Benvida/Benvido

 

 

 

 

 

 

 Av. Gran Vía 191, 36210. Vigo, Pontevedra.

ies.santome.freixeiro@edu.xunta.gal
986 231 667

     

 

Tecnoloxía, Informática, Tecnoloxía

Canutillos de papel: Resistencia para cargas de 100 Kg+

 

O alumnado de 2º ESO, para a materia Tecnoloxía, construíu estruturas trianguladas feitas con canutillos de papel que soportaron pesos de máis de 100 Kg forza.

Na entrada do instituto puxéronse ao dispor da comunidade educativa para probar estas estruturas. 

Profesores e alumnado puideron subirse e comprobar a resistencia

¡A estrutura soporto a peso sen problemas!

  

 

Clica no ligazón para ver máis fotos e vídeos. No vídeo saltan!

Exposición de lapiseiros de 2º ESO: Un Vistazo Creativo e Educativo

A exposición de lapiseiros foi unha actividade educativa na que o alumnado de 2º ESO presentaron os seus proxectos feitos no taller de tecnoloxía, mostrando a súa creatividade e habilidades técnicas.

Ademais, a exposición brindou á comunidade educativa a oportunidade de apreciar e valorar o traballo do alumnado, fomentando un ambiente de colaboración e respecto mutuo!

FOTOS

Creatividade en Acción: Estudantes de 2º ESO deseñan e fabrican lapiseiros no Taller de Tecnoloxía

No taller de tecnoloxía, os alumnos e as alumnas de 2ºESO embarcáronse nun proxecto creativo e práctico: a fabricación de lapiseiros de madeira. Armados con ferramentas como a serra de marquetería eléctrica, o cuter, serruchos e outras ferramentas, os estudantes demostraron a súa habilidade e destreza manual. Guiados pola súa profesora, os alumnos aprenderon a manexar correctamente as ferramentas e a traballar con seguridade. Con paciencia e atención ao detalle, cortaron e deron forma á madeira para crear lapiseiros únicos e funcionais. Algúns estudantes optaron por deseños simples e elegantes, mentres que outros experimentaron con formas máis orixinais e creativas. Despois de dar forma aos lapiseiros, os alumnos dedicaron tempo a lixar coidadosamente a madeira, asegurándose de que estivese suave e sen achas. Unha vez que os lapiseiros estiveron preparados, chegou o momento da fase final: a pintura. Os estudantes aplicaron cores vibrantes e creativas, personalizando cada lapiseiro segundo o seu estilo e preferencias. O resultado final foi unha gran variedade de lapiseiros de madeira, cada un co seu propio toque distintivo. Os estudantes se enorgulleceron das súas creacións e compartiron os seus traballos nunha exposición dentro do instituto. Este proxecto non só permitiu aos estudantes desenvolver as súas habilidades técnicas, senón que tamén lles brindou unha oportunidade para expresar a súa creatividade e experimentar co deseño. Ademais, fomentou o traballo en equipo e a aprendizaxe práctica, mentres espertaba un interese renovado pola tecnoloxía e a artesanía. O próximo mes de xuño realizarase unha exposición dos lapiseiros na entrada do Instituto.

Ver fotos

Plan Proxecta+ 2º ESO

O alumnado de 2º ESO participou no programa Consumópolis incluído no plan Proxecta+ 2022/23 coordinado pola profesora de tecnoloxía Luisa Alonso e en colaboración cos tutores deste curso.

Consumópolis é un concurso escolar sobre consumo responsable e calidade de vida, promovido polo Ministerio de Consumo e organizado na Comunidade Autónoma polo Instituto Galego do Consumo e da Competencia.

A participación no concurso materializouse a través das actividades que o alumnado desenvolveu na cidade virtual de Consumópolis (premer no enlace) na primeira parte, e na segunda parte elaboraron un vídeo dun traballo colaborativo en equipo.

Un total de 6 equipos pasaron á fase do concurso autonómico, 3 equipos de 2º ESO E, un equipo de 2º ESO B, un de 2º ESO PMAR e un de 2º ESO A. 

Desexámoslles moita sorte na eliminatoria!

FOTO

 

Excursión a Muros

O pasado 5 de maio de 2023, os/as alumnos/as de 2º ESO realizaron unha excursión pola zona de Muros, A Coruña, organizada polo departamento de tecnoloxía.

Despois de asistir á exhibición como apoio ao equipo que participou na 2ª edición da Liga Maker Drone, realizaron un percorrido pola costa da morte. Visitaron A Fervenza do Ézaro, o Hórreo de Lira e remataron dándose un baño na praia de San Francisco en Muros.

Foi unha xornada emocionante e enriquecedora na que os estudantes puideron gozar dunha natureza impresionante. A Fervenza do Ézaro sorprenderon a todos co seu impresionante caudal de auga, creando un espectáculo natural impresionante. A visita ao hórreo de Lira permitiulles coñecer e apreciar a arquitectura tradicional galega, un símbolo da nosa cultura.

Para rematar a excursión, os alumnos puideron relaxarse e desfrutar dun mergullo na praia de San Francisco en Muros. A auga cristalina e a beleza da praia fixeron deste momento unha experiencia inesquecible.

Foi un día cheo de aprendizaxe, diversión e conexión coa nosa contorna natural.

FOTO

Alumnos do IES San Tomé aprenderon a voar un dron

Nove alumnos de 2º ESO do IES San Tomé modificaron e aprenderon a voar un dron en tan só cinco meses.

Ler o artigo

 

O alumnado do IES San Tomé de Freixeiro gañador de dous premios da Competición de Robots organizada pola UVIGO.

O alumnado do IES San Tomé de Freixeiro gañador de dous premios da Competición de Robots organizada pola UVIGO. Ao longo de toda a mañá do venres, 21 de abril, o alumnado participou nas probas, acompañado polo profesorado, José Antonio López García e Luisa Alonso Costoya, que estiveron traballando nos últimos meses nas aulas cos grupos participantes. Velocikar, de primeiro /segundo da ESO gañou o segundo premio na categoría BeRobot, e o grupo TukiTuki levouse o premio STEM. Parabéns! Máis fotos no enlace   enlace

O equipo TukiTuki integrado por rapazas                                                                 Equipo Velocikar  2º premio

CONCURSO PILABOT

 A Consellería de Medio Ambiente, Territorio  Vivenda da Xunta de Galicia, en colaboración cos Xestores de pilas autorizados na Comunidade - Ecopilas, ERP e Ecolec-, levou a cabo a cuarta edición da campaña para fomentar a recollida selectiva de pilas e acumuladores portátiles. Nesta ocasión, a iniciativa levouse a cabo en 150 centros educativos de primaria e secundaria en Galicia.

No noso centro educativo, o IES San Tomé de Freixeiro, o alumnado de secundaria, xunto coa profesora de Tecnoloxía, Luísa Alonso Costoya, como coordinadora do proxecto no centro, temos participado no concurso PILABOT, que comezou o 12 de xaneiro e tivo unha duración de 6 semanas lectivas co obxectivo de recoller o maior número de pilas e baterías para o seu posterior tratamento e reciclaxe. O concurso finalizou o 28 de febreiro e, grazas ao esforzo realizado por todos os participantes, temos logrado recoller un total de 305 kg de pilas e baterías usadas. Este è un logro importante que contribúe a reducir o impacto negativo que estes residuos teñen sobre o noso entorno e a nosa saúde.

É  importante salientar que o concurso PILABOT continúa ata o 14 de abril para todos os centros participantes e, no mes de maio, entregaranse os premios aos gañadores. Esta iniciativa é unha excelente oportunidade para fomentar a educación ambiental e a conciencia sobre a importancia de reciclar e reducir o impacto negativo que xeramos no noso entorno.

Premer para ver fotos

CONCURSO DE ROBÓTICA E DRONS. PROGRAMANDO O FUTURO.

 

XIII Obradoiro e concurso galego de robótica. A maxia da robótica 2022-23

O pasado día 9 de novembro de 2022, un grupo de 35 alumnos/as de 2º e 4º de ESO, e 1º bacharelato, acompañados polos profesores de Tecnoloxía Luisa e X. Roberto, viaxan a Coruña para participar no “XIII Concurso de Robótica e Drons”, organizado por Igaciencia e o Concello de Coruña, que se desenvolveu na semana do 7 ao 11 de novembro. Nas primeiras horas da mañá visitan o Museo Nacional de Ciencia e Tecnoloxía (MUNCYT), ao mediodía, participan de forma moi meritoria no concurso de Robótica, cos robots Lego Mindstorm EV3, onde un grupo de 5 alumnos e alumnas do noso instituto obteñen o mellor resultado de todos, logrando ser os gañadores/as do concurso onde participaban mais de 800 alumnos/as de 26 centros educativos de toda Galicia.

Pola tarde un grupo de 6 alumnos/as, viaxan ata Culleredo para participar no concurso de Drons, cuns resultados máis que meritorios.

Dende o noso centro e particularmente dende o departamento de Tecnoloxía do instituto IES San Tomé queremos transmitirlle os nosos parabéns e animalos a que continúen programando un futuro mellor e máis esperanzador. GRAZAS  A TODOS E TODAS!!!

A continuación temos unha pequena montaxe de vídeo de cómo se desenvolveu a xornada e a reportaxe de prensa onde se lles entregou a todos os participante un diploma “Polo seu esforzo e dedicación”.

 

O IES San Tomé de Freixeiro na liga MakerDrone

O IES San Tomé de Freixeiro puido gozar este venres da xornada de introdución que serve de punto de partida para a súa participación na liga MakerDrone, unha competición estudantil promovida pola Fundación Barrié e o Instituto Tecnolóxico de Galicia na que o alumnado debe deseñar e programar un dron que resolva un problema social de actualidade. Participarán nesta segunda edición da liga MakerDrone 18 equipos de estudantes de 2ºESO (14-15 anos de idade) seleccionados entre centros de toda Galicia. Esta iniciativa promove así a educación científica e técnica da cidadanía futura, conciencia da relevancia da tecnoloxía aplicándoa a situacións da vida cotiá á vez que estimula o interese, a creatividade e autonomía do alumnado.

Durante a xornada introdución, que se celebrou no Pavillón Municipal do Carme por mor das obras de remodelación que están a ter lugar no instituto, o alumnado puido participar en talleres de programación e robótica, deseño e impresión 3D, prototipado rápido, simulación de pilotaxe con realidade virtual e mesmo manexaron un dron baixo a supervisión dun piloto profesional.

O alcalde Abel Caballero visitou os talleres e animou o alumnado para gozar desta experiencia, agradecendo a iniciativa aos organizadores. Dirixiuse á directora, María del Carmen Vélez, en nome do equipo que representará ao IES San Tomé de Freixeiro, e desexou a mellor das sortes durante a competición ao seu alumnado á vez que destacou o peso da industria e a tecnoloxía na cidade.

       

Máis información neste enlace