Taboleiro

A de Inditex é unha cita anual moi esperada polo alumnado, que se mostra moi ilusionado, as súas expectativas sempre quedan satisfeitas e salientan o enriquecedor da experiencia. Este ano fomos a Arteixo o luns 13 de maio o alumnado de 2º de bacharelato da materia de Economía da Empresa, e algún máis de Fundamentos de Administración e Xestión, ata alcanzar os 20 de cupo máximo coas profesoras, agradecemos moito a Mª José Carral Río que nos acompañase de tan bon grado.

Foi un día especial porque ademais era o último de clase antes de fin de curso así que aproveitei para desexarlles moita sorte.

Aquí tedes unha mostra gráfica da viaxe cara a Inditex, do final da visita e da volta.

Este curso todo o alumnado de Economía e tamén o de Historia da arte asistiu a unha exposición moi interesante e que ata o 7 de xaneiro pode visitarse de xeito individual na carpa de "La Caixa", sita na Praza Horta do Seminario.

O 23 de novembro foron os de 1º de bacharelato, o 19 de decembro os de 4º da ESO e o 21 de decembro os de 2º de bacharelato. Puidemos coñecer aspectos como a innovación, creación, produción e evolución de obxectos cotiáns que en realidade supoñen grandes avances e por iso poden considerarse como heroes xeniais: o Lego, a fregona, o pos-tit, as latas de conservas, o bolígrafo Bic, o velcro, as tiritas... Hai ata 28 dos máis de 40 obxectos que compoñen a exposición orixinal do Vitra Design Museum. O alumnado tamén puido desfrutar realizando actividades preparadas para analizar as necesidades que cubren os obxectos e facer unha práctica do método canvas ineractiva.

O 6 de abril na biblioteca, e mediante videoconferencia, a aula de 4º da ESO B puido compartir coa profesora e o alumnado de Economía do IES As Barxas de Moaña as súas experiencias e actividades de educación financeira. A actividade foi organizada por ADICAE e agradecemos á súa coordinadora en Galicia Ana Belén Folgar e á profesora Mª José Soto a súa boa disposicoón e participación.

Hoxe visitamos a central en Arteixo de Inditex e, coma sempre, asombrounos a historia e a magnitude deste xigante empresarial que temos a sorte de ter perto. A visita foi moi intensa e enriquecedora.

Á volta, os "visitantes" quedamos inmortalizados na imaxe que aparece abaixo, o alumnado de Economía da empresa de 2º da bacharelao, e Milagros, profesora do centro que nos acompañou este ano.

Como xa sabemos, un grupo da materia Obradoiro de Iniciativas Emprendedoras de 4º da ESO, quedou na súa categoría como gañadores provinciais no concurso da ONCE. Pode verse neste enlace http://www.concursoescolaronce.es/ganadores.html#form_ganadores. O concurso, o 32 da ONCE, foi moi interesante, o seu lema era "descubrir o teu talento  cámbiao todo". Como premio, todos os talentosos alumnos recibiron un bonito espertador que pon "espertar o teu talento cámbiao todo". Abaixo, posan orgullosos na foto. De esquerda a dereita e de arriba a abaixo: Diego, Daniel, Tamara, Walter, Noemí, Andrea, Cristian, Melanie, Carmen, Fernanda, Pablo e Alexandre.

Noraboa a todos!