Articulos

• Están publicadas as listaxes provisionais de axudas de material e Fondo Libros para o curso 2020-2021.
• Reclamacións ás listaxes: 8 e 9 de xullo.
• Listaxes definitivas: ata o 14.09.2020.
• As listaxes pódense consultar no taboleiro do centro en horario de 9 a 14 h.

A listaxe de libros de texto para o curso 2020-2021 atópase dispoñible no seguinte arquivo.

A entrega de cualificacións terá lugar o martes 23 de xuño e o xoves 25 de xuño na aula de referencia do grupo, segundo o horario que figura a continuación.

O alumnado esperará no patio e entrará no centro acompañado do profesorado titor, con mascarilla, mantendo a distancia de seguridade e seguindo as indicacións do persoal do centro. É necesario que todo o alumnado traia un bolígrafo.

Na aula, o profesorado titor entregará, ademais do boletín de notas, o sobre de matrícula ao alumnado que promocione de curso na convocatoria de xuño, para evitar aglomeracións en Secretaría. O alumnado poderá recoller outro tipo de material que aínda estea no centro (patíns, material de plástica,...), pero debe esperar ás instrucións do profesorado titor.

Devolverase todo o material (fondo libros, ANPA) seguindo as instrucións do profesorado titor.

É obrigatorio devolver todos os libros do fondo. Unha vez que o profesorado titor comprobe que se devolveron, poderanse levar de novo en préstamo os libros das materias que o alumnado teña que recuperar en setembro.

Abriuse o prazo para a presentación de solicitudes para o fondo solidario de libros de texto “Fondolibros”, que poderán realizarse ata o día 19 de xuño.

A realización de solicitudes pode realizarse de forma electrónica, a través do seguinte enlace:

https://www.edu.xunta.es/fondolibros/

No caso de realizala de forma presencial, rogamos entreguen a documentación cuberta a ordenador.

Pregamos ás familias que, se é posible, se axusten ás seguintes datas para a entrega da documentación do fondo de libros, segundo o curso para o cal realicen a solicitude da axuda, co fin de evitar aglomeracións:

• 1º ESO: 25 e 29 de maio. 4, 10 e 16 de xuño
• 2º ESO: 26 de maio. 1,5, 11 e 17 de xuño.
• 3º ESO: 27 de maio. 2, 8, 12 e 18 de xuño.
• 4º ESO: 28 de maio. 3, 9, 15 e 19 de xuño.

Evitar, ademais, esperar á derradeira semana. O horario da Secretaría do Centro é de 9 a 14 horas.

• Campamentos Polideportivos nas instalacións de Príncipe Felipe.
• Dirixido a rapazada nacida entre os anos 2006-2013.
• Prazo de presentación de solicitudes: 16 marzo.
• Máis información
• Depo Aventura A Lanzada no Centro Vacacional A Lanzada.
• Dirixido a rapazada nacida entre os anos 2007-2012.
• Prazo de presentación de solicitudes: 25 marzo.
• Máis información

Nota de prensa cos prezos.

Información: OMIX, 2º andar Concello do Grove. 986730609.

A directiva da Anpa As Bouzas do IES Monte da Vila convoca A TÓDALAS FAMILIAS do centro a unha REUNIÓN DE INICIO DE CURSO o LUNS día 7 de OUTUBRO, ás 17:30 en primeira convocatoria, 17:45 en segunda convocatoria.

A orde do día será:

1. Resumo das actividades do curso anterior e información sobre as actividades previstas para este curso.
2. Modificacións na directiva da ANPA.
3. Recepción de novos socios.
4. Información ás familias interesadas sobre a Lotería da Anpa para as excursións de Andorra (3º da ESO e 1º de Bacharelato) e Fin de Curso (4º da ESO).
5. Reunión coas familias de 4º da ESO para organizar o grupo da excursión de Fin de Curso.

Podes ver a convocatoria en pdf premendo aquí

Para ver o Calendario escolar coas datas de avaliación do presente curso 2019-2020, pulse no seguinte vínculo:

 Calendario escolar/avaliacións Curso 2019-2020 (PDF) 

PLAN DE CONVIVENCIA IES MONTE DA VILA

Fondo solidario de libros de texto e axudas para a adquisición de libros de texto e material escolar

Publícanse as relacións provisionais de admitidos no fondo solidario de libros de texto e das axudas para a adquisición de material escolar.

A listaxe de libros de texto para o curso 2019-2020 atópase dispoñible no seguinte arquivo.