Alumnado do noso centro recibiu o pasado venres en Peinador ao grupo de alumnos e profesoras do Uckfield College, de Gran Bretaña. Durante unha semana os alumnos británicos serán aloxados polas familias dos nosos rapaces, dentro do intercambio organizado polo Departamento de Inglés do noso centro.

Durante o sábado, desafiando a chuvia e acompañados polos seus compañeiros de 3º ESO e 1º Bacharelato, visitaron lugares emblemáticos da cidade, como Castrelos ou Samil. O domingo, días coas familias, algúns aproveitaron para achegarse a Portugal.

O luns comezan as actividades no centro, así coma outras visitas de interese, como Santiago ou A Coruña.

Aquí tedes unha mostra de algúns dos gif animados que fixeron os alumnos de 4º ESO na materia de TIC. Que vos divirtades.

Aquí tedes un resumo das actividades que levaremos a cabo durante a Semana Internacional:

• Alumnado de terceiro da ESO terá un intercambio con alumnado de Londres, que estará no noso centro do 13 ao 18 de decembro. O noso alumnado terá unha estadía en Londres do 25 de marzo ao 1 de abril.

• Alumnado de cuarto da ESO realizará unha viaxe a Roma do 24 ao 28 de marzo.

• Alumnado de primeiro e segundo da ESO terán a Semana Branca en Leitariegos (León) do 29 de marzo ao 3 de abril.

"14-15 neve leitariegos 130" by IES N1 is licensed under CC BY-NC-SA 2.0 

Os días 13 e 14 de novembro o alumnado de francés de 3,4º da ESO e 1º de BACH asistiu ao Fiestinema Junior no Auditorio municipal de Vigo. Trátase dunha iniciativa da rede de Alianzas Francesas de Estados Unidos creada co apoio do Centre national du cinéma et de l'image animée. O evento acolleu a súa sexta edición e por primeira vez este ano, 9 Alianzas Francesas de toda España levaron este proxecto para brindar o mellor cine francófono ao público xóven co apoio da Embaixada de Francia e do Institut français de España. O alumnado de 3º e 4º visionou Comme un lion de Samuel Collardey e o de 1º de Bach Swagger de Olivier Babinet, dúas películas fantásticas.

O pasado día 23, alumnado de primeiro da ESO realizou unha ruta micolóxica polo Monte Da Madroa da man da Mancomunidade de Montes de Teis. Aproveitaron para sacar unhas estupendas fotografías de cogomelos, coas que se poderá participar nun concurso de fotografía (por certo, as bases están na páxina web do centro).

No seguinte víedeo tedes unha escolma do que se foron atopando os participantes.

Aquí tedes o vídeo do magosto deste ano, no que as castañas estaban especialmente boas e os xogos máis animados ca nunca. 

Aquí tedes as bases do concurso fotográfico sobre a ruta micolóxica.

Alumnado da ESO do noso centro asistiu ao IV Festival de Cine Inclusivo de Vigo, organizado pola Concellería de Educación do Concello de Vigo.

A finalidade deste festival é sensibilizar sobre a importancia da inclusión de todos os colectivos na nosa sociedade.

A Concellería de Xuventude de Vigo presenta o programa  “ESTAR DE OCIO”, unha alternativa de lecer saudable  para os adolescentes durante as fins de semana en Vigo. O proxecto está destinado a mozos e mozas de entre 13 e 17 anos residentes en Vigo ás/aos que se lles propón pasar o seu tempo libre de maneira diferente e dunha forma saudable.

O programa de lecer da concellería de Xuventude de Vigo  realizarase de venres a domingos de 17 a 21 horas  ata o mes de decembro. Para asistir ao programa  que é de balde non é necesaria inscrición previa.

Estar de ocio  conta  cos seguintes obradoiros:

• Obradoiro de HIP HOP.
• Obradoiro de cultura asiática: (akv events), random, play, karaoke.
• Obradoiro de  Manga - Cómic - Videoxogos, no que descubriran  o mundo do manga, anime e cultura popular xaponesa.
• Obradoiro  de rap e de  produción musical.

Tamén contaran con eventos coma,  jams de baile, batallas de freestyle, scape room, karaoke xaponés e obradoiros puntuais con blogueiras/os moi coñecidos.

Terán lugar na Casa da Xuventude de Vigo (Rúa López Mora, 31).

Queredes ver a Katie (a nosa auxiliar de conversa) na televisión? Non vos perdades este vídeo da Televisión de Gaicia.