Como vos prometimos, aquí tedes o agasallo que vos fai o ROU, realizado por AEROVIDAL. Que o disfrutedes e serva como recordo do voso paso polo instituto.

Baixo o tema "debería limitarse o desenvolvemento da intelixencia artificial?" e seguindo as normas do Parlamento Xove, neste I Torneo de debate de Vigo enfrentáronse catro centros: o IES da Guía, o IES Álvaro Cunqueiro, O IES República Oriental do Uruguai e o IES Alexandre Bóveda. Houbo en cada ronda: introducción, refutación, contrarrefutación e conclusión.

O equipo gañador foi o formado por Icía Roca, Hugo Álvarez, Hugo Regueiro e Maya Fernández e o semifinalista foi o formado por Pablo Rodríguez, Eiroa Raimúndez, Antón Álvarez e Adrián Garabatos, alumnos todos do no noso centro.

Foi organizado polos profesores do noso instituto Elena Nieto e Anxo Bea e contou coa asistencia do alcalde de Vigo, Abel Caballero, e a concelleira de educación, Olga Alonso.

Os nosos parabéns a todos os participantes.

O teu navegador non soporta este vídeo.

Durante o mes de Xuño, a sección bilingüe de 1 ESO, coordinado pola profesora de inglés Palmira Calvar, levou a cabo un proxecto no que os alumnos entrevistaban a peregrinos que realizaban o camiño portugües ao seu paso por Teis. Quixemos por en práctica parte do traballado na aula durante o curso. Todos os pasos do proxecto quedaron reflectidos no vídeo que vos mostramos máis abaixo.

CALENDARIO DE MATRICULACIÓNS:

• 24 E 25 DE XUÑO: 2º DE BACHARELATO (alumnado de 1º de BACHARELATO DO ROU aprobado na convocatoria ordinaria).

• 26 DE XUÑO: 2º DE ESO.

• 27 DE XUÑO: 3º DE ESO.

• 28 DE XUÑO: 4º DE ESO.

• 1-2 DE XULLO: 1º DE ESO (alumnado procedente do centro adscrito CEIP FRIAN).

• 3 DE XULLO: 1º DE BACHARELATO.

• 4-5 DE XULLO: ALUMNADO ADMITIDO PROCEDENTE DE OUTROS CENTROS.

DEBEN RECOLLER OS SOBRES NA CONSERXERÍA DO CENTRO. 3 euros alumnado de 1º e 2º de ESO. 4 euros resto do alumnado. Inclúe seguro escolar.

Horario de secretaría: 09:00 a 13:00

No arquivo adxunto tedes o calendario de exames da convocatoria extraordinaria de primeiro de bacharelato.

Boa sorte!

Queremos dar os nosos parabéns tanto ao alumnado como a todo o persoal do centro polo resultado obtido este ano nas ABAU: un 100 % de aprobados. Sen dúbida o froito dun traballo ben feito!

Na nosa Ágora podedes atopar a exposición "ODS:unha ollada sobre Vigo" na que alumnas e alumnos de diferentes niveis da ESO e Bacharelato realizaron unha reflexión sobre os obxectivos de desenvolvemento sostible que traballamos este ano:

• ODS5. Igualdade de xénero.
• ODS6. Auga limpa e saneamento.
• ODS11. Cidades de comunidades sostibles.
• ODS14. Vida submarina.
• ODS15. Vida e ecosistemas terrestres.

As materias de Proxecto Competencial, Expresión Artística e Bioloxía traballaron neste proxecto no que tamén participou a Facultade de Dirección e Xestión Pública da Universidade de Vigo. Grazas a súa colaboración realizamos un coloquio no que debatimos a implicación dos cidadáns e das entidades locais na resolución de problemas tan globais como a emerxencia climática, a igualdade de xénero ou a perda da biodiversidade. A Facultade cedeu 5 paneis sobre os obxectivos tratados este ano confeccionados polos seus alumnos.

Estes últimos días de curso aproveitamos para traballar na Ágora e debatir as propostas e impresións dos alumnos sobre estes aspectos.

Nos arquivos adxuntos tedes as programacións de 4º ESO correspondentes ao curso 23/24.

Nos arquivos adxuntos tedes as programacións de 3º ESO correspondentes ao curso 23/24.