IES Plurilingüe Pintor Colmeiro

No apartado PLANS E PROXECTOS da nosa web está publicado o Plan Dixital do Centro [ligazón], un documento elaborado por un grupo de docentes do centro ao longo do curso 2021/22. Foi aprobado polo claustro do profesorado e polo consello escolar nas súas respectivas reunións ordinarias de final de curso.

A disposición adicional primeira da Orde do 25 de xaneiro de 2022 establece que as probas finais da convocatoria extraordinaria para o bacharelato se realizarán entre o 20 e o 22 de xuño de 2022". Pulse nesta ligazón para consultar o programa de exames aprobado polo centro.

A Orde do 25 de xaneiro de 2022, pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato, introduce cambios na xestión da promoción e da titulación do alumnado. No mes de marzo publicamos un artigo no que resumimos as principais novidades [ver].

O novo marco normativo require actualizar algúns apartados da Concreción curricular do centro e adaptar as programacións didácticas das materias dos cursos afectados. En consecuencia:

• Publicamos a actualización do documento de Concreción curricular [ver Modificación curricular para o curso 2021/22].

• Anunciamos que publicaremos as adaptacións das programacións didácticas a partir do día 13 de abril. Poden consultalas premendo nesta ligazón.

Información dirixida ao alumnado que non rematara os seus estudos no ciclo medio de Condución de actividades físico-deportivas no medio natural:

Segundo se establece na Disposición 4ª 2 da Resolución do 29 de marzo de 2021, da Secretaría Xeral de Educación e Formación Profesional, pola que se convocan probas libres de títulos extinguidos dos establecidos ao abeiro da Lei orgánica 1/1990, do 3 de outubro, de ordenación xeral do sistema educativo, a segunda convocatoria de presentación de solicitudes abranguerá dende o 3 ao 13 de maio de 2022.

Para máis información, prema aquí.

Relación de vacantes que oferta o IES Plurilingüe Pintor Colmeiro (Silleda – Pontevedra) en ESO e bacharelato para o curso 2022/23:

• 1º ESO: 5 prazas (obtivo praza todo o alumnado dos centros adscritos que a solicitou mediante reserva).
• 2º ESO: 27 prazas.
• 3º ESO: 14 prazas. 
• 4º ESO: 8 prazas.
• 1º BAC: 21 prazas.
• 2º BAC: 25 prazas.

O prazo de presentación de solicitudes será desde o 1 ata o 21 de marzo.

As solicitudes de admisión de alumnado realizaranse cubrindo un formulario, de xeito manual ou a través da aplicación admisionalumnado:

• Para a opción manual, hai que descargar o modelo ED550B. Fagan clic en calquera destes enlaces para efectuar a descarga: versión en galego / versión en castelán.
• Para a opción telemática, o formulario poderá cubrirse na aplicación admisionalumnado [menú Solicitudes > Admisión > Crear]. No caso de que opte por utilizar a devandita aplicación, teña en conta que cando confirme a solicitude se xerará un informe en pdf.

Para presentar a solicitude poderá:

• Entregar a documentación no centro educativo de primeira elección.
• Presentar en calquera dos lugares que establece a Lei 39/2015, do 1 de outubro, do Procedemento Administrativo Común, incluída a sede electrónica, para o que se precisará de Chave365 ou certificado dixital, sendo esta a canle preferible de presentación.

Notas de interese:

1. O alumnado que estea matriculado no IES Plurilingüe Pintor Colmeiro neste curso ten garantida a súa permanencia no centro para cursar ensinanzas de ESO ou bacharelato. En consecuencia, non terá que presentar ningunha documentación.
2. Cada alumna/o só pode presentar unha única solicitude no centro no que solicite praza en primeiro lugar.
3. O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.
4. O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

Normativa e documentación de referencia:

• Decreto 13/2022, do 3 de febreiro
• Orde do 12 de marzo de 2013
• ORDE do 25 de xaneiro de 2017
• Acordo de criterio complementario