Camiño Inglés)

Teresa Santamarina (IES de Arzúa)

Mércores, 29 de maio

Begoña Codesal (CEIP Ponte dos Brozos)

Josefa Pérez (IES Xesús Taboada Chevite)

Sesións a través de videoconferencia (Webex) de 17 a 19:30 horas.

Carmen Martin Gaite escribiu e viviu ao redor de San Lourenzo de Piñor durante os seus veráns. Os seus avós maternos eran de Allariz e tiñan unha propiedade neste núcleo de Barbadás onde pasaban varios meses ao ano. O sinal que deixou esta terra está moi presente na súa obra. E polos espazos vinculados á súa memoria e ás lembranzas daqueles veráns da súa infancia discorrerá o recorrido do roteiro literario.

• Relator: David González Couso
• Data: 1 de xuño de 2024
• Lugar: Piñor
• Código en fprofe: G2303005

Os centros educativos desenvolven actividades en contornas dixitais nos que participan menores. Esta situación, e a súa conexión ca garantía dos dereitos fundamentais, esixe que profesorado e alumnado estean formados no eido da protección de datos persoais, privacidade e seguridade xa que estes elementos están relacionados directamente co benestar dixital. A evolución democrática da nosa sociedade depende tamén destes elementos e os poderes públicos autonómicos deben traballar a prol desta específica formación.

• Relatores: Lorena Casal Otero e José Julio Fernández Rodríguez
• Datas: 15 de abril, 2-8-15 de maio
• Horario: 17:00 a 20:00
• Duración: 20 horas (12+8)⏳
• Podes asistir por videoconferencia ou presencialmente