Skip to Content

Taboleiro

Guía 2020-21

Presentamos a Guía 2020-21, un documento no que a comunidade educativa poderá atopar información relativa a cuestións tales como a asignación de responsabilidades ou os horarios de atención titorial.

Achegamos ligazóns a outros documentos de interese:

Pagamento do seguro escolar [2020/21]

Todo o alumnado de 3º ESO, 4º ESO, FP, bacharelato e ESA ten que facer efectivo no momento da matrícula o pagamento da cota anual do seguro escolar obrigatorio (1,12 €). O noso centro optou no seu día por aprazar esta xestión, co propósito de facilitar a matrícula telemática e de reducir ao máximo os desprazamentos das familias ao centro e/ou ás entidades bancarias.

Unha vez iniciadas as actividades lectivas, abrimos o prazo para realizar o pagamento das devanditas taxas, trámite que deberá ser realizado polo propio alumnado nas oficinas do centro. Neste sentido, lembramos que no protocolo de adaptación ao contexto COVID se establece que as familias só deben acceder ás instalacións do centro por causas moi xustificadas. 

Para simplificar e axilizar ao máximo este trámite, decidimos aplicarlle un redondeo á taxa oficial, que pasa de 1,12 € a 1 €. Polo tanto, o alumnado dos cursos arriba mencionados deberá facer entrega de 1 € nas oficinas do centro. O prazo para realizar o pagamento rematará o 16 de outubro.

Calendario de inicio do curso 2020/2021

Podes consultar nesta ligazón o calendario de inicio de curso 2020-21.

Aproveitamos para lembrar que temos matrícula aberta para cursar parte da nosa oferta formativa:

  • CUALE. Se este ano cursas 4º de ESO ou ciclo medio, pódeste matricular no curso de A2. Se xa tes o certificado A2 do MCER ou estás en bacharelato, ciclo medio ou ciclo superior, faino no curso de B1. Para formalizar a matrícula, cubre este impreso e fáinolo chegar, ben por correo electrónico (cuale@iespintorcolmeiro.org) ou entregándoo nas oficinas.
  • Educación de persoas adultas. Podes matricularte na ESA (educación secundaria para persoas adultas) ou na EBI (ensinanzas básicas iniciais). Ponte en contacto con nós para máis información.

Bolsas para estudos postobrigatorios [2020-2021]

Está aberto o prazo de solicitude de bolsas para o alumnado que curse estudos postobrigatorios no ano académico 2020-2021 (bacharelato, ciclos formativos e FP básica).

Prazo de presentación: desde o 9 de agosto de 2020 ata o 1 de outubro de 2020.

As solicitudes deben formalizarse na sede electrónica do Ministerio de Educación e Formación Profesional [aquí].

Máis información no Portal de bolsas do Ministerio de Educación e Formación Profesional.

Protocolo de adaptación ao contexto da COVID-19

A Consellería de Educación, Universidade e Formación Profesional publicou no seu portal web o Protocolo de adaptación ao contexto da COVID-19 nos centros de Ensino non Universitario de Galicia para o curso 2020-2021.

ÚLTIMA HORA. A A Consellería de Educación, Universidade e Formación Profesional publicou o 31 de agosto unha actualización do protocolo

Probas extraordinarias de setembro 2020

Martes 1 e mércores 2 de setembro: 

  • Exames da convocatoria extraordinaria. Na seguinte ligazón pode consultar o calendario das probas.
  • Devolución dos libros de texto non entregados en xuño. 

Venres 4 de setembro:

  • Publicación das cualificacións en Abalar. 
  • Inicio do prazo de reclamacións e de matrícula (dous días hábiles).

Fondo solidario de libros de texto: listaxes provisionais

Están dispoñibles as listaxes provisionais de solicitudes admitidas e excluídas na participación do fondo solidario de libros de texto.

No artigo 13 bis da Orde do 12 de maio de 2020 establécese que todas as listaxes serán publicadas "única e exclusivamente no taboleiro de anuncios situado no interior do edificio escolar". Polo tanto, a devandita documentación só pode consultarse nas dependencias do centro ou por vía electrónica na aplicación Fondolibros, usando Chave 365 ou o certificado dixital.

Os vales de material escolar poden retirarse das oficinas do IES Plurilingüe Pintor Colmeiro a partir do día 13 de xullo.

CUALE 2020/2021: Comezamos!!!

O día 5 de outubro de 2020 arranca a tempada de CUALE no centro. Premede nesta ligazón para informarvos ao detalle de como se van desenvolver as actividades. 

Bolsas para estudos postobrigatorios. Precisas axuda?

Está aberto o prazo de solicitude de bolsas para o alumnado que curse estudos postobrigatorios no ano académico 2020-2021 (bacharelato, ciclos formativos e FP básica). 

Se precisas axuda para formalizar a túa solicitude, ofrecémosche a posibilidade de vir polo instituto para que che botemos unha man. Os días que temos dispoñibles son o 28 e o 29 de setembro en horario comprendido entre 16.00 h e 19.00 h. 

Os documentos que precisas para poder completar o proceso son, en principio, os seguintes:

  • Documentos de identidade de todos membros da unidade familiar (orixinais, fotocopiados ou escaneados)
  • Número de conta bancaria na que figure a alumna/o.

Listaxes ESO/BAC 2020/21

Publicamos as listaxes do alumnado de ESO e bacharelato segundo a asignación aos grupos.  Os datos que se facilitan son o primeiro apelido e os 4 últimos caracteres do documento de identidade que figura no seu expediente:

Distribuir contido


by Dr. Radut