Skip to Content

Pagamento do seguro escolar [2024/25]

Lun, 14/10/2024 - 17:53 — xdafonte

Todo o alumnado de 3º ESO, 4º ESO, FP, bacharelato e ESA ten que facer efectivo no momento da matrícula o pagamento da cota anual do seguro escolar obrigatorio (1,12 €). O noso centro optou no seu día por aprazar esta xestión, co propósito de facilitar a matrícula telemática e de reducir ao máximo os desprazamentos das familias ao centro e/ou ás entidades bancarias.

Unha vez iniciadas as actividades lectivas, abrimos o prazo para realizar o pagamento das devanditas taxas, trámite que deberá ser realizado polo propio alumnado nas oficinas do centro. 

Para simplificar e axilizar ao máximo esta xestión, decidimos aplicarlle un redondeo á taxa oficial, que pasa de 1,12 € a 1 €. Polo tanto, o alumnado dos cursos arriba mencionados deberá facer entrega de 1 € nas oficinas do centro. O prazo para realizar o pagamento rematará o 24 de outubro.

Renovación parcial do Consello Escolar

Lun, 14/10/2024 - 14:08 — xdafonte

Na Resolución do 10 de setembro de 2024, da Dirección Xeral de Ordenación e Innovación Educativa, establécense as condicións nas que deberán desenvolverse as eleccións para a renovación parcial dos membros dos consellos escolares.

De acordo co establecido no Decreto 92/1988, de 28 de abril, segundo a redacción dada polo Decreto 324/1996, do 26 de xullo, o primeiro paso deste proceso é a celebración dun sorteo público para a designación dos membros que formarán parte da Xunta Electoral, tanto titulares como suplentes. Este sorteo terá lugar ás 10.30 horas do día 21 de outubro.

Calendario escolar 2024/25

Mér, 09/10/2024 - 10:11 — xdafonte

Calendario 2024/25 do IES Plurilingüe Pintor Colmeiro

Orde do 12/04/2024 - Calendario escolar 2024/2025

Inicio do curso 2024/2025

Xov, 05/09/2024 - 18:09 — xdafonte

O inicio da actividade lectiva correspondente ao curso 2024/25 desenvolverase de acordo a este calendario:

  • Día 11/09/2024, ás 8.50 h: inicio da actividade lectiva para o alumnado de ESO e FPB.  O servizo de autobús funcionará con normalidade. O alumnado de 1º de ESO será recibido na aula de usos múltiples por membros do equipo directivo e do profesorado antes de incorporarse á actividade lectiva ordinaria.
  • Día 11/09/2024, ás 13.00: inicio da actividade lectiva para o alumnado das ensinanzas de bacharelato.  IMPORTANTE: o alumnado de bacharelato non accederá ao recinto ata a hora indicada, co fin de non entorpecer o desenvolvemento da primeira xornada lectiva.
  • Día 11/09/2024, ás 17.00 h: ensinanzas para persoas adultas. 

O horario lectivo xeral do centro para este curso será o seguinte (alumnado de ESO, bacharelato e FPB):

  • Entrada: 8.50 h.
  • Primeiro recreo: de 10.30 h a 10.50 h.
  • Segundo recreo: de 12.30 h a 12.50 h.
  • Saída: 14.30 h.
  • Os xoves hai clase pola tarde entre as 15.50 h e as 17.30 h.

O alumnado da ESO ao que se adxudicaron libros de texto do fondo solidario recibiraos no propio centro durante os primeiros días de clase. 

O centro está a traballar nas listaxes de alumnado por grupos e materias. O día 9 de setembro darase a coñecer a través de Abalar o grupo ao que queda adscrito/a cada estudante.

CUALE 2024/25

Xov, 05/09/2024 - 17:57 — admin

Xa te podes matricular no CUALE do Colmeiro.

O programa CUALE (Cursos para a Formación Complementaria da Aprendizaxe de Linguas Estranxeiras) consiste nun curso no que se prepara ao alumnado para a realización das probas de certificación da Escola Oficial de Idiomas de maneira totalmente gratuíta.

Se no curso 2024-2025 estudas 4º de ESO ou ciclo medio, pódeste matricular no curso de A2. Se xa tes o certificado A2 do MCER ou estás en bacharelato, ciclo medio ou ciclo superior, faino no curso de B1.

Accede ao formulario e envía a túa matrícula.

Aberto prazo de matrícula para Educación Secundaria de Persoas Adultas

Xov, 05/09/2024 - 17:50 — admin

Queres formarte para obter a titulación de Graduado en Educación Secundaria? O IES Plurilingüe Pintor Colmeiro acaba de abrir o prazo de matrícula dun curso presencial de Educación Secundaria para Persoas Adultas que che permitirá conseguir esa titulación durante este ano escolar 2024/25. 

A Educación Secundaria de Adultos (ESA) organízase en módulos cuadrimestrais. Os módulos III e IV pertencen ao nivel II e correspóndense con 3º e 4º de ESO. Cada un organízase en tres campos de coñecemento: ámbito de comunicación, ámbito de sociedade e ámbito científico-tecnolóxico.

Ponte en contacto con nós e informámoste en detalle.

Fondo solidario de libros de texto 2024: listaxes e vales

Xov, 11/07/2024 - 17:52 — xdafonte

O día 12 de xullo de 2024 estarán dispoñibles as listaxes provisionais de solicitudes admitidas e excluídas na participación do fondo solidario de libros de texto. As listaxes definitivas publicaranse o 26 de xullo.

No artigo 13 da Orde de 7 de maio de 2024 establécese que todas as listaxes serán publicadas "única e exclusivamente no taboleiro de anuncios situado no interior do edificio escolar". Polo tanto, a devandita documentación só pode consultarse nas dependencias do centro ou por vía electrónica na aplicación Fondolibros, usando Chave 365 ou o certificado dixital.

Os vales de material escolar poden retirarse das oficinas do IES Plurilingüe Pintor Colmeiro a partir do día 12 de xullo.

Os libros de texto entregaránselles ao alumnado no inicio de curso, é dicir, a partir do 11 de setembro.

Leonardízate

Mér, 10/07/2024 - 20:58 — marta.aguirre

LEONARDÍZATE

Admisión a ciclos formativos [2024/2025]

Mér, 26/06/2024 - 15:30 — xdafonte

A Consellería de Cultura, Educación, Formación Profesional e Universidades publicou o calendario de admisión das ensinanzas de Formación Profesional para o curso 2024/2025.  

O prazo de presentación de solicitudes nos réximes ordinario e para as persoas adultas comezará o 24 de xuño ás 9 horas e prolongarase ata o 4 de xullo ás 13 horas.

A solicitude deberá realizarse mediante un asistente informático vía web para todos os réximes e graos [ciclosadmision]. 

Información de interese:

  • Portal educativo da Dirección Xeral de Formación Profesional [aquí].
  • Instrucións xerais de admisión [aquí].
  • Orde do 15/06/2016, pola que se regula a admisión a ciclos formativos [aquí].
  • Buscador de centros con oferta de FP sostida con fondos públicos [aquí].

Remate de curso [2023/24] | Matrícula [2024/25]

Mér, 26/06/2024 - 00:39 — xdafonte

Calendario de fin de curso [2023/2024]: aquí.

Matrícula ESO e Bacharelato [2024/2025]:

Prazo. Entre o 24 de xuño e o 8 de xullo de 2024.

Procedemento de entrega de documentación. Ofrecemos dúas posibilidades:

  • Presencial. Entre 9.00 h e 13.30 h.
  • Telemática. Toda a documentación poderá remitirse ao enderezo electrónico matricula@iespintorcolmeiro.org. 

Esta é a documentación que empregaremos para realizar a matrícula do alumnado que cursará ESO e bacharelato no 2024/25. Nota/ O impreso de matrícula de cada curso e o documento de consentimento do uso da imaxe son editables (pode cubrilos desde o seu ordenador).

Que documentos hai que entregar? Moi sinxelo:

O impreso de matrícula correspondente + consentimento do uso da imaxe + copia DNI/NIE do alumnado (a copia do DNI só se require para 1º ESO ou para alumnado de nova incorporación ao centro).

Nota/ Pode asinar os PDF sen necesidade de imprimilos, mesmo incorporando unha sinatura "manuscrita". Máis información nesta ligazón.

Distribuir contido


by Dr. Radut