Skip to Content

Economía

Departamento de Economía

departamento de economía

Xefa de departamento:

María Beatriz López Soto         

Correo electrónico:

economiaxoanmontes@gmail.com 

 

 Materias do departamento:

FORMACIÓN E ORIENTACIÓN

PERSOAL E PROFESIONAL 

 

4º ESO

Programación curso 23/24

(ver especialmente aptdos 4.1 e 5.2)

 

ECONOMÍA E EMPRENDIMENTO

 

 

4º ESO

Programación curso 23/24

(ver especialmente aptdos 4.1 e 5.2)PPtro

 

 

ECONOMÍA

 

1º BACHARELATO 

Programación curso 23/24

(ver especialmente aptdos 4.1 e 5.2)

EMPRESA E DESEÑO DE MODELOS

DE NEGOCIO

 

 2º BACHARELATO 

Programación curso 23/24

 (ver especialmente aptdos 4.1 e 5.2)

 

 

En 1º de bacharelato... Preparados para o salto!

Hoxe 22 de abril, dentro da liña de actuación Desenvolvemento de habilidades empresariais do plan  Eduemprende da Consellería de Educación, no que participamos, o alumnado de 1º de bacharelato da materia de Economía puido desfrutar dunha motivadora charla.

Carlota Sánchez Puga, coordinadora da área de Educación Superior de Afundación, transmitiunos a importancia da educación financeira e os efectos da transformación dixital na sociedade e na xestión das nosas finanzas personais, destacando especialmente a importancia da ciberseguridade.

Debemos estar ben preparados neste mundo tan cambiante!

Imaxe da charla Beatriz López

Traballos sobre o mercado laboral

Co gallo da exposición Enredadas no cambio, que estes días desfrutamos no institutoo alumnado de 1º de bacharelato da materia de Economía, encargouse de investigar sobre a situación da muller no mercado laboral en Lugo, España, Europa e no mundo. Por grupos adicaron unhas clases a facer ese traballo recolléndoo nunha infografía.

Expuxéronse algunhas que podemos ver nas seguintes imaxes.

Traballos de 1º bacharelato A e C de Economía Imaxe Beatriz López

16 de abril: Día Mundial do Emprendemento

Hoxe, 16 de abril, celébrase o Día Mundial do Emprendemento en homenaxe ás persoas que levan a cabo proxectos e iniciativas baixo un espírito emprendedor.

No noso centro, aproveitamos para reflexionar sobre o que significa emprendemento grazas á exposición fotográfica "Enredadas no cambio" coa que contamos estes días nos nosos corredores.

exposición

Alumnado de 2ºESO coñecendo a 7 emprendedoras. Foto de Marta Coria

 

Que se dá en Economía e Emprendemento de 4º da ESO?

Pode que moito do alumnado de 3º da ESO se pregunte de que vai a materia Economía e Emprendemento de 4º.

O libro que utilizamos aparece na imaxe, pero tamén podedes ver un resumo do que se dá na materia pinchando no adxunto.

ECONOMÍA Y EMPRENDIMIENTO 4ºESO 23-24

Dinamización da exposición "Enredadas no cambio"

O venres 12 de abril unha monitora da ONG Taller de Solidaridade achegou a parte do alumnado a exposición de Enredadas no cambio que temos temporalmente no centro.

Reflexionaron sobre o emprendemento e a súa relación co concepto de éxito empresarial, e trataron a importancia do empoderamento feminino e de ter referentes deste xénero. 

Dinamización Enredadas no cambio Imaxes Beatriz López

Honrosa participación nas Olimpíadas Galegas de Economía

Hoxe 12 de abril, foron as Olimpíadas de Economía na Facultade de ADE de Lugo,

Do noso instituto participaron dous alumnos, en realidade dous valentes, porque con toda a presión que supón o curso de 2º de bacharelato, e tendo en conta que entraba tamén temario de 1º de bacharelato, decidiron preparar e presentarse ao exame ás 16:15 da tarde. Xa so por todo iso merecen a nosa admiración. E ademais, no exame caeron preguntas que non aparecían no temario que figuraba nas bases.

Aínda así trataron de facer un bo traballo e o fixeron. Noraboa a José Leal Corral e a Martín Rico Álvarez, quen ademáis quedou como finalista no sexto posto! polo que recibíu diploma. 

 Olimpíadas de Economía José Leal e Martín Rico Imaxe de Beatriz López

Entusiasta participación no Concurso de Educación Financeira

Hoxe 4 de abril por primeira vez o alumnado de 4º da ESO, da materia Economía e Emprendemento, participou no Concurso de Educación Financeira, e foi a primeira vez que tamén participa o noso centro.

O evento estivo organizado pola Fundación Junior Achievement e pola AEB. Asociación Española de Banca. A experiencia foi agridoce porque houbo problemas para a conexión telemática, moita espera para o comezo e tamén falta de seriedade nalgúns participantes. Tivemos que usar a clase doutro profesor, ao que agradecemos a colaboración.

Non gañaron pero o importante foi que se esmeraron en aprender, que practicaron e mesmo adicaron o recreo anterior a seguir preparándose para tentar quedar en boa posición. De feito, de máis de 500 participantes algún dos alumnos cregou ao posto 56, o que non está nada mal, e o que estivo xenial foi o compromiso de moitos estudantes en prepararse e tentar facer as cousas o mellor posible, iso si que enriquece e proporciona aprendizaxes de moito valor así que... noraboa polo traballo!

 

Concurso de Educación Financeira Imaxe de Beatriz López CC BY-SA

Exposición Enredadas no Cambio da ONG Taller de Solidariedade

Contamos coa oportunidade de desfrutar ata o día 23 de abril da exposición Enredadas no Cambio da ONG Taller de Solidariedade.

Trátase dunha exposición fotográfica en torno á figura de 7 mulleres emprendedoras dos distintos lugares do mundo. Por tanto, o obxectivo da exposición é ofrecer referentes femininos que axuden a transformar o concepto de éxito empresarial e que contribúan á promoción da igualdade de xénero e ao empoderamento feminino.

Agardamos que toda a comunidade educativa desfrute dnun xeito coidadoso da mostra que temos ao noso cargo durante estes días.

Pódese consultar máis información sobre a mesma no seguinte enlace

mostraMostra Enredadas no Cambio. Imaxe de Marta Coria

 

Interesante obradoiro de creación na materia Economía e emprendemento de 4º da ESO

Hoxe 2 de abril puidemos desfrutar dunha actividade distinta, moi participativa e enriquecedora.

A participación no programa Empresa familiar nas aulas abriu a posibilidade de participar tamén no concurso Emprender é soñar Apúntaste?, que se centra no emprendemento dentro do marco da economía circular.

A iniciativa consistiu nun obradoiro de 3 horas de duración onde o alumnado en grupos identificou necesidades ou oportunidades, creou un concepto de empresa, conceptualizou productos ou servizos, deseñou e prototipou as súas ideas, culminando nunha presentación do seu proxecto.

Este obradoiro combinou pensamento crítico, creatividade, uso de intelixencia artificial e xenerativa e metodoloxía de deseño para guiar aos estudantes no desenvolvemento dos seus proxectos, todo organizado pola empresa Vermislab, as tres monitoras que guiaron o obradoiro, con gran experiencia nestas actividades, propiciaron a participación e o bo ambiente.

O noso agradecemento ao profesorado que prestou as súas clases para poder realizar este extenso obradoiro. Grazas pola colaboración!

Neste mes de abril os grupos deberán perfeccionar a presentación e mandala para participar no concurso, pero levan xa moito percorrido. 

 Obradoiro de creación no IES Xoán Montes Fotos de Beatriz López CC BY-SA

Distribuir contido


by Dr. Radut