O venres celebramos o enterro do noso meco "O Rapante". O noso pobriño peixe morreu logo dunha enchenta de pellets nas augas de Teis. Alumnado, profesorado e esquelete acompañámolo polos corredores na súa despedida.

O día 3 de febreiro celebramos a Candeloria no ROU. Os nosos poetas deseñaron cadanseu pardal..e descubrimos que chiaban poesía e mensaxes polos corredores do instituto. Seica querían adiantarnos que: "medio inverno xa vai fóra"!

O xoves 8 de febreiro viñeron da Asociación Etnográfica a Merdeira para explicarlle ao alumnado de 1°ESO o sentido do Entroido tradicional galego e dos seus personaxes, especialmente do Merdeiro. Logo catro rapaces voluntarios vestíronse co traxe de Merdeiro e saíron á Ágora para axitar os alliporros, burlarse e perseguir ao alumnado.

O Apalpador baixou das montañas do Courel e fixo unha parada no ROU....

Este curso botamos a andar a primeira edición do Parolando. Todo o alumnado do centro debateu ao longo da xornada sobre temáticas de interese para a nosa sociedade. A rapazada participou con moito interese. Haberá que agardar a finais do segundo trimestre para repetir a experiencia.

Este mércores 17 de xaneiro Borxa, da asociación Orgullo Galego, achegouse ao IES para dar unha charla ao alumnado de 4° ESO sobre a presenza da lingua galega na internet e deixar constancia de que o galego é unha lingua válida para as novas tecnoloxías. Porén, explicou que queda camiño por percorrer porque aínda hai plataformas que non teñen o seu sistema operativo adaptado ao galego.

O pasado martes, 20 de xuño, celebramos a entrega de premios do Concurso Literario IES ROU 2023, iniciativa do EDNL e Biblioteca. O xurado, formado por Eliseo Martínez, Esther Quinteiro, Laura Pereira e Alexandra García, decidiu por unanimidade outorgar os premios aos seguintes participantes:

• 1° Premio Narrativa (categoría I): Eva Lomba
• 2° Premio Narrativa (categoría I): Tomás Rodríguez
• 1° Premio de Poesía (categoría I): Marianne Bouzas
• 1° Premio de Poesía (categoría II): Antía Fernández

Parabéns ao galardoado e galardoadas e ao resto de participantes polas súas creacións, seguide así!

Xa podedes ver on line (facendo clic no seguinte enlace) ou descargar (no arquivo adxunto) a nova entrega da revista Roulando. Conta con artigos  e creacións moi interesantes, ademais de debuxos e creacións artísticas. Agardamos que vos guste.