IES SAN TOMÉ DE FREIXEIRO

O noso Paseo da Fama ten unha reseña no diario Atlántico. Aquí tedes o enlace

Dadas as numerosas consultas actualizamos este texto na páxina web:

"Na ABAU de 2024, os currículos estarán determinados, salvo instrución noutro sentido, pola Lei de Educación 3/2020, de 29 de decembro, pola que se modifica a Lei Orgánica 2/2006, de 3 de maio de Educación (LOMLOE), así como polo Real Decreto 423/2022, de 5 de abril, polo que se estabelecen a ordenación e as ensinanzas mínimas de bacharelato e o Decreto 157/2022, de 15 de setembro, polo que se estabelecen a ordenación e o currículo de bacharelato na Comunidade Autónoma de Galicia (DOG do 26 de setembro de 2022).

Na actualidade estamos a recibir numerosas consultas sobre o formato das probas e as materias que entrarán nas probas de 2024 que non podemos resolver. Continuamos á espera de que o Ministerio publique o Real Decreto que permita resolver esas dúbidas. Manteremos informados aos centros, estudantes e familias das novidades que teñamos, e lembramos que os pasos son Ministerio, Xunta de Galicia e Universidades."

Accede para obter toda a información

☞ As datas límites para solicitar as exencións de Lingua Galega son o 5 de outubro, para ESO, e o 20 de outubro, para Bacharelato. ⚠️ Lémbrase que é preciso solicitar a exención cada curso académico e ata un máximo de 2 anos. 

☞ As validacións de Música poden tramitarse ata o 29 de setembro.

Organización do horario particular do alumno

• Na listaxe publicada na cortiza da aula figuran as materias optativas e subgrupos nas/nos que estás matriculado.
• No arquivo que se achega podes ver o horario do teu grupo
• Confecciona o teu horario particular prestando atención especial ás horas nas que hai desdobles ☞ Non esquezas anotar a aula

O pasado 20 de xuño fíxose entrega dos premios de lectura en voz alta en francés convocado polas profesoras de francés de 2º da ESO entre o seu alumnado. O concurso consistíu na gravación da lectura en voz alta de obras en francés en dúas fases. Na primeira fase leron a fábula de La Fontaine Le corbau et le renard. Na segunda enfrentáronse á lectura do poema de Jacques Prévert Déjeuner du matin. A gañadora resultou ser Helena pero o concurso estivo reñido e ao final tiveron tamén premio Gael, Nuria, Xián e Mauro. Parabéns!!!

RESOLUCIÓN do 14 de xuño de 2023, conxunta da Consellería de Cultura, Educación, Formación Profesional e Universidades e do Instituto Galego do Consumo e da Competencia, pola que se publica a relación dos premios da fase autonómica do concurso sobre consumo responsable e calidade de vida: Consumópolis-18, Na internet, cres todo o que ves?

O alumnado de 1ºESO C celebrou no Aquapark de Cerceda o premio acadado co deseño dunha campaña de contrapublicidade que procura concienciar á mocidade do risco no consumo de bebidas alcohólicas e enerxéticas. O alumnado desta clase creou unha campaña de contrapublicidade denominada “Red Bull te corta las alas. Por un consumo responsable” dentro do Plan Proxecta Apuntámonos a non beber!, ao longo do cal leváronse a cabo charlas formativas por parte dunha psicóloga do Departamento de Prevención e Conductas Aditivas do Servizo Galego de Saúde e máis unha sesión formativa dirixida ás familias. O resultado do seu traballo foi unha xornada festiva entre tobogáns e piscinas que gozaron a modo de fin de festa do presente curso. Parabéns, rapazada!