Iniciar sesión

Secretaría virtual

O libro nos camiños da cultura occidental

#MeeToo

Foi o alumnado de 1º Bach de Historia Contemporánea quen realizou o proxecto do #MeToo”. Elaborando este traballo, coordinado pola profesora Olga Cabrinety e dentro do proxecto O libro nos camiños da cultura occidental, século XXI, reflexionouse sobre a situación na que viven as mulleres de todo o mundo. Tomouse conciencia da necesidade de entender que a igualdade e a xustiza teñen que existir entre mulleres e homes, deixando atrás barreiras de toda índole. Para levar a cabo o anterior, analizaron este movemento que nutriría a cuarta ola do feminismo, así como aprender as repercusións que tivo en Estados Unidos (sendo un puntal importante a figura de Ocasio Cortez), en Europa, no cono Sur e noutras latitudes por onde se espallou. O Feminismo ten moitos desenvolvementos e non é un só, así que o empoderamento por parte da muller que xa non quere calar, dá como resultado o cuestionamento da masculinidade ensinada dende fai séculos e a necesidade da implicación do home como parte imprescindible para que todo mude de verdade.

Fícción versus realidade

Na materia de Filosofía de 1º de Bacharelato, todo o alumnado podía, voluntariamente, participar nesta actividade, enmarcada no proxecto de Biblioteca “O libro nos camiños da Cultura Occidental. O Século XXI”, que tiña duas partes. Na primeira, debían seleccionar un capítulo da serie Black Mirror, ou unha película cunha temática similar, e facer un traballo escrito no que achegasen a súa reflexións acerca da influencia  das novas tecnoloxías na vida social (redes sociais, intelixencia artificial, big data, realidade virtual, etc), comparar o que sucede na ficción co que xa está a pasar na realidade e achegar a sua visión crítica sobre ese tema. A segunda parte consistía en exponer diante do seu grupo o traballo realizado co fin de suscitar o debate na clase sobre a nosa dependencia desas tecnoloxías.

Se queredes ver o resultado, escaneade o código QR da imaxe que tedes abaixo, na que vemos a fotos de algún do alumnado que expuxo.

Acontecimientos históricos século XXI

O grupo de 2º ESO A de Oratoria participó no proxecto coordinado pola Biblioteca, “O libro nos camiños da cultura occidental, século XXI”, realizando - en parellas ou tríos - un vídeo sobre algún acontecemento histórico que marcara as duás primeiras dećadas do sećulo XXI: epidemias, atentados, desastres naturais, irrupción das redes sociais, a crisis financeira, a primavera árabe, o cambio climático, o movemento Me Too, o xenoma humano, o euro, ou algún personaxe importante.

 

A actividade estivo coordinada por Carmen Ferreiro, do Departamento de Lingua e Literatura Castelá, quen previamente introducíalles os temas, tanto teóricamente como a través do visionado de obras similares. Ao finalizar o proceso, fixeron un visionado conxunto dos vídeos cunha finalidade triple: avaliacioń grupal dos traballos presentados, conẽcemento dos acontecementos históricos e  pracer de ver o traballo dos companẽiros e companẽiras.

 

Se facedes clic nas imaxes poderedes acceder a algún destes traballos.

 

The perks of being a wallflower

Dentro do proxecto “O libro nos camiños da cultura occidental, século XXI”, aquí tedes un vídeo que recolle actividades levadas a cabo por o grupo de Sección Bilingüe de 4º ESO, coordinadas pola profesora Palmira Calvar, relacionadas coa lectura da obra "The perks of being a wallflower" de Stephen Chboski.

Consumo responsable

Aquí tedes un pequeno vídeo do proxecto realizado co alumnado de 4 ESO, coordinados pola profesora Palmira Calvar, na aula de inglés. Trata de  concienciar sobre o consumo responsable e reflexionar sobre as medidas que adoptamos para axudar a salvar o planeta. É unha das propostas presentadas dende a asignatura de inglés ao proxecto "O libro nos camiños da cultura occidental, século XXI".

Criptomoedas

Para o proxecto de Biblioteca do IES ROU "O libro nos Camiños da Cultura Occidental,adicado este ano ao S.XXI, desde o Deparamento de Economía o alumnado de 1ºBacharelato E – F, coordinado por Tamara Cambra Otero, investigaron sobre o complexo mundo das criptomoedas.

A través do documental “Magic Money” (https://www.youtube.com/watch?v=KjIyaun-d5A) aprenderon os conceptos fundamentais: ¿Que son as criptomoedas?, orixe, principais características, ¿qué é o bitcoin?, orixe e creador ¿cómo operar con bitcoins?, ¿qué é o libro branco?, cartera fría, clave pública vs. privada, ¿qué é a tecnoloxía blockchain?, ¿qué é a minería?, vantaxes e dasvantaxes das criptomoedas fronte as divisas tradicionais, etc.

Despois afondaron sobre a diferencia entre as dúas principais criptomoedas (Bitcoin e Ether) e a tecnoloxía blockchain visionado do vídeo de Pablo Gil (https://www.youtube.com/watch?v=uWntJaOq4PY).

Comentaron tamén múltiples noticias relacionadas coas criptomonedas e fixeron unha posta en común do aprendido.

Por último, o alumnado realizou, en grupos de 3 – 4 compoñentes, un pequeno traballo sobre as criptomoedas de estilo libre, que inclue posters, vídeos, trípticos, presentación e un monopoly.

Se facedes clic na imaxe poderedes acceder á memoria de dito traballo.

 

Eco-friendly homes

No proxecto ECO-FRIENDLY HOMES colaboraron dous departamentos. Dende o de Plástica, dirixidos pola profesora Marta Olivares fixeron un deseño dunha vivenda ecolóxica, que mostrase algúns elementos tecnolóxicos, materiais reciclados ou de proximidade, para a axuda do aforro enerxético ou a preservación do medio ambiente. Dende o departamento de Inglés, dirixidos pola profesora Concepción Vázquez e a auxiliar de conversa Jamie Berkson, o alumnado tivo que facer unha descrición escrita desa casa ecolóxica, empregando as estruturas e vocabulario aprendido, e mencionando as súas propostas medioambientais. A montaxe dixital é de Xulio Banga.

Afondando no Prestige

Desde a materia de Galego e Bioloxía e dentro do proxecto de Biblioteca "O libro nos camiños da cultura occidental, s. XXI" traballamos co alumnado de primeiro de bacharelato o desastre ecolóxico do afundimento do Prestige. Vimos na clase o documental "Prestige. Tal como fuimos", realizado por unha produtora galega dous anos despois: https://www.youtube.com/watch?v=NqhzX3V1wpA.

Ofrecéuselles outros catro documentais en rede sobre os sucesos do Prestige: “Maldita marea. Desastre del Prestige”. Documental de National Geographic. 2016; “Prestige, petróleo y conspiración de silencio”. Documental alemán para a canle de Historia; “Prestige, el viaje a ninguna parte”. Documental de Burla Negra Cataluña, 10 anos despois do desastre; “Prestige, desastre en la Costa da Morte”. Documental por Discovery Channel. Tras procurar información na casa, intercambiamos opinións e informacións na aula. Diriximos a investigación cara á recolla de información máis particular, local e persoal ao tratarse dun feito histórico recente. Pensaron por grupos ou parellas que tipo de testemuña e preguntas serían as máis adecuadas. Entregaron máis de 20 vídeos coas entrevistas dos que na canle de youtube de Normalización do noso centro figuran cinco. 

Está pendente a edición dun único vídeo que recolla as mellores achegas das entrevistas do alumnado.

Posverdade: a mentira a golpe de clic

Este relato foi escrito de forma colaborativa polo alumnado de Filosofía de 4º ESO, coordinado pola profesora Celeste Cancela. O traballo encádrase dentro do proxecto "O libro nos camiños da cultura occidental: o século XXI", coordinado pola Biblioteca do centro. Narra as andanzas dunha rapaza chamada Hannah no país da posverdade. Son moitas as aventuras ás que se vai enfrontar a protagonista para poder chegar a distinguir o verdadeiro do falso, o real do "fake". Conseguirá a nosa heroína saír  san e salva de tanta picardía? 

O relato está formado por catro capítulos, nos que se abordan as seguintes cuestións: que é a posverdade, a relación entre a posverdade e a realidade, a relación entre a posverdade e as noticias falsas e, finalmente, a relación entre a posverdade e as redes sociais.

Back to the twenties

Xuntámosvos un vídeo dun proxecto conxunto de dos departamentos de Xeografía e Historia e Inglés en 4 ESO. O alumnado, coordinado polas profesoras Mercedes Martín en Palmira Calvar, fai unha comparativa dalgún aspecto da sociedade dos anos vinte do século pasado coa situación actual usando a súa propia imaxe.

Distribuir contido