Iniciar sesión

Secretaría virtual

Matemáticas

A maxia no ROU

Para despedirnos dun xeito divertido, o último día de clase tivemos o pracer de contar no noso centro co mago Xulio Merino, unha das grandes promesas da maxia nacional. Gañou o prestixioso "Premio Ascanio de maxia de cerca" e apareceu en programas de televisión como o programa estadounidense “Fool Us” ou o programa "El Hormiguero" de Antena3.

O noso alumnado participou realizando un truco de maxia matemática e formando parte do espectáculo.


Programacións

No arquivo adxunto tedes as programacións do departamento correspondentes ao curso 22-23.

Fotos mates sostibles

Aquí tedes un pequeno vídeo feito por Xulio Banga coas fotos que enviou o alumnado de 1º ESO para a actividade "Retratando as mates sostibles". Como xa vos informamos fai uns días, tedes máis información na súa conta de instagram

Retratando as matemáticas sostibles

Este mes comezamos coa primeira actividade deste proxecto anual e será o alumnado de 1º ESO quen tomará fotografías do Vigo sostible acompañadas de títulos matemáticos con motivo do Día mundial das cidades o 31 de outubro. Cal é a vosa imaxe favorita? Esperamos que sigades a nosa conta e seleccionedes “Gústame” ás mellores fotografías.

Facede clic na imaxe e accederedes. 

Xa estamos na fase nacional

Os días 23, 24 e 25 de xuño, os alumnos Iván Iglesias, Antón Justo Vicente, Nora Ramallo Martínez y Sara Vicente Lorenzo de 3º ESO C defenderán en Toledo, na fase nacional do concurso "XI Incubadora de Sondeos y Experimentos" o seu proxecto “Estudo da relación de casos de Covid-19 e a contaminación do aire nas ciudades de Vigo e Valladolid”. As entidades convocantes deste concurso son a "Sociedad Española de Estadística y Investigación Operativa" e a "Universidad de Castilla La Mancha".

O Nadal baixo unha mirada matemática

Aquí tedes un vídeo sobre o concurso de fotografía no que se trataba de ver as luces do Nadal baixo unha mirada matemática Estivo organizado polo Departamento de Matemáticas e participou alumnado de 1º e 2º ESO. 

Concurso fotografía Nadal matemático

Esperamos que miredes o Nadal en Vigo baixo unha mirada matemática. Así que convocamos este concurso de fotografía matemática sobre o Nadal na cidade. Animádevos a participar!

I congreso de estatística no noso centro

As matemáticas poden aplicarse a moitas situacións e facilitan a resposta a moitos problemas que poden plantexársenos. O alumnado de primeiro de ESO, coordinado polas profesoras do departamento de matemáticas Mariña López e Adela Rodríguez, deron esta solucións no I Congreso de Estatística, celebrado no noso instituto.

Un destes traballos (feito por Miguel Carbalho, Andrea Núñez, Gabriel Rodríguez e irene Román) resultou finalista no XI Concurso de Sondeos e Experimentos, que defenderon na Facultade de Matemáticas de Santiago de Compostela.

Se queredes saber algo máis, facece clic nos seguintes enlaces:

A meteoroloxía no ROU

Como parte do proxecto de Meteoescolas, o alumnado de 1º, 3º e 4º ESO, baixo a coordinación da profesora Mariña López, recolleu datos na estación meteorolóxica situada no noso instituto durante os meses de xaneiro, febreiro e marzo. Agora presentamos os resultados da análise destes datos realizada polo alumnado de 1º ESO.

Se queredes velos deberedes facer cli aquí.

 

Descubrimentos matemáticos do século XIX

Se facedes clic na seguinte imaxe veredes un estupendo vídeo que fixo, de xeito colaborativo, o alumnado de 2º ESO B desde a súas casas e baixo a coordinación da súa profesora de matemáticas Mariña.

Distribuir contido