No arquivo adxunto indícase a composición do Consello Escolar do noso centro.

Aqui tedes algunhas fotos do alumnado do noso centro que participou na "I Xornada Vigo Tenis de Mesa", organizada polo clube Illas Cíes e o Concello de Vigo, que se celebrou este domingo no pavillón de Quirós, en Sárdoma.

Están: Iván Lago, Kevin Tombo, Hugo Bértolo, Pablo Estévez, Marcos Bértolo, Gabriel Fernández, Evan Machado y Lucas Machado.

Como sabedes, o noso centro ten unha actividade de pimpón organizada pola ANPA, da que forman parte moitos dos participantes neste Torneo.

Hoxe foi a recollida de premios do I Concurso de Fotografía e Frase Curta pola Igualdade, promovido pola ANPA do noso centro en colaboración co Centro Comercial Travesía á que aistiu o alcalde de Vigo D. Abel Caballero e a concelleira Dna. Nuria Rodríguez (tedes una reseña no xornal do Concello de Vigo).

Se facedes clic na fotografía cos finalistas accederedes a un pequeno resumo do que foi este acto.

Hoxe, 25 de novembro, conmemórase o día mundial contra a violencia de xénero. Dende o IES ROU de Vigo rexeitamos calquera tipo de violencia pero hoxe, especialmente, a violencia machista. Velaí algúns dos carteis elaborados polo alumnado de Proxecto Competencial de 3º ESO.

Logo da segunda reunión da Xunta Electoral, celebrada no IES ROU o día 21 de novembro ás 18,15 e non habendo reclamacións aos censos electorais expostos no vestíbulo do centro, procédese á publicación das candidaturas presentadas no prazo establecido para a renovación parcial dos membros integrantes do Consello Escolar do Centro:

POLO PROFESORADO:

• Mª DEL CARMEN FERREIRO SALGADO
• RUBÉN BORRAJO SANTOS
• JOSÉ EMILIO GOMEZ FERNÁNDEZ

POLOS PAIS / NAIS / TITORES LEGAIS:

• M.ª JESÚS MONTENEGRO GUERRERO
• ELENA DEL RÍO EMPARANZA
• ROSA M.ª GONZÁLEZ CARBALLÁS

POLO P.A.S.:

• ROSARIO DOLORES ÁLVAREZ RODRÍGUEZ

POLO ALUMNADO:

• ANTÓN ÁLVAREZ RODRÍGUEZ
• NICOLÁS CASTRO GONZÁLEZ

Aquí tedes un vídeo, feito por Xulio Banga, que mostra o ben que o pasamos no magosto deste ano. 

Aquí tedes un pequeno vídeo feito por Xulio Banga coas fotos que enviou o alumnado de 1º ESO para a actividade "Retratando as mates sostibles". Como xa vos informamos fai uns días, tedes máis información na súa conta de instagram. 

O 27 de outubro, o alumnado de francés de 3º e 4º de ESO asistiu ao FIESTINEMA JUNIOR no auditorio municipal de Vigo onde visionou a película Fragile de Emma Benestan. O alumnado de francés de 1º de BACH fíxoo o 9 de novembro e a película foi Rouge de Farid Bentoumi. Trátase dun festival de cine con películas francófonas,organizado polas Alianzas Francesas de toda España en colaboración coa Embaixada de Francia. Os obxectivos deste proxecto son:

• Promover o idioma francés e as culturas francófonas entre a mocidade.
• Promover o uso do cine como ferramenta de ensino e aprendizaxe.
• Dar a coñecer ao público novo o cine en versión orixinal subtitulada.
• Ensinar ao noso alumnado a expresar un punto de vista crítico e analizar unha película.

Aquí tedes algunhas fotos do evento.

Logo da 1ª reunión da xunta electoral, informamos que a partir do xoves 10 de novembro estarán expostos os seguintes documentos no taboleiro do vestíbulo do centro: 

• Composición e vacantes no Consello Escolar
• Calendario de actuacións para as eleccións
• Os censos electorais de cada sector

Lembramos que a consulta é pública accedendo ao centro, non estando permitido sacar fotografías destes documentos.

Así mesmo está aprobado o modelo de presentación de candidaturas, custodiado en dirección. @s voluntari@s para presentarse poden pasar a recoller copia deste modelo. O prazo remata o venres 18 de novembro.

No arquivo adxunto tedes un resumo do calendario do proceso.

Se facedes clic na seguinte ligazón podedes ver as fotografías finalistas no I Concurso de Fotografía e Frase Curta "No século XXI a igualdade e..." promovido pola ANPA do noso centro.

Estas interesantes fotografías tamén podedes velas na exposición que está na planta -1 do Centro Comercial Travesía.