O DOG do 16 de marzo publica a convotatoria de axudas para a realización de actividades de formación en linguas estranxeiras no ano 2015, destinadas ao alumnado dos centros docentes sostidos con fondos públicos, en réxime de concorrencia competitiva.
Como vén sendo tradicional, o alumnado de 2º de bacharelato da materia Economía da Empresa e, este ano, parte do de Tecnoloxía Industrial II, visitou a sede de Inditex en Arteixo.
Percorremos as instalacións durante dúas horas, mentres unha das responsables do departamento de Comunicación e Relacións Institucionais nos explicaba todas as fases do proceso que alí se desenvolve, e amablemente resolvía as dúbidas.
De novo este ano, a Fundación Amancio Ortega convoca bolsas de estudos para que 200 alumnos que este ano cursan 4º de ESO poidan cursar 1º de Bacharelato en Canadá ou Estados Unidos. Podedes solicitar a participación neste programa desde o 7 de xaneiro ao 9 de febreiro de 2015. Na web da fundación podedes consultar as condicións de participación e facer a vosa solicitude.
O Departamento de Inglés e a Biblioteca do IES Xoán Montes organizan un ciclo de cine en inglés que comezará o próximo martes 9 de decembro ás catro e media da tarde. O ciclo consta de seis filmes de temática diversa orixinalmente gravados en inglés.
Os obxectivos principais da actividade son
recoñecer e apreciar a linguaxe cinematográfica
fomentar o gusto polo cine
mellorar a comprensión oral
Aínda que o destinatario principal da actividade é o alumnado do centro, toda a comunidade educativa está convidada a este ciclo. No cartaz anunciador, ao que se accede premendo na imaxe, especifícase a clasificación por idade recomendada para cada un dos filmes.
We know many of you enjoy writing. We think it would be a good idea for you to participate in St. Paul's School International Literary Prize. It will only take you a few minutes to write a good story and it could drive to to fame .
Aínda estamos a tempo de inscribirnos neste concurso da Unión Europea para mozas e mozos nacidos no 1997. Se naciches nese ano e queres participar no concurso, ponte en contacto coa túa profesora de lingua estraxeira para que presente o centro ao concurso! Bótalle unha ollada ás bases.
Aquí temos aos únicos da provincia de Lugo que se atreveron a participar o mércores 18 de xuño nas V Olimpíadas de Economía de Galicia. De esquerda a dereita: Noelia Meilán Velón, Jaime Domínguez Martínez e José Antonio Vila Moreira, alumn@s de 2º de bacharelato do curso que termina.
Despois de estudar duramente todo o curso e presentarse a selectividade tiñan corda para rato e animáronse a presentarse a outros exames...
Merecen os nosos parabéns polo seu traballo. Recibiron un diploma que acredita que son alumn@s de élite, esperamos que teñan moita sorte nos novos estudos que comezarán proximamente.