Radio ROU
A profe de Xeografía e Historia na nosa radio
Os nosos alumnos Caleb, David, Pedro e Nicolás dirixiron nesta ocasión o Pregunta ROU. A convidada foi Lucía Forno, profe de Xeografía e Historia. Dalle á ligazón e escóitanos!
Unha promesa do deporte
Esta semana tivemos a sorte de entrevistar no Pregunta ROU á nosa alumna Lola, logo de ser escollida como proposta a mellor deportista do ano 2023.
Se facedes clic na imaxe poderedes acceder a entrevista.
MeteoROU
O alumnado do ROU adiántanos o tempo dos próximos días. Déixannos tamén a foto seleccionada desta semana; facede clic nela e accederedes ao programa.
Chega o bo tempo!
Luisa Abad na nosa radio
Esta semana, co gallo do Día da Muller, inauguramos novo programa: Hemisferio Violeta. Contamos coa marabillosa presenza de Luisa Abad.
Facede clic na imaxe e poderedes acceder á entrevista.
Pregunta ROU
Esta semana no Pregunta ROU entrevistamos a Rosa, a profesora de Lingua Castelá e Literatura. Fai clic na imaxe, anímate e escóitao!
O tempo no ROU
Queres saber o tempo que vai facer esta semana? Fai clic na imaxe o os rapaces da nosa radio contarancho.
O tempo na nosa radio
O instituto comezou estes días o novo programa de radio "MeteoROU". O alumnado descubriranos ao longo de todo o curso se o paraugas ou o sombreiro nos acompañarán cada día. Se facedes clic no enlace poderedes escoitalo.
Sabela Hermida no noso centro
Este 24 de abril celebramos o Día do Libro coa charla de Sabela Hermida, actriz e autora do libro María Casares fronte ao espello da editorial Xerais. A charla, organizada por Biblioteca e o EDNL, foi dirixida ao alumnado de 1° de bacharelato que se achegou así á importante actriz María Casares, símbolo do exilio e figura fundamental da cultura da segunda metade do século XX. Sabela Hermida agasallounos tamén cunha entrevista (levada a cabo polas alumnas de primeiro de bacharelato Mencía Qiu, Sofía, Irene e Silvia) gravada na radio. Sen dúbida foi un bo xeito de celebrarmos todo o que nos pode ofrecer un libro.
Podedes acceder á entrevista facendo clic no seguinte enlace.
Un testemuño para tomar conciencia
Se facedes clic no seguinte enlace, poderedes acceder á entrevista realizada a Noelia Míguez, autora do libro "Ocho señales", no que relata a súa vivencia como vítima de violencia de xénero. Na foto aparece o alumnado que a levou a cabo, xunto coa profesora Esther Quinteiro.
