Iniciar sesión

Secretaría virtual

Actividades biblioteca

Actividades biblioteca

Celebración do Día do Libro

Este curso para celebrar o día do libro desde a Biblioteca promoveuse un mercado solidario. Durante unha semana, puidemos intercambiar os libros expostos na Ágora por comida perecedoira que doamos á Asociación de Cáritas de Teís, cuxo responsable nos enviou unha emotiva carta para agradecer esta iniciativa.

Ademais, o club de lectura quixo homenaxear a obra de Cervantes, para o que se pediu, a quen quixese participar, que seleccionase un refrán do Quixote. Incluíronse nun mural todos os refráns escollidos e expúxose na Ágora mentres durou o intercambio de libros.

Novo número de ROULANDO

Sabiamos que estabades esperando con ansia o novo número (o catro xa) da nosa revista ROULANDO. Pois aquí o tedes:

Que o gocedes!

Premios Concurso Literario IES ROU 2022

Este martes, 31 de maio, celebrouse o acto de entrega de premios do Concurso Literario IES ROU 2022, iniciativa do EDNL e Biblioteca. Entregou os galardóns o director. O xurado, formado por Eliseo Martínez, Mar Hospido e Palmira Calvar, decidiu por unanimidade outorgar os premios aos seguintes participantes:

  • 1° Premio Narrativa (categoría I): MIGUEL VILA por "O home de negro".
  • 2° Premio Narrativa (categoría I): LEO SANTIAGO por "Amor no ocaso do pensamento".
  • 1° Premio de Poesía (categoría I): CALEB IGLESIAS por "Os escritos da alma".
  • 1° Premio Narrativa (categoría II): ANTÍA FERNÁNDEZ por "A nena espida sobre a neve".
  • 2° Premio Narrativa (categoría II): JUAN CARLOS BARROS por "Os misterios da Terra Media".
  • 1° Premio de Poesía (categoría II): DANIEL REGUEIRO por "Antoloxía poética".
  • 2° Premio de Poesía (categoría II): ANTÍA FERNÁNDEZ por "Os crueis e os namorados".

Parabéns a tod@s os galardoad@s e mais ao resto de participantes por tantísimo talento!

Quico Cadaval connosco

Co gallo do Día das Letras Galegas estivo no noso instituto Quico Cadaval, actor, director teatral, escritor e narrador. A súa actuación encandeou a todos os que tivemos a sorte de velo. Tamén departiu co alumnado, que agradeceu a súa espontaneidade e o seu trato afable. Podedes ver algúns momentos da súa actuación se facedes clis no seguinte enlace.

Velaquí algunhas fotos.

Marcapáxinas solidarios

O alumnado da ESO do noso centro participa un ano máis no certame de marcapáxinas solidarios promovido pola ONG SAVE THE CHILDREN. Enmarcado dentro das actividades organizadas polo equipo da Biblioteca para celebrar a semana do libro, o noso alumnado de Educación Plástica deseña e pon a venda (0.50 €) estes marcapáxinas. Todo o recadado será ingresado na conta da citada ONG.

 

Posibilidade acceder contidos dixitais

Os usuarios da nosa biblioteca poderedes acceder de xeito gratuíto a E-LBE.2, unha plataforma de lectura e préstamo de contidos dixitais, no que teredes á vosa disposición máis de 3 000 títulos.

No arquivo adxunto tedes toda a información dispoñible. Que o disfrutedes!

O Día de Rosalía de Castro

Con motivo do Día de Rosalía, 23 de febreiro, a Biblioteca xunto co Equipo de Dinamización da Lingua homenaxeou á autora con traballos creativos do alumnado. Á proposta da Asociación de Autores en Lingua Galega, o alumnado partiu dos primeiros poemas de Follas Novas de Rosalía de Castro para sementar os seus pensamentos poéticos polo centro.

Conferencia sobre Xela Arias

O 7 de febreiro,o alumnado de 4°ESO e parte do de 3° asistiu á conferencia "Xela Arias. Poesía e vida" impartida por Anxo Rajó e Bieito Ledo. Anxo Rajó, autor dun libro sobre a poeta na editorial Ir Indo, contounos feitos da vida da autora decisivos para entender a súa obra. Tamén explicou a forte personalidade e vixencia dos seus versos. Deseguido, Bieito Ledo, fundador e director da editorial Ir Indo, tratou a importancia de escribir, editar e publicar obras desde a súa óptica tan rica en experiencias. As cuestións do alumnado prolongaron o encontro sobre a autora recentemente homenaxeada

Marcapáxinas pola igualdade

O 8 de marzo, co fin de conmemorar a loita da muller pola igualdade de xénero, alumnado de 1º de bacharelato elaborou e repartiu polas aulas e a biblioteca MARCAPÁXINAS sobre importantes mulleres economistas e as súas principais achegas. A actividade estivo coordinada pola profesora de economía Tamara CambraOtero".

 

 

Novo número revista ROULANDO

Xa temos aquí o novo e interesante número da nosa revista ROULANDO, coordinada polo Equipo de Dinamización da Lingua Galega. Tedes dúas posibilidades de vela:

Que a gocedes!

Distribuir contido