Iniciar sesión

Secretaría virtual

Francés

DELF Scolaire

O 1 de febreiro comeza o prazo de matrícula para o DELF Scolaire, un diploma expedido polo Ministerio de Educación Nacional de Francia para acreditar as competencias en francés. Tradicionalmente, o noso alumnado ten obtido excelentes resultados, polo que é unha grande oportunidade para os que esteades interesados en contar con dito diploma.

Nos arquivos adxuntos tedes a toda a información correspondente.

 

Intercambio Vigo-Rennes

Xunto co IES Rosais 2 estamos a organizar un intercambio co alumnado do Lycée René Descartes de Rennes (Francia). Se facedes clic no seguinte enlace poderedes acceder a máis información.

Datos para o primeiro pago:

  • Importe 205 € para a compra dos billetes de avión Oporto-Rennes/ Rennes-Oporto coa compañía aérea EasyJet (data límite, luns 16 de xaneiro).
  • Nº Conta BBVA: ES52 0182 4899 1702 0151 6762.
  • Titular: AVORIS - B TRAVEL.
  • Asunto: Indicar o nome do alumno ou alumna e se é do ROU ou ROSAIS 2.

Darásevos posteriormente un impreso onde deberedes cubrir diversos datos (data de nacemento, DNI, normas de comportamento...).

Criterios de cualificación e avaliación

No arquivo adxunto tedes os criterios de cualificación e avaliación do departamento correspondentes ao curso 22-23.

Alumnado de francés no Fiestinema Junior

O 27 de outubro, o alumnado de francés de 3º e 4º de ESO asistiu ao FIESTINEMA JUNIOR no auditorio municipal de Vigo onde visionou a película Fragile de Emma Benestan. O alumnado de francés de 1º de BACH fíxoo o 9 de novembro e a película foi Rouge de Farid Bentoumi. Trátase dun festival de cine con películas francófonas,organizado polas Alianzas Francesas de toda España en colaboración coa Embaixada de Francia. Os obxectivos deste proxecto son:

  • Promover o idioma francés e as culturas francófonas entre a mocidade.
  • Promover o uso do cine como ferramenta de ensino e aprendizaxe.
  • Dar a coñecer ao público novo o cine en versión orixinal subtitulada.
  • Ensinar ao noso alumnado a expresar un punto de vista crítico e analizar unha película.

Aquí tedes algunhas fotos do evento.

Inmersión lingüística en francés

O alumnado que o vindeiro curso estea matriculado en 3º ESO en francés poderá optar en 4º ESO ás prazas de inmersión linguística que ofertará o Concello de Vigo.

Así, o alumnado poderá optar a unha estadía de tres semanas en Francia, unha grande oportunidade para profundizar no coñecemento da lingua e a cultura francesas.

adaptación programación departamento

No arquivo adxunto tedes a adaptación da programación do departemento atendendo a Orde do 25 de xaneiro de 2022 (DOG nº 29 de 11 de febreiro).

Le racisme de nos jours

Para o proxecto de biblioteca do IES ROU deste curso 2021/22, no Club de lectura de francés de 4º de ESO, lemos "Le racisme expliqué à ma fille" de Tahar ben Jelloun.

Fixemos unha selección por capítulos das frases máis significativas para nós, reflexionando e debatendo ao redor destas.

Posteriormente, ilustrámolas e montamos unha exposición no centro.

No seguinte vídeo, podedes ver o resultado do noso traballo.

100 % de aprobados no DELF Scolaire

O 100 % do alumnado que se presentou ás probas de DELF Scolaire (tanto no nivel A2 coma no B1) conseguiu superalas. Non hai outra cousa que dicir máis que Oh là là.

Le Petit Prince atterrit au ROU

Este curso 2020/21, o alumnado do Club de lectura de francés, coordinado por Henar Pascual Malvar, leu Le Petit Prince de Antoine de Saint- Exupéry e visionou a adaptación cinematográfica de Mark Osborne. Posteriormente, elaboraron o seguinte audiolibro no que quedan reflectidas as súas impresións acerca deste clásico da literatura universal. Á súa vez, guiados por Pablo Martínez Rodríguez, os seus compañeiros de Plástica realizaron unhas fermosas maquetas para expoñer no centro.

DELF scolaire

No arquivo adxunto tedes o protocolo anti-COVID para seguir na proba do DELF scolaire.

Moita sorte no exame!!

Distribuir contido