Articulos

Reunión Principio de Curso da ANPA

A directiva da Anpa As Bouzas do IES Monte da Vila convoca A TÓDALAS FAMILIAS do centro a unha REUNIÓN DE INICIO DE CURSO o LUNS día 7 de OUTUBRO, ás 17:30 en primeira convocatoria, 17:45 en segunda convocatoria.

A orde do día será:

  1. Resumo das actividades do curso anterior e información sobre as actividades previstas para este curso.
  2. Modificacións na directiva da ANPA.
  3. Recepción de novos socios.
  4. Información ás familias interesadas sobre a Lotería da Anpa para as excursións de Andorra (3º da ESO e 1º de Bacharelato) e Fin de Curso (4º da ESO).
  5. Reunión coas familias de 4º da ESO para organizar o grupo da excursión de Fin de Curso.

Podes ver a convocatoria en pdf premendo aquí

Calendario 2019-2020

Para ver o Calendario escolar coas datas de avaliación do presente curso 2019-2020, pulse no seguinte vínculo:

 Calendario escolar/avaliacións Curso 2019-2020 (PDF) 

calendario escolar 2018-19

 

Resolución provisional fondo libros 2019/2020

Fondo solidario de libros de texto e axudas para a adquisición de libros de texto e material escolar

Publícanse as relacións provisionais de admitidos no fondo solidario de libros de texto e das axudas para a adquisición de material escolar.

Libros de texto Curso 2019/2020

A listaxe de libros de texto para o curso 2019-2020 atópase dispoñible no seguinte arquivo.

  

Fondo de Libros Curso 2019/2020

FONDO LIBROS/AXUDAS ADQUISICIÓN MATERIAL CURSO 2019/2020

Orde do 3 de maio de 2019 pola que se regula a participación no FONDO SOLIDARIO DE LIBROS DE TEXTO e se convocan axudas para adquirir libros de texto e MATERIAL ESCOLAR destinadas ao alumnado matriculado en educación primaria, ESO e educación especial en centros docentes sostidos con fondos públicos para o curso escolar 2019/2020. (DOG, 20 MAIO 2019)


PRAZO PARA PRESENTAR SOLICITUDES: dende o 21 de maio ao dia 21 de xuño de 2019 (ambos os dous incluídos).


PODEN SOLICITAR:

  • FONDO SOLIDARIO DE LIBROS: para os que se matriculen en 1º, 2º, 3º e 4º da ESO no curso 2019/20
  • MATERIAL ESCOLAR (CHEQUE): para os que se matriculen en 1º, 2º, 3º e 4º da ESO no curso 2019/20.

O alumnado que obtivese praza noutro centro, deberá presentar a solicitude nese.


O alumnado que repita 4º da ESO no curso 2019/20, cando non tivese presentado solicitude de axuda para adquirir libros de texto e material escolar no prazo indicado, tamén poderá presentala no prazo dun (1) mes desde a formalización da matrícula.


DOCUMENTACIÓN A PRESENTAR PARA SOLICITAR O FONDO SOL. DE LIBROS E/OU A AXUDA DE MATERIAL: 

  • SOLICITUDE (ANEXO I)
  • Comprobación de datos dos membros computables (ANEXO II)
  • COPIA DO LIBRO DE FAMILIA (Se reflicte a situación real a 31/12/2017)... se non fose así poderán achegar , entre outros: algún dos seguintes documentos:
  1. Sentenza xudicial de separación ou divorcio ou, de ser o caso, convenio regulador onde conste a atribución da custodia do/da menor.
  2. Certificado ou volante de convivencia.
  3. Informe dos servizos sociais ou do órgano equivalente do concello onde resida a familia.
  • Certificado do grao de discapacidade de calquera membro da familia recoñecido por un órgano que NON pertenza á xunta de Galicia.
  • Só de ser o caso, documentación xustificativa de violencia de xénero.
  • Só no caso de incapacitación xudicicial con patria potestade prorrogada ou rehabilitada acreditarase coa correspondente resolución xudicial.

(DEBERÁ traer tamén os orixinais para poder comprobar a súa autenticidade)


As solicitudes presentaránse preferiblemente por vía electrónica nos formularios normalizados dispoñibles na aplicación informática Fondolibros (https://www.edu.xunta.es/fondolibros) a través da sede electrónica da Xunta de Galicia (https://sede.xunta.gal)


Opcionalmente poderán presentar as solicitudes presencialmente nos centros docentes ou nos rexistros establecidos na normativa reguladora do procedemento administrativo común. A solicitude estará dispoñible nas oficinas do centro; no portal educativo, enderezo http://www.edu.xunta.gal, entre outras....


NOTA: LEMBRÁMOSLLES A OBRIGA DE DEVOLUCIÓN DOS LIBROS dos beneficiarios de axudas no curso 2018/19, tanto de fondo como os adquiridos con vale. De non ser así será causa de exclusión para esta convocatoria, e a Consellería iniciará un expediente de reintegro da axuda concedida. DEVOLVERÁNSE aos titores entre os días 17 e 21 de xuño, en coordinación coa vicedirección do centro para o correcto rexistro da súa entrega.