Skip to Content

O programa TEI está en marcha

No mes de xaneiro iniciamos o programa de Titoría entre Iguais (TEI). Nesa sesión, o alumnado de 3º de ESO recibiu o carné de titor/a TEI e coñeceu ao/s seu/s titorando/s.  

O día 23 de febreiro, xoves, o alumnado de 1º e 3º de ESO que participou no programa TEI gozou dunha xincana que incluía 20 probas, entre elas: pasar unha ponte himalaia, carreira de sacos, bottleflip, penalti mareado, water pon, acrosport… Poucos/as conseguiron superalas na súa totalidade pero pasárono moi ben!

No vídeo podes ver un breve resumo do acontecido en ambas sesións.

Instrucións para a realización, dentro do curso 2016/2017, da avaliación de bacharelato para o acceso á Universidade (ABAU) para curso 2017/2018

A web da Consellería de Cultura, Educación e O.U. publica a Resolución conxunta da Secretaría Xeral de Universidades e da Dirección Xeral de Educación, Formación Profesional e Innovación Educativa do 21 de febreiro de 2017 pola que se ditan instrucións para a realización, dentro do curso 2016/2017, da avaliación de bacharelato para o acceso á Universidade (ABAU) para curso 2017/2018. Esta é a ligazón.

Axudas para a realización de actividades de formación en linguas estranxeiras no ano 2017 [ESO e bacharelato]

Publicouse no DOG do 27 de febreiro a Orde do 2 de febreiro de 2017 pola que se convocan axudas para a realización de actividades de formación en linguas estranxeiras.

prazo de presentación de solicitudes comeza o día 28 de febreiro e remata o día 27 de marzo.

A información sobre este programa, así como a aplicación "en liña" que se menciona na convocatoria, atoparase na páxina web http://www.edu.xunta.es/axudasle

Relación de vacantes de ESO e bacharelato [2017-18]

Relación de vacantes que oferta o IES Pintor Colmeiro (Silleda – Pontevedra) en ESO e bacharelato para o curso 2017-2018:

  • 1º ESO: 6 prazas (obtivo praza todo o alumnado dos centros adscritos que a solicitou)
  • 2º ESO: 26 prazas 
  • 3º ESO: 6 prazas 
  • 4º ESO: 15 prazas 
  • 1º BAC: 30 prazas 
  • 2º BAC: 41 prazas 

Lembramos que o alumnado que estea matriculado no IES Pintor Colmeiro neste curso ten garantida a súa permanencia no centro para cursar ensinanzas de ESO ou bacharelato. En consecuencia, non terá que presentar ningunha documentación.

O prazo para a cumprimentación de solicitudes de admisión estará aberto entre o 1 e o 20 de marzo de 2017, ambos os dous incluídos.

Máis información e acceso aos formularios nesta ligazón.

Recollida de títulos

Na Secretaría do centro están dispoñibles os títulos académicos correspondentes ás propostas de 2014 e 2015. 

Horarios de recollida: de luns a venres entre 9.00 e 14.00 h; os xoves tamén en horario de tarde (de 16.00 a 17.30 h).

Probas para a obtención das titulacións de graduado en ESO e bacharel [2017]

Publicada a Resolución do 27 de xaneiro de 2017, da Dirección Xeral de Educación, Formación Profesional e Innovación Educativa, pola que se convocan as probas para a obtención do título de graduado en educación secundaria obrigatoria para maiores de dezaoito anos, nas convocatorias de xuño e setembro, e se ditan instrucións para a súa realización. Máis información.

Publicada a Resolución do 31 de xaneiro de 2017, da Dirección Xeral de Educación, Formación Profesional e Innovación Educativa, pola que se convoca a proba para a obtención do título de bacharel para maiores de vinte anos e se ditan instrucións para a súa realización. Máis información.

Resumo da xestión económica 2016

Admisión de alumnado para ESO e Bacharelato [2017-2018]

Hoxe publícase no DOG a Orde de 25 de xaneiro de 2017 pola que se modifica a Orde de 12 de marzo de 2013, que é a norma que regula o desenvolvemento dos procesos de reserva e admisión do alumnado en centros públicos.

Entre as novidades da presente convocatoria destaca a incorporación dunha ferramenta electrónica da que poden facer uso as familias. A aplicación identifícase como admisionalumnado e localízase neste enderezo.

Lembramos que, de acordo co establecido no artigo noveno da Orde de 12 de marzo de 2013, o alumnado matriculado nun centro docente público ou privado concertado ten garantida a súa permanencia nel nos termos establecidos no artigo 5.1 do Decreto 254/2012, do 13 de decembro, polo tanto, o cambio de curso, ciclo, nivel ou etapa non requirirá un novo procedemento de admisión, agás que coincida cun cambio de centro.

O prazo de admisión para o alumnado que desexe cambiar de centro ou ir a un centro non adscrito será o período comprendido entre o 1 e o 20 de marzo.

Probas de acceso a ciclos formativos [2017]

No DOG do 5 de xaneiro publícase a Orde do 22 de decembro de 2016 pola que se convocan probas de acceso aos ciclos formativos de grao medio e de grao superior de formación profesional [aquí].

Recomendámosche que amplíes información no portal web de FP [aquí] e que teñas moi presentes as datas claves do proceso [calendario].

Prazo de inscrición:

  • Probas de acceso a ciclos formativos de grao medio: O prazo de presentación estará abranguido entre os días 13 e 23 de marzo de 2017, ambos os dous incluídos.
  • Probas de acceso a ciclos formativos de grao superior: O prazo de presentación estará abranguido entre os días 6 e 15 de febreiro de 2017, ambos os dous incluídos.

Renovación do Consello Escolar. Proclamación de candidaturas

O día 17 de novembro tivo lugar a segunda sesión de traballo da Xunta Electoral que está a supervisar o procedemento de renovación do Consello Escolar do IES Plurilingüe Pintor Colmeiro. Na devandita reunión acordouse admitir, proclamar e publicar as candidaturas presentadas polos distintos sectores.

Nais, pais e titores/as legais do alumnado:

  • Carlos Fondevila López

Profesorado:

  • Rosa Mª Andrade Expósito
  • María Peón López

Alumnado:

  • Noor Chaitany Alamancos
  • Tamara Pereira Ferreira

Persoal non docente:

  • Mª Teresa Casal Tato

Lembramos que as votacións terán lugar o día 24 de novembro, de acordo co seguinte horario:

  • Profesorado: 12:30 – 12:50
  • Pais, nais e titores legais do alumnado: 18:00 – 20:30
  • Alumnado: 10:00 – 12:30
  • Persoal non docente: 16:30 – 14:00
Distribuir contido


by Dr. Radut