O IES Plurilingüe Pintor Colmeiro incorporouse no 2023 á Rede Galega de Educación Dixital da Comunidade Autónoma de Galicia. Un dos obxectivos desta plataforma é abrir os centros educativos á poboación adulta que non estea recibindo formación no sistema educativo galego.
A nosa aula de capacitación dixital vai levar a cabo varias accións no ano 2024. A primeira delas vai ser un curso de 30 horas de duración, dirixido a persoas maiores de idade que desexen mellorar as súas competencias dixitais en ámbitos tales como o manexo do correo electrónico, a navegación por internet ou o uso seguro dos dispositivos móbiles. Esta actividade desenvolverase en horario matinal durante a primeira quincena do mes de xullo de 2024.
O curso é subvencionado polo Fondo Social Europeo e será totalmente gratuíto. Ao remate conseguirase un certificado de asistencia e aproveitamento, co que se poderán acreditar 30 horas asociadas a unha cualificación de nivel 2 do Catálogo nacional de Cualificacións profesionais (IFC748_2).
Poderán participar neste curso as persoas que fixeron os cursos de capacitación dixital na nosa aula de capacitación dixital no 2023.
A inscrición pode realizarse de calquera destas tres vías:
- Nas propias oficinas do centro, en horario de 9:00 a 14:00.
- Telefonicamente (986580904).
- Por correo electrónico, escribíndonos ao enderezo ies.pintor.colmeiro@edu.xunta.gal. Os datos que precisamos para a inscrición provisional son apelidos e nome, data de nacemento e un teléfono de contacto.
