Gallego

O CAFI deséxavos felices festas

Summary: 

O CAFI deséxavos felices festas
Gallego
O CAFI deséxavos felices festas
O CAFI deséxavos felices festas

Cursos de formación sobre ensino mixto

Summary: 

A situación de emerxencia de saúde pública ocasionada pola Covid-19 esixiu facer modificacións de calado profundo na práctica educativa en tempo récord. Este curso é resultado dun proceso de sondaxe e investigación levado a cabo co fin de proporcionar ideas para o deseño de experiencias de aprendizaxe significativas ao tempo que flexibles. É dicir, dada unha situación de incerteza (como a actual ou outras que poidan ocorrer no futuro), o ensino mixto, abordado desde equipos coordinados horizontalmente, pode proporcionar a flexibilidade necesaria para garantir a continuidade da práctica educativa, ben sexa nun espazo presencial ou virtual.
Gallego

Tal e como se adiantou na presentación do Plan de Formación do Profesorado 2020/2021, a Rede de Formación do Profesorado, en colaboración con docentes de distintos sectores educativos, deseñou unha acción formativa orientada á aprendizaxe de dinámicas e recursos específicos que faciliten o paso dun ensino presencial a un ensino semipresencial ou a distancia.

Con este obxectivo, neste primeiro trimestre ofértanse seis cursos na Rede (Platega) de 50 horas, adaptados ás características específicas dos diferentes sectores:

  • Ensino mixto para educación infantil (G2001037)

  • Ensino mixto para educación primaria (G2001038)

  • Ensino mixto para educación secundaria (G2001039)

  • Ensino mixto para educación das persoas adultas (G2001036)

  • Ensino mixto para formación profesional (G2001040)

  • Ensino mixto para persoal de atención á diversidade (G2001041)

A inscrición realizarase a través de Fprofe (con data límite do 15 de setembro), empregando o código correspondente (www.edu.xunta.es/fprofe/).

Imaxe: Listaxe dos códigos dos cursos Platega de ensino mixto

Plan anual de Formación do Profesorado 2019/20

Summary: 

Plan Anual de Formación do Profesorado para o curso 2019/20
Gallego

Xa se pode consultar o Plan Anual de Formación do Profesorado correspondente ao curso 2019/20.

Para consultas e inscricións en actividades formativas do vindeiro curso, cómpre entrar en www.edu.xunta.es/fprofe

Descarga aquí o plan:

Plan Anual de Formación do Profesorado 2019/20
Plan Anual de Formación do Profesorado 2019/20

Plan anual de Formación do Profesorado. 2019/20

Gallego

Summary: 

Plan Anual de Formación do Profesorado para o curso 2019/20

Xa se pode consultar o Plan Anual de Formación do Profesorado correspondente ao curso 2019/20.

Para consultas e inscricións en actividades formativas do vindeiro curso, cómpre entrar en www.edu.xunta.es/fprofe

Plan Anual de Formación do Profesorado 2019/20
Plan Anual de Formación do Profesorado 2019/20

Premios internacionais de alfabetización da UNESCO 2019

Summary: 

Convocatoria dos Premios internacionais de alfabetización da UNESCO 2019
Gallego

Xa poden presentarse candidaturas para os Premios Internacionais de Alfabetización da UNESCO, edición de 2019.

Estes premios valoran a excelencia e a innovación no campo da alfabetización, desde  1967. Recoñecéronse máis de 490 proxectos e programas emprendidos por gobernos, organizacións non gobernamentais e persoas de todo o mundo.

Cada ano, os premios organízanse arredor dun tema específico. O enfoque deste ano é sobre "Alfabetización e multilingüismo".

Estes premios compóñense actualmente dos dous Premios UNESCO de Alfabetización Rey Sejong, patrocinados pola República de Corea e dos tres premios UNESCO-Confucio de Alfabetización, patrocinados pola República Popular China.

O proceso de nominación levarase a cabo a través dunha plataforma na Rede. Os solicitantes poden acceder ao formulario de solicitude na Rede solicitando a creación dunha conta de usuario a través desta ligazón: www.unesco.org/ilp/account.

A data límite para as nominacións é o domingo 23 de xuño de 2019.

Tamén atopará información relevante no sitio web dos Premios Internacionais de Alfabetización da UNESCO: http://en.unesco.org/themes/literacy/prizes

Calquera consulta relacionada co proceso de solicitude e nominación debe dirixirse á Secretaría dos Premios Internacionais de Alfabetización da UNESCO (teléfono: +33 1 45 68 08 59; correo electrónico: literacyprizes@unesco.org ).

 

UNESCO
UNESCO

Convocatoria dos cursos de verán 2019 MEFP - UIMP

Summary: 

Vén de publicarse a convocatoria dos cursos de verán 2019 do Ministerio de Educación y Formación Profesional en colaboración coa Universidade Internacional Menéndez Pelayo
Gallego

Trala publicación no BOE, o pasado día 9 de abril, vén de abrirse o prazo para presentar a solicitude de participación nalgún dos cursos de verán que parten do Ministerio de Educación y Formación Profesional, en colaboración coa UIMP (Universidade Internacional Menéndez Pelayo). Trátase dunha iniciativa cunha ampla traxectoria dentro da formación do profesorado. Este año inclúe catorce cursos de formación. Todos eles contemplan 30 horas presenciais no mes de xullo e, ademais, dez deles inclúen unha fase na Rede de 20 horas que se levará a cabo de setembro a novembro.

Estes cursos supoñen unha excelente oportunidade para que os docentes das distintas comunidades autónomas intercambien experiencias e coñecementos, o que supón, ademais dunha extraordinaria experiencia formativa, unha enriquecedora experiencia a nivel persoal.

Incluíronse nesta ocasión unha ampla variedade de temáticas, que cobren desde o pensamento computacional á coeducación, pasando polos proxectos colaborativos ou os recursos educativos abertos. Esta é a listaxe concreta:

 

Semana do 1 ao 5 de xullo

  • Sevilla: “Os espazos naturais como recursos educativos”
  • Madrid: “Metodoloxías innovadoras para unha nova escola (no centenario do Instituto-Escuela)”
  • Valencia: “Un REA é para sempre. Educación Aberta na aula”
  • Santander: “Aulas pola igualdade: o valor de coeducar”
  • Huesca: “Proxectos colaborativos en contextos plurilingües”
  • A Coruña: “FP e innovación tecnolóxica. Industria 4.0”
  • A Coruña: “Estratexias para a innovación metodolóxica nos ciclos formativos de FP”

 

Semana do 8 ao 12 de xullo

  • Madrid: “A arte como recurso educativo”
  • Tenerife: “Achégate ao Cosmos”
  • Sevilla: “Pensamento computacional e Intelixencia Artificial: de cero a cen nun verán”
  • Cuenca: “O papel de FOL (Formación e Orientación Laboral) e EIE (Empresa e Iniciativa Emprendedora) nos títulos de FP”
  • Santander: “A educación de persoas adultas. Máis alá dunha visión compensatoria”
  • A Coruña: “Aprendizaxe activa e significativa en clases STEM”
  • Valencia: “Avanzando cara a prácticas inclusivas nos centros escolares”

 

Para realizar a solicitude, os interesados deberán acceder á seguinte páxina: http://www.educacionyfp.gob.es/servicios-al-ciudadano-mecd/catalogo/educacion/profesorado/profesorado-no-universitario/cursos-y-jornadas/cursos-verano-profesorado.html. Nela poden verse tanto o texto da propia convocatoria, cos pasos a seguir para a solicitude, como a descrición dos distintos cursos. Ademais, pode consultarse a entrada do blog co anuncio: https://intef.es/Blog/cursos-de-verano-2019. O prazo de solicitudes finaliza o 9 de maio ás 12 horas.

 

Existe un cancelo oficial de Twitter para la convocatoria: #MEFP_UIMP2019.

 

Cursos Verán MEFP - UIMP
Cursos Verán MEFP - UIMP

Felicitación de Nadal 2018

Summary: 

O CAFI deséxavos unhas felices festas!
Gallego
Felicitación de Nadal 2018
Felicitación de Nadal 2018

Materiais ESERO dispoñibles para o préstamo

Summary: 

Xa tedes á vosa disposición no CAFI a maleta cos materiais ESERO: Ingeniero de astronaves.
Gallego

Xa tedes á vosa disposición no CAFI  a maleta cos materiais ESERO: Ingeniero de astronaves. Trátase dun recurso desenvolvido pola ESA (Axencia Espacial Europea) co que o alumnado poderá investigar sobre as propiedades dos materiais: condutividade, magnetismo, resistencia a impactos… e seleccionar os idóneos para as diferentes partes dunha nave espacial.  

A maleta pódese solicitar por períodos de dúas semanas enviando un correo dende a dirección do teu centro ao CAFI (cafi@edu.xunta.es) indicando as posibles datas solicitadas e unha persoa de contacto para xestionar con ela o préstamo en función da dispoñibilidade.

Para calquera consulta ou aclaración contacta connosco a través de: cafi.formacion@edu.xunta.es

Materiais ESERO
Materiais ESERO

ESERO. Do espazo á aula

Summary: 

ESERO é un proxecto de educación da Axencia Espacial Europea (ESA). O día 20 de outubro teremos a ocasión de coñecer de primeira man, dos seus responsables en España, unha ampla variedade de recursos e materiais didácticos dirixidos ao ámbito STEM. Inscríbete en Fprofe! Código da actividade: G1803005
Gallego

Referencia: G1803005

Forma de participación: Presencial

Modalidade: Encontros

Competencias profesionais:

Competente en TIC - Dispositivos.

Investigador/a e innovador/a - Realización e execución de propostas.

Centro de formación e recursos: CAFI

Lugar de celebración: Edificio Cinc da Cidade da Cultura - Santiago de Compostela

Temporalización: 20/10/2018

Data límite de inscrición: 08/10/2018

Prazas:  150

Horas totais: 8

Destinatarios:

Todas as ensinanzas

Corpos e especialidades:

Todos os corpos

Obxectivos:

1.Coñecer as posibilidades dos recursos ESERO na aula

Contidos:

1.Recursos ESERO nos distintos niveis educativos.

2.Utilización de recursos ESERO na aula e innovación.

3.Recursos multilingües ESERO

Esero. Do espazo á aula
ESERO. Do espazo á aula.

Visita de alumnado universitario

Summary: 

O pasado día 23/11/17 o CAFI tivo o pracer de recibir á profesora Dolores Fernández Tilve e ao seu alumnado.
Gallego

O pasado 23/11/2017 o CAFI tivo o pracer de recibir á profesora Dolores Fernández Tilve e ao seu alumnado nunha visita de máis de dúas horas. Ao igual que outros anos o director do CAFI, Ángel Rodríguez Sánchez e o asesor do departamento de Formación e Innovación, Jesús Calvo Mallón, presentaron o sistema de formación permanente de profesorado da Rede de Formación da Consellería. Ademais de explicarlles as diferentes modalidades formativas e focos prioritarios de formación, tamén tiveron oportunidade de presentarlles o Modelo de Competencias Profesionais Docentes da Rede, así como o Marco Común de Competencias Docentes que o CAFI está desenvolvendo no seo dunha alianza internacional ao abeiro do programa Erasmus+. 

Visita de alumnado universitario
Visita de alumnado universitario